Там ванны Сталин нэмып колхозны (Саран­пауль курт, Сумыт вош район) ёш войхут тайты ёх па нэнгыт мирхот утыс, хота 1958 отны верым верыт нох вантсаит. Кол­хоз туваттыны от мары кашинг ий мис эвыт пусты эсымйингк 312,5 литрая нох энмыс. А симысь мис пусты нэнгыт, хотсыт Алек­сандра Тимофеевна Ис­томина, Апполинария Анисимовна Кожевина, Анна Петровна Терен­тьева ий мис эвыт пус­ты эсымйингктат нитысот аренг литрая арамтсытат.

Мирхотны така тяв­тып­тыса сыры животновода утым хо па зооветпункт зоотехник тов. Филиппов рупута. Ар эсымйингк пусты вер эвыт тын пун­гытны тотьнгын.

Колхозны мисыт нё­хэн­гыт, итампи тыв омыста хутъянг хатла эстыйтсаит, 35-40 хатл патся. Зоотех­нической учёт ферманы мосты сирны ант тусы. 41,6 процент мис 2-5 ты­лысь мары ант пусыйтса, эсылман утсыт. Туп тамы эвыт колхоз 13 сёрыс литра эсымйингк, муйпа 20 сёрыс ванпыс шоит тохатыс.

Итпа омысты мисыт интам унта кат пуш пу­сыйттаит. Ферманы хатл мары рупитты сир ант тарматта.

Интам мис пусты нэнгыт ястыпсы вусыт мисыт тыстама, туса тапытман тайта. Ферманы хатла постым рупитты сир така тарматта. Итпа омысты мисыт хутым пуш пусыйтта, там вер интам тарматта. Мисыт мисхотны лунси йингкны янтлситтаит, та­пытта питсаит тэпыс­ны.

Мосл ута, что хутым ки­лограмм тэпыс ру­выт­ны ий кормовой единицая ёхтантал. Симысь рув пумыт па янас сосым тапыттотыт ант тайтыт. Мис пусты нэнгыт 1959 отны ий мис эвыт пусты эсымйингк­тат нитысот литрая арамт­та яс­тысыт.

«Ленин пант хуват», 
№ 18 (149), 
10-мит февраль 
1959-мит от