Ксыӈ таквс лххал тотнэ мхум акван-атыглавет ос свсыр ханищтапыт врыглавет, ты врмаль рущ лтӈыл «Информационный мир Югры» лваве. Ты тл яныг таквс тпост онтоловхуйпловит щёс врыглавес, журналистыт Сургут ӯсн ввиньтавсыт. Тув ниласттем хтпа ялыс.

выл хтал лпыл п­сыл ос типлаг мус «VK», «Телеграм» урыл, хумус тот мнь тинат вруӈкве, хумус лххалыт хансуӈ­кве – ты урыл потырта­весӯв ос ханищтаве­сӯв. Ань йист мхум ищхӣпыӈ лпсыт маныр ловинь­таӈ­кве, сунсуӈкве таӈхгыт, хотьют урыл тнанылн вӈкве пӯмыщнуве, тох мн вос хансв, тох вос пслв.

Ань св мхум ищхӣ­пыӈ мт хансгыт, тинат пслгыт, матыр пӯмыщ врмаль урыл потырт­гыт, тнти палтыланыл св мир атгыт, тыил олн слгыт. Ос хумус ӯрга­лах­туӈкве, штраф-олныл ул вос хасвсыт, пуссын сккон щирыл вруӈкве ри. 

Мтыт хтал акв ном­тыӈ хум Калининград ӯс­ныл ёхталас, наме Михаил Новиков, тав «Крузенштерн» яныг ниӈхпыт капитаныг, кӯщаиг рӯпитас. Тот мньлат пыгыт ос тва гит ханищтас. Ань такви рӯпататэ урыл, хумус св мхум ёт рӯпитаӈкве, хумус мньлат хтпат ханищтаӈкве – мхум ханищтым хт-ти яласы, ты урыл потырты. Таве хӯнтлуӈкве сака пӯмыщ ос ёмас лыс.

Хталът юи-плт мн, журналист-хтпат, округ яныг кӯщаюв Руслан Кухарук ёт потыртаӈкве минасӯв. Ты пресс-конфе­ренция лыс. Тот округ св плыл лххал тотнэ хт­пат ёхтысыт. Мн ханты ос мньщи редакциявныл с тув ялсӯв. Ам выл рядыт ӯнлысум, ктум нх-лмыслум ос кӯщаюв «Мнь Ӯскве» нврамыт ӯщлахтын м урыл титыг­ласлум. Тав ты туи мт кӯщаит ёт сунтын ялыс, тот нврамыт ёт ос тна­ныл ханищтан хтпат ёт потыртас. лнэ колыт, рнколыт суссаныл, хумус нврамыт лгыт, маныр вруӈкве ханищтавет. 

Та порат гит мньщи супыл ос пыгыт пс хольт лахрыл масхатсыт, пс хумус ёнгысыт, таи мӯй хтпатын суссылтасыт. «Мнь Ӯскве» сыспалт вр тӣврыт пс хольт мкол ӯнттувес ос та мувлахи норытыл пӯсас врим лы. Тот ёнганыл в­рыглыяныл. 

Ам ань округ кӯщаюв Руслан Кухарук та урыл титыгласлум, тув ялме юи-плт тав маныр номсы? Маныр тот с ём­щак­внув вруӈкве ри? Руслан Никола­евич тох лвыс:

– Ам тув ялмум юи-плт номтум татем ёмас, сымум щгты, матъёмас тамле м лы. Тот нвра­мыт халанылт юртыӈыщ луӈкве, акван-нтхатуӈ­кве ханищтавет. Пы­гыт ос гит халанылт ос яныг­хтпатын вос н­т­гыт, онтас вос вргыт, тыи ты ань йис порат сака рнэ вр­маль. Тн тот мньщи ос саран лтӈыл потыртаӈкве ха­нищтавет. 

Хуньт св мт тамле л­герит рӯпитаӈкве выл­тахтыгласыт ос св­сыр кӯщаитын ураль­тым тн лап-пантвсыт. «Мнь Ӯскве» тот ёмас кӯщай ос рӯпитан хтпат ньщи, таи­мгсыл ты тлат саст­лаӈ­кве врмияныл.

Ань тув туп Хльӯс район нврамыт ӯщлах­туӈкве вивет. Мн ань тащир вруӈкве номсв, округувт лнэ нврамыт с тув виӈкве вос врма­вет. с акв яныг врмаль – округ мир­кол плыл ты лагерьн свнув олн тс­туӈкве ри, нврамыт мгсыл пуссын рнэ пор­масыт вос ёвтавет. Акваг матыр мщ­тырлан мгыс, ха­нищ­тахтын мгыс ма­тыр-ти вос ньщгыт. Свсыр плыл уральтан колыт мгсыл нпакыт хансуӈ­кве мирколныл вос н­та­вет, атиӈк ань «Мнь Ӯскве» кӯщай нн ос тот рӯпитан мхумн тох рӯпата твылхаты. Т­нанылн нврамыт ёт рӯ­питаӈкве ри, свсыр отчет-нпа­кыт врнэ мг­сыл мт хтпат паттв. 

нумн таи ёмас, тот яныг хтпатын гит нс­ха­туӈкве ос пыгыт ёрыг­хатуӈкве, щаквщуӈкве ха­нищтавет. Мнь ги­рищквет ос пыгрищаквет яныгнув нврамыт нупыл сунсгыт, акван-нтхат­гыт, тот пуссын акв кол­тгыл хольт лгыт. Пы­гыт тнти мныл, тнти Родинаныл вуянтаӈкве хсгыт. Тамле хтпат янмалтым мн мирув щёлыӈыг лы! нумн «Мнь Ӯсквет» сака ёмас лыс! Тот сака ёмас мхум рӯпитгыт!

Округувт с тамле ӯщ­лахтын мт мт рай­оныт вруӈкве ри, та мӈ нврамыт тнти мнылт ханты ос мньщи луп­сал вос пӯмщалавет, щаквщуӈкве вос ха­нищ­тавет. 

Тамле потыр юи-плт мн сыманув щгтсыт, номтанув татем ёмасыт. Округ кӯщаюв мньщи лупса, мньщи мщтыр врмаль такви самыл ксаластэ. 

Галина КОНДИНА