Кәща ёх вєрӑт - Политика

Ас нопӑтты тыӑщ 4-митн округ кәща ӑңкӑр хә Г. Бухтин округ кәщайт мирхот тәс.

Тӑм ванӑн Ёмвошн округ Дума депутатӑт 17-мит мирхота ӑктӑщийсӑт. Щӑта ыв ар мосты вєр оӑңӑн путӑртсӑт. Щи кўтн шуши мир вєрӑт оӑңӑн ищи ясӑң мӑнӑс.

Вән кєр тыӑщ 11-митн Ёмвошн Югра, Тюмень па Ямал мўвӑт депутатӑт мирхот вәс. ыв кўтэн видео хўват путӑртсӑт.

Ай кєр тыӑщ 27-29-мит хӑтӑтн шуши мир Ассамблея па округ дума депутатӑт мирхотңӑн вєрӑнтсыйңӑн.

Тәнуп тыӑщ 22- митн Ёмвошн округ дума 15-мит мирхот вәс. Депутатӑт 30 мутас вєр нух вантсӑт па мосты поступсэт вўсӑт.

Мӑнум он округ 
дума рәпата оӑңӑн

2016-мит о ван хӑтуп тыӑщ 5-мит хӑт вўш эвӑт Ёмвош округевн ыв саттэа вєр тӑйты хуятӑта нётман Николай Андреевич Евлахов рәпитты питӑс. ўв путӑртӑс, хутыса щи мӑр рәпитӑс, муй ўв еы вєрты ӑңха.

Ас хӑты тыӑщ 31-митн Ёмвош округ кәща нє Наталья Комарова 2030-мит о вәнты социально-экономической вєрӑт эщӑтты оӑңӑн мирхот вєрӑнтӑс. Щӑта «О ходе реализации плана мероприятий («дорожной карты») по внедрению в Ханты-Мансийском автономном округе — Югре Концепции «Бережливый регион» па «О государственной программе Ханты-Мансийского автономного округа — Югры «Развитие промышленности, инноваций и туризма в Ханты-Мансийском автономном округе — Югре в 2018-2025 годах и на период до 2030 года» поступ-сэңӑн оӑңӑн путӑр мӑнӑс.

Ас хӑты тыӑщ 2018-мит он Югра мўв кәща нє Наталья Комарова Сўмӑтвош район Игрим воша яңхӑс.

Йиуп тыӑщ 18-мит хӑтӑн «Открытый регион» нємуп тӑхийн вәйтантупсы вәс. Щӑта Урал па Сибирь мўв єтасум ёх мойупсы оӑңӑн ясӑң тәсы. «ФедералПресс» нємуп тӑхи кәща ӑңкӑр хә Борис Молодов лупӑс:

Ай кєр тыӑщ 18-мит хӑтӑн Россия мўвев Президент пириты хӑт пит. Хутыса Югра мўвевн щи хӑта эщӑтыйӑт, айкеӑт ӑкӑтты хуятӑта пириты вєр хўваттыйн комиссия кәща хә Денис Корнеев путӑртӑс. Мирхот Ас хӑты тыӑщ 30-митн мӑнӑс.