Щӑта мирхотн путӑр вәс, хуты интум йиуп поступсы эщӑты, ән щит вўраңӑн хӑннєхәйт па рәпата тӑхет хотӑт әтты пурайн единый налог нємуп вух ат сухуптӑсӑт. «Мўңева ямсыева щи нєпек хӑншты мос. Вантэ, щи посн налогӑт вәнашӑка єнумӑт, ән мирев вәупсы щит пӑты авӑрташӑка а йи», – мирхотӑң ёха лупӑс округев кәща нє.

Щи тухӑпи путӑр мӑнӑс, хуты интум вәнты муниципалитетӑт «Газпром межрегионгаз Север» тӑхия  газ вўтэ пӑты 21 миллион шойт вух ӑн сухуптӑсӑт. Щи арат вух эвӑт и пєлӑк Сўмӑтвош, Октябрьской па Советской районӑт ӑн мӑсӑт. Мирхотн районной па вошӑң кәщайт лупсӑт, ешайн ыв юхы вух сухуптӑӑт.

 

Губернатор айкеӑт ара китты тӑхи 

нєпек тулмӑщтӑс Реональда Ользина