Нижневартовской район Карамкинское вәнт кәртӑн Варвара Егоровна Тайлакова вә. Щи хӑнты имия 63 о, кўш Вән юхан мўвн сєма питӑс, Аган юханӑн нух єнмӑс. Вантэ, ўв ай вәс, хән аще Агана вўэт авӑты китсы па семьяе щив касӑс. Мос лупты, В. Тайлакова ӑшколайн иса ӑн вәнтыӑс. Щи оӑңӑн ўв тӑмиты лупӑс: «Муйсӑр ут ӑшкола, ма иса ӑн вәєм, щит пӑты хӑншты па ўңӑтты ӑн хошум. Хў па вәнт вой вепӑсӑты вєр – щит ма грамотаем».

Тэк кәрта яңхмємн ма ин пенсияйн вәты па ипуяң ай тохтўра рәпитты ими Людмила Дмитриевна Боковая (Гришкина) пиа вәтӑңа йисум.

Тӑм пищма мўң редакциева Алла Иштимирова-Посохова китӑс. Ас нопӑтты тыӑщн 10-мит хӑтӑн Ольга Ильинична Костина (Миляхова) сєма питум емӑңхӑт постӑс. Аңкаңке тыйтӑн - арий, ернас ёнтӑн - арий. Ар ўвеа тәп уш, ар сув ўв сӑмӑн тәп вә. Ара па вәупсэ кўт – 75 тӑ.

Ас нопӑтты тыӑщн «Этнокультурное и социально-экономическое развитие коренных малочисленных народов Севера» нємуп мирхотн Светлана Попова сєма питум хӑт постӑсы.

Ас нопӑтты тыӑщ 16-мит хӑтӑн Ёмвошн Ас-угорской институт киникайт ўңӑтты хот йитн Мўвтє мирӑт научной конференция «Этнокультурное и социально-экономическое развитие коренных малочисленных народов Севера» вәс. Щи мирхот нємасыя хӑнты учёной хәя Терентия Харамзина 75 оа ювум пӑта вєрсы па ўвеа юкӑнтсы.

Пелагея Алексеевна Гришкина (Лельхова) Паштар кәртăн 1932-мит оԓăн лыпӑт хойты тыӑщ оӑң хӑтӑԓн сєма питӑс.

Мєт оӑңӑн Половинка кәртӑн 2002-мит он вәсум, 2011-мит он йипа щив яңхсум. Щӑта вухаь мир музей вә, хәнты щи тӑхи Анатолий Николаевич Хомяков пўншӑс. Щи ики Кауртаевӑт рәт эвӑт вә – аңкаңке па аңщаще пўяң вухаьңӑн вәсңӑн. Аще кўш рўщ ики вәс, шуши ёх кўтн вәман щи мир ясӑңӑн яма путӑртӑс. Хәнты А. Хомяков аңщащи, щит Иван Андреевич Кауртаев, рәт мўвн мӑсы, хән хотӑт щӑта омӑссыйт, щи тӑхи Половинка нємн пунсы. Щирн, щиты щи кәрт тывӑс.

Тәнуп тыӑщн ма Когалым воша яңхсум. Щӑта вәмємн хӑнты ики Дмитрий Никитович Русскин пиа вәтаңа йисум па ўв эвӑтӑа айке вўсум.

Тӑм пищьма Ваньщавӑт кәрт эвӑт юхтӑс. Рәт па вәтӑң ёх вәна ювум пирӑщ хуятэа Василий Иванович Молданова сӑм хӑры эвӑт йиты хошум ясңӑт китӑт.

Вән кєр тыӑщ 22-мит хӑтӑн вухаь мир вуаң учёной нє Евдокия Ивановна Ромбандеева 85-мит оа йис. Щит пӑта Ёмвошн вәты Ас-угорской институт кәщайт Государственной музей хот йитн нємасыя наука щирн мӑнты «Этнокультурное и социально-экономическое развитие коренных малочисленных народов Севера» мирхот вєрсӑт.