Сәрхан вошн шуши мир тӑхи хотн айат вєрӑнтты нє Ирина Анатольевна Кошелева вә па художник-конструктор щира рәпит. Щӑта вәмємн, ўв пиэа вәйтантыйсум па рәпатай оӑңӑн путрємӑсман.
– Ирина Анатольевна, еша нӑң рәпатаен оӑңӑн путӑрта?
– Сыры оӑтн ма Московской государственной университет етшуптӑсум, социальной рәпатнека вәнтыйсум. Щи вєр епийн Сӑранпауль вошн вәсум, ма щӑта сєма питсум. Ӛхӑт айтєн ӑңкємӑн-ащємӑн тыв тәсыюм, Сәрхан вошн єнўмсум па ӑшколайн вәнтыйсум.
– Мӑта о вўш эвӑт нӑң рәпитты питсӑн?
– Ма 2005-мит он тӑм Сәрхан вош шуши мирӑт культура хота рәпитты юхӑтсум. Оӑң щосӑн методист нєңєм пиа нємасыя вәйтантыйсум па иньщӑссум ўве, муй тӑта вєрты мос па муй хурасуп рәпата эщӑтты вєритум. Тыв юхӑттєм епийн ма нємуты тўңщирӑңа хӑнты мир пурмӑсӑт муй әмӑтсухӑт эвӑт ёнтты па вєрты иса ӑн хошсум. Ӑңкєм щирн ма вухаь нєңа ўңтӑсум. Тәп ўв иса рәт ясңӑн ӑн путӑртӑс па ӑн ёнтӑсӑс. Ма па тӑта ёнтӑсты па сыр-сыр хурамӑң пурмӑсӑт вєрты питсум. И пєлӑк эвӑт – щит мўң рәпатаев, кимит пєлӑк эвӑт шуши мирўв әмӑтсухӑт арсыр вошӑң мирӑта муй па хон мўвӑт эвӑт юхтыйты хуятӑта иса вантӑўв муй е тыныўв.
– Ирина Анатольевна, нӑң, апа, нәмэн, муйсар пурмӑс мєт оӑңӑн тӑм шуши мир хот йитн вєрсӑн?
– Ӑн хән. Мєт оӑңӑн ма сӑк эвӑт хӑнты па вухаь хӑншет кӑрӑтты питсум. Щӑта пӑ ронт муй туропсӑт вєрты вўянтсум. Щитӑт пиа рәпитман, арсыр мӑнєма мосты хӑнши хурасӑт иса нумса вўсўм. Ин щи унтасн муйсар пурмӑс вєрты па әмӑтсух ёнтты ат кӑтӑсум, иса ўвеа мосты хӑншийн ямсыева эщӑтум па ӑ әмӑщ вантты.
– Ин па нӑң муйсар рәпатайт вєрӑн?
– Ин ма арсыр єпӑң нәй эвӑт хӑншет євӑтум, щӑта щитӑт ияха кӑрӑтум па ай юн ияха ёнтаам. Тунты пиа еша па рәпитсум. Тәп щит эвӑт мӑнєма муты вєр пӑта авӑрт вукємӑты. Нәмӑстємӑн, хуты айн-айн ищипа тўңщирӑңа вәнтыйум тунты пурмӑсыет эщӑтты. И пўш ки ӑн тывӑс па кимит пўш ищимурт тывӑ. Ай пурайт вўш эвӑт тӑмӑщ нє ёш вєрӑта ки кӑтӑсыйсум, ин ән шєңк тәса кашӑң вєр вєрсум. Сӑмємн тыв таыюм, каш ищиты тӑйум. Щитӑт унтасн еы вєрӑнтты питум.
– Тӑмхӑт нӑң вошӑң нєңӑт па няврємӑт пиа вәйтантыйты вўтьщийсӑн, муй оӑңӑн ыв пиэа путӑртты нумӑс тӑйсӑн?
– Тӑта мўң арсыр тучӑңӑт ёнтсўв па вантупсы щи оӑңӑн эщӑтсўв. Тӑмхӑт ма тыв юхтыйты хӑннєхуятўв пиа тучӑң ёнтты оӑңӑн путӑртты нумӑс тӑйсум. Вантэ, кашӑң эви иса сєма питтӑ вўш эвӑт ӑңкеӑн айтєн щимӑщ ай тучӑң хирӑн ёнтса. Муй пӑта щит мосӑс па муй ыпийн тӑйс, щит пӑта мастер-класс тӑта вєрты вўянтсум. Арсыр вошӑң мирӑта тӑм йисн әмща йис, хуты хӑнты па вухаь нєңӑт ай пурайт эвӑт щи тучӑңӑт такы ӑн па вәсӑт. Тучӑң ыпийн ыв сыр-сыр йинтпӑт, уйтӑт, ёнтӑсты онӑт па щӑшкан сухӑт иса тӑйсӑт. Икия мӑнты пурая йитєн ыв нємасыя мєт оӑңӑн тучӑңе ямсыева вантсэ па хўв ӛша вўншмӑты щирєа эщӑтсӑт. Щиты мўң тӑм Сәрхан шуши мирӑт хотн вәўв па увӑс мирўв культура еы тәўв!
Владимир Енов
Хурӑтн: И.А. Кошелева; тучӑңӑт вантупсы.
