Мньполь тпос 3 хталт «Тōрум Маа» музейт пслым хуритыл «Дневник экспедиции. Пугоры, Теги» нампа суссылтап ōлыс. Та хōтал мāхум потыртасыт, хумус Хāльӯс районт «Тылащ пори» нампа пӯрлахтын врмаль врыгласыт, сосса мир аквъёт хумус атхатыгласыт ос пӯрлахтасыт. 

Пēс порат тамле хōтал щēмьят халт вāрыглавес, тлы порат хӯрум щёс пӯрлахтасыт. выл тамле ялпыӈ хōтал Ханты-Мансийск ӯс музейт 2011 тāлт вāрыглавес. Тнт рӯ­пи­тан хōтпат ты ялпыӈ хōтал вāруӈкве щпитах­тасыт, тāн яныг­пāла хōтпат ёт потыр­та­сыт ос китыглахтасыт, ма­ныр рōви манос ат рōви та хталт вāруӈкве. 

Наталья Краснопеева, «Трум Маа» музейт рӯпитан н, потыртас, ты ялпыӈ хōтал хумус янытлаӈкве патсаныл:

– Музейт ам 2006 тāлт рӯпитаӈкве патсум, āнумн тамле рнэ вāр­маль вāруӈкве рыс – «Тылащ пори» ӯст хомыс янытлаӈкве рōви, ты урыл нпак хансуӈкве. Мāн архивт пс нпакыт хōнтсӯв, тот «Тылащ пори» урыл хансым ōлыс. 2007 тāлт Белоярский район архивт хӯрум хōтал рӯ­питасӯв, сав рнэ нпак хōнтсӯв ос яныгпāла хōтпат ялпыӈ хōтал урыл потыртам потраныл хӯнт­лысӯв.

Пс щирыл ялпыӈ хтал лы-плт мӯйлын мāхманув пасан вāтан аквъёт атхатыгласыт, тн солвалыӈ ннил свсыр ӯйхул хурит вруӈкве нврамыт, гит-пыгыт ха­нищтасыт. Мōтыт хōтал ӯст лнэ мир щмьяӈ тгыл музей канын мӯй­луӈкве ёхталасыт. 

Мария Кузьминична Волдина хансум стихе «Щāнь пōйкщам лāтыӈ», ханты ос рущ щирыл хансым ōлы, ханты пй­килыг ōлы. Ōвыл ялпыӈ хōталт Мария Кузьми­нична Волдина ос Евдо­кия Андреевна Нёмысова вāрыгласг, тн пōйк­щасг.

Музейт тамле пӯмащ рнэ вāрмаль ань с ōлыс, ӯст сāвсыр мāхум ōлгыт, таимгыс ялпыӈ хōтал ёмщакве вāруӈкве ри. Сосса мир хумус пӯрлахтгыт, кāсыӈ хōтпа вос торгамты.

Та хōталт нврамыт мāгыс сака сāв пӯмащ ёнгил ōлыс, мāхманув ёмащакв мӯйлысыт. «Слы лӈх» театр Саран­пāвыл­ныл ёхталас, тув ялантан нврамыт ргы­сыт, йӣквсыт ос сāӈк­выл­тапыл сāӈквылтасыт. «Ханты-Мансийск ӯст ōлнэ мāхум» группан ялантан Āс нт ханты р­гыт ргысыт ос «Хтал» нампа Āс-угорский театр пēс йис потыр ловиньта­сыт ос мйт суссылтасыт.

Яныгпāла хōтпат Нуми Трумн, Нй-тыраныл нупыл пуӈкпинсыт, пасан врсыт ос пӯрлахтасыт. Трумн пйкщасыт ос лаль лнэ посыӈ хтал ввсыт. 

Оксана АЛБИНА