«Югра» нємпи хоккей ёх оӑңӑн
Округев кәща нє Наталья Комарова «Югра» нємпи хоккейн кӑсты хуятӑт пиа вәйтантыӑс. Тӑта хоккей щирн юнтты ёх, тренерӑт, тӑм тӑхи кәщӑйт, арсыр щирн ӛрӑщты няврємӑт па ӑ хуятӑт, мӑта ёха шєңк әмӑщ хоккей юнтут вантты ӑктӑщсӑт.
«Югра» нємпи хоккейной тӑхета яң йиуп кӑсты хуят вўсы. Щит пӑты Югра мўвев губернатор ими ыв пиаа вәтӑңа ищи йис. Щи тумпийн хоккей щирн кӑсты ёх кәща хә Андрей Бельмач юхтум йиуп ӛрӑщты хӑннєхуятӑта кӑсты әмӑтсухӑт мойӑс.
Ювоӑңӑн Наталья Комарова кӑсты ёха лупӑс: «Мўң, Югра мўвн вәты мир, нын кӑсты вєрӑт иса вантты питўв, щит пӑты нынана иса пурайн нух питты мос. Округевн вәты 1,5 миллион хӑннєхуятӑт нынӑна тәп ям ясңӑт лупӑт па иса пурайн нух питты!».
Рубрика:
