Форма поиска

Для слабовидящих
  • Хантыйский
  • Русский

Павел Черкашин пӑта етнхот вєрсы

Тӑта мосванӑн вән кєр тыӑщ 24-мит хӑтӑн Ёмвошн В.А. Игошев нємпи музей хот йитн Павел Черкашин поэт пӑта етнхот вєрсы. Мос  ястӑты, хуты тӑм айат хә арсыр әмӑщ стихӑт муй хурасӑң путрӑт хәс вет о мӑр рўщ ясӑңӑн вєра тәса хӑншӑ. Щи тумпийн финно-угорской мирӑт йис путрӑт па моньщӑт ўв ищиты яма эщӑтты вәнӑс.  Тӑмхӑт Павел Черкашин араттєн поэзия па проза щирн хӑншум хәс вет нєпек тӑй. ўв Россия мўвев журналистӑт па писателят тӑхета  уңмӑн вә па ин ищиты еы арсыр әмӑщ путрӑт хӑннєхуятӑта  хӑншман рәпит. Ма ўв пиэа тӑм ванӑн нємасыя путрємӑсум.

– Павел Рудольфович, мӑта оӑт вўш эвӑт нӑң стихӑт хӑншты питсӑн?
– Оӑң стихӑт муй путӑр шәпиет ма иса айтєн яң муй ихущъяңмит о  вўш эвӑт хӑншты вўянтсум. Мєт-мєт оӑң стихєм ма ӑңкєм сєма питум хӑта эщӑтсєм. Ӛхӑт вәнтӑн яңхман муй Муши вошева тови  юхӑтты щосн, иса щимӑщ вєрӑт нумса юхӑтӑт па щи оӑңӑн ищи хӑншум. Щӑта 1989-мит о вўш эвӑт ма стихам районной  газетайн єтты питсӑт. Щи пурайн «Ленинской путь» щирн орвош районэв айкеӑң нєпек аьщӑсы, па щӑта кәща хәя рўщ писатель хә  Юрий Афанасьев рәпитӑс. 
– Муши вошн ӑшкола етшуптӑсӑн па мӑта тӑхия еы вәнтыйты мӑнсӑн?
– Еы ма Тюмень вош педучилищайн вәнтыйсум. Щи оӑтн, вантэ, шєңк ар ӑн па хӑншсум. Щӑта кимит пєлӑк эвӑт мўң хоттє ёхўв иса милицияйн муй няврємӑт вәнтӑты хуятӑта вәупсэ щирн вәсӑт. Щит пӑта ма ищи щи щирн еы вәнтыйты сонтумӑсум. Ӛхӑт вәтєм-хотєм кўтн тўңщирӑңа уша йис, хуты айат ёх ӑшколайн вәнтӑсум па милицияйн ищиты ар о мӑр яма па вещката служитсум. Педучилищаем етшуптумєм юпийн Тюменской государственной университетн еы вәнтыйты питсум. Щӑта о мӑр рәпитсум па  армияя яңхсум. 
– Хән па нӑң Ёмвош округевн вәты питсӑн?
– 1999-мит он тыв юхӑтсум па тӑта Югра мўвев милиция хот пресс-служба хущи рәпитсум. Щи оӑтн ма аршӑк па ямашӑк сыр-сыр стихӑт па путрӑт хӑншты питсум. Мет оӑң «Анастасия» нємуп киникаем тӑта  тўңщирӑңа эщӑтсєм па Тюмень вош издательства хотн єсӑсєм. Щӑта  ма арсыр ай путрӑт ияха ӑкӑтсум па хӑншсум. Щи нєпекєм хущи рәт мўвев сӑмӑңа тӑйты вєрӑт, муй щирн ӑ хуятӑт ыв кўтєн вәӑт па  йис пура вєрӑт тўңщирӑңа нәмӑт, иса щи оӑңӑн киникаем вєрсєм.   
– Павел Рудольфович, мӑта пурайн нӑң стихӑт хӑншты питсӑн?
– Тюмень вош педучилищайн вәнтыйман, арсыр газетаитн па журналӑтн стихам єтсӑт. Щит пӑта ма нәмӑсты питсум, хуты еы стихотворенияйт яма па тәса эщӑтты мос, ән арсыр хӑннєхуятӑтн ўңӑтты щосн сӑмӑңа ат тӑйсыйт. Щи пурайн, вантэ, манєма ям па  хуятӑта ищиты әмӑщ ўңӑтты пит. Мосӑң, щит пӑта, ар ӛр па нумӑс пунман, стихам хурамӑңа йисӑт. 
Ма щирємн, щи оӑт мӑр шєңк ар па ёх хӑншум стихӑт муй проза  щирн вєрум киникайт ўңӑтсум. Ӛхӑт щимӑщ вєр унтасн нумсєм иса такмӑс па ма, әмӑщ вєрман, стихотворенияйт еы хӑншты вўянтсум. 
– Нӑң тӑмӑщ «Под чужими звёздами Кавказа» киника тӑйӑн, муй вєр оӑңӑн щӑта стихӑт хӑншӑн?
– Щи нєпекєм хущи хӑншум, хуты ӑ хӑннєхәя авӑрт аясты па муй щирн кашӑң хә сӑмӑн па нумӑсн хоттє ёха хущи такӑн тәы.     
Киникаем вєрмєм щосн ма, вантэ, Чечня мўва служитты яңхсум. 
– Павел Рудольфович, хән па нӑң Россия мўв Союз писателят тӑхия вўсыйн?
– Щи тӑхия ма 2003-мит он пирисыюм. Вет киника щи пурайн хӑншмӑн тӑйсум. Михаил Федосеенков мӑнєма оӑң рекомендация  нєпек хӑншӑс. ўв тумпен па кӑт хӑннєхә ма пӑтєма щимӑщ  нєпекңӑн эщӑтсӑңӑн, ән ма Союз писателята ат вўсыюм.
– Муйсӑр вєрӑт оӑңӑн нӑң стихӑт яма хӑншӑн?
– Ма ӑн вєритум ястӑты, хуты и щира мӑнты стихӑт муй путрӑт хӑншум. Мўң, вантэ, вәупсэв ар щирн мӑн, щит пӑта ищи арсыр хӑннєхә вәты-хоты йитӑт оӑңӑн хӑншум. Итәх поэтӑт муй писателят тәп и щирн киникайа эщӑтӑт па и вєр эвӑт тәса па хурасӑңа нєпека вєрӑт. Ма па арсыр вєрӑт оӑңӑн стихам хӑншум. Ма щирємн, муйсар вєр мӑнєма әмӑщ па муй нумса юхӑт, иса щи оӑңӑн хӑншты вўянтум. 
– Тӑм ванӑн нӑң Югра мўв кәща литературной мойупсыйн мӑсыйн. Щи тумпийн, апа, мутыйн па мойӑсыйн па тӑхет эвӑт?
– Ма Всероссийской конкурс «О  любви», Уральской Федеральной округ Президент ӑңкӑр хә, Мамин-Сибиряк мойупсэт па па арсыр утӑтн стихӑт муй путрӑт хӑншты пӑта мойӑсыюм.
– Пәмащипа нӑңена тӑм айкеӑн пӑта, тӑаң ёш па тӑаң кўр! 
 
 
Владимир Енов
Хурн: П.Р. Черкашин, Н.М. Казначеева, С.Н. Скорикова
 

25-летний творческий юбилей поэта

24 апреля в Ханты-Мансийске в «Доме-музее В.А. Игошева» прошёл литературно-музыкальный вечер, посвящённый 25-летию творчества поэта Павла Черкашина «Душою мир любя…»

Поэт Павел Черкашин пишет как стихи, так и прозу. Кроме этого,  занимается публицистикой, краеведением, литературной обработкой финно-угорского фольклорного материала. В его произведениях звучит любовь к малой родине, Отечеству и затрагиваются многие другие жизненно важные темы. Поэт является автором 25 книг поэзии и прозы, которые изданы им в России, США и Канаде.

Павел Черкашин – член Союза журналистов и Союза писателей России, лауреат многих региональных и общероссийский премий в области литературы.

Владимир ЕНОВ
 
Рубрика: 
Айкеԯӑт - Новости
Номер Ханты Ясанг: 
№ 10 (3406)
21.05.2014
Loading...