Ты тл Победа хталт хнтлам мхманув нх-патманыл псныл 79 тл твлыс. Россия янытыл ксыӈ мт ты хтал янытлавес. Ханты-Мансийск ӯст мир с лпыл псыл Победа паркыт лнэ мемориал Славы памятникын хорамыӈ лӯптат тотсыт.

Тынакт округ кӯщаит лвсыт, мхум св хтпал акван ул вос атхатгыт, ӯргалахтым вос лгыт. Ань тамле трвитыӈ порат лв, мртым мт мхманув хнтлгыт, ос мн ляпавт аквхурип хтпа хунь лы. 
Таимгыс ты тл парад с ат врыглавес, мир акван ат атхатыгласыт, военный мшинат ат яласасыт, «Бессмертный полк» ат мыс. Туп кит-хӯрум хтпал м­хум Победа парк нупыл мсыт.
Мемориал Славы па­мятникын округ кӯщай н Наталья Комарова ос ӯс кӯщай хум Максим Ряшин хорамыӈ лӯптат пинсыг, хнтлам порат патум мхум кстысанн. Наталья Комарова хнт­лум мхум янытлан л­тыӈ ищхӣпыӈ ут хосыт лвыс, яныг хнтыт патум мир кстысанэ, та порат рӯпитам лумхласыт янытласанэ.

Максим Ряшин ос вти кина-охса врыс, потре с аквта ищхӣпыӈ ут хосыт хӯнтамлаӈкве рви. Тав тох лвыс: 
«тил ветераныт ос Ханты-Мансийск ӯс мир! Ннан ам ты яныг ялпыӈ хталыл янытлыянум! Мн мхманув нх-патманыл псныл 79 тл твлыс, тыхтал кастыл мн ӯсув Россия Президентувн «Город трудовой доблес­ти» намыл майвес. 
Та порат рӯпитам н Софья Сергеевна Куз­не­цова лвме щирыл, Ханты-Мансийск ӯсн тамле нам вим миӈкве ри, та хнтлын нак порат лӯи м мхманув тэ-хталэ рӯпитасыт, туп Победа хтал урыл номсысыт, таве ляпамтасаныл, таимгыс ты нх-патсыт. 

Ветеранытн ам св ёмас, сымыӈ лтыӈ лвгум, св тл пустгыл вос лгыт! Ань хнтлын мхманув юв пустгыл вос ёхтгыт, та трвитыӈ нак вос оигпи. Мн странавт лнэ ксыӈ хтпа Победа хталыл янытлылум!» 
Ветераныт лнэ ко­ланыл пхан ргын-йӣквнэ мхум ёхталасыт, «День Победы», «Катюша» ос мт ргыт ргысыт. «Сто­лица» нампа духовой ан­самбль «Октябрь» куль­тура колт рӯпиты, пуӈктотнэ хтпаныл тох лвыс: «Мн ксыӈ тл Победа хталт ветераныт ос та трвитыӈ тлыт порат рӯпитам хтпат лнэ коланылн ялантв, тн мгсыланыл ргын инструментытл ёнгв, р­гв. Тнаныл мн сака янытлыянӯв, руптыянӯв, тн лы-планылт м мус хӯтахлв. Пуссын пустгыл вос лгыт, Победа хта­лыл янытлыянӯв!» 
Ханты-Мансийск яны­тыл лнэ музеитт ос н­пак щнэ колытт ӯс мир мгыс свсыр суссылтапыт ос хнтхатыглапыт в­рыглавсыт, нврамыт ос яныгхтпат нх-патум тксар мхум вылтыт потыртасыт, тнаныл янытласаныл.

Светлана Ромбандеева