– Любовь Дмитриевна, муй щирн нӑң увӑс мирӑт культура хущи рәпитты питсӑн па мӑта мўв эвӑт вәӑн?

– Ма Тўкъякӑң кәртые эвӑт вәум. Сырыя А.И. Герцен нємпи пединститут Ленинград вошн етшуптӑсум па «Нефтяник» хотн культура методист нє щира иса рәпитсум. Ӛхӑт 1990-мит оӑтн шуши мирўв вәупсы щирӑт Тюменской областян нух аумты питсыйт. Щит пӑта арсыр йиуп поступсэт вєрсыйт, ән увӑс хуятӑт еы ыв вәты-хоты щирӑ, рәт ясӑңа, ара муй моньща ат тәсӑт. Мєт оӑңӑн ма шуши мирӑт кашӑң емӑңхӑта муй мирхота тыв яңхсум па вантсум, муй щирн тӑта арсыр вәйтантупсэт мўң хуятўвн эщӑтыйт. Щӑта 1997-мит о вўш эвӑт  «Строитель» нємуп хота методист нєңа финно-угорской па чувашской культурайт авӑты хот йита рәпитты кәщаитн вохсыюм. Щи пурайн щимӑщ нумӑсн юхӑтсыюм: муй пӑта мўң рәт ясңев па культураев па тӑхийн вәман иса юрємӑўв. Ма щирємн, муйсӑр вєрӑт айтєн вәйтсўв, щитӑт иса еы тӑйты па вєритты кємн тәты мос. 

– Муй щирн нын тӑм Тюменской область мўвн шуши мир хӑтӑт  вєрӑты? 

– Шуши мир хӑтӑт тӑта па область уватн, хута аршӑк хӑнты па юрн вә, мўң кӑт апӑт мӑр иса эщӑтўв. Мєт оӑңӑн щит пӑта емӑңхӑт пўншўв. Щи юпийн арсыр әмӑщ вәйтантупсэт увӑс мир поэтӑт,  писателят, хурӑт хӑншты па учёной хуятӑт пиа нємасыя вєрўв, ән мўң хӑннєхуятўв ямсыева ыв мирє вуаң ёх ат вәйтсэ па сӑмӑңа ат тӑйсэ. Щӑта сыр-сыр мастер-классӑт щи пурайн эщӑтўв, ән айат хуятӑт хӑнты муй юрн мир ёнтӑсты, сӑк эвӑт кӑрӑтты, юх, ўв па тунты эвӑт муты әмӑтсухӑт муй пурмӑсыет вєрты тўңщирӑңа ат  вәнтыйсӑт. Тӑмхӑт ищиты хәум пӑсан омӑссўв, хута тыв юхтыйты мойң ёхўв вєритӑт вантты, муйсӑр әмӑщ йиңӑт, тўрлопсӑт, сєвум вейт па арсыр пурмӑсыет мўң хущева рәпитты муй вошн вәты вєрӑнтты нєңӑт тӑм емӑңхӑтэв пӑта вєрсӑт. Итәх пурайн щитӑт е тыныўв. Вошӑң мирн хӑнты пурмӑсӑт шєңк сӑмӑңа әтыйт. Катра тӑмӑщ вєр иса ӑнтәм вәс. Щит пӑта культураев вантӑўв па ищи кємн мўң хуятўв ёш рәпатайт аьўв. 

– Любовь Дмитриевна, муйсӑр шуши мирӑт нын хущана тӑта вәӑт?

– Ар пєлӑк тӑта хӑнтэт, юрнӑт па муртӑңа вухаят вәӑт. Мўң, вантэ, арсыр ар ёх кўтн вәўв па щит пӑта иса ияха, и нумӑс вєрман, кашӑң ай муй вән вєр эщӑтўв. Увӑс ёхўв кўтн мєт яма ыв вәты-хоты щира юрнӑт аьӑт. Кашӑң емӑңхӑтӑтн ыв шєңк хурамӑң па хурасӑң якты-ариты хотӑт эщӑтӑт, сыр-сыр әмӑтсухӑт муй ёшн  вєрум пурмӑсӑт вантупсыя тәӑт. ыв юпен тәп мўң хӑнтыўв мӑнӑт. Араттєн Тюменской область уватн кӑт щурӑс хӑнты, юрн па вухаь тәп вә. Нәмӑстємн, тӑмӑщ хӑтӑт унтасн кўшкєпа арсыр ёха  мўң оңевӑн айке тәўв.  

– Пәмащипа нӑңена, Любовь Дмитриевна, тӑм айкеӑн пӑта! Тӑаң ёш нӑңена па тӑаң кўр!

 

Владимир Енов