Ты тāл вылтахтам порат Хāльӯст Руслан Проводников намыл маим кāминьт пāссал алхатнэ касыл щпитāлвес. Ты вāрмальн Ямало-Ненецкий округныл Шурышкарский район Мужи пāвылныл каснэ пыгыт ханищтан хум Алексей Родионов ёхталас. Тав кит нврам касуӈкве тотыглас. 

Алексей Родионов тох потыртас:

– Мужи пāвылт ам атыт тāл нврамыт каснэ вāрмальн ханищтыянум. Тāн ётаныл рӯпитаӈкве сака мӯсты. Мāн вāтихал сāвсыр ӯсытн, пāвлытн касуӈкве ялантв, нвра­мыт лӯимā янытыл то­тыглыянум. Хунь каснэ тлан ёмщакв щпитахтв, нх-патыглв, тванакт ос ат врмхатв. Кāминьт пāссал алхатнэ колн туп кāркам ос р пыгыт ёхт­гыт. Тāн лāтыӈ хӯнтлгыт, кон мори ат хāйтыгтгыт, лль накн ат патыглгыт. Тыт мāн тāнаныл тāксарыг луӈкве ханищтыянӯв.

Алексей Родионов Кемеровский область Осинники ӯст самын па­тыс, тот яныгмас. Та мāт уголь нх-хилаве, лылып пāӈкыӈ, мāньлат мāхум мт мāн луӈкве мины­гл­гыт. Тот ань налыман­кем стыра лумхлас хультыс. Алексей лов тāлэ твлуме порат боксын ёхтыс. выл порат касылын Александр Муло таве ханищтастэ. 

Ётыл, школа āстламе юи-пāлт ос Алтайский край Барнаул ӯсн Олим­пийский резерв школан лаль ханищтахтуӈкве пат­хатас. Хунь āстлас, ос тāра лӯимāн луӈкве вāнт­лыс. Ань Мужи пā­вылт нврамыт кāминьт пāссал алхатуӈкве ты ханищтыянэ.