Тәняӆ сўсн Югра мўвев ӆуватн Мўвтєӆ финно-угорской мирӑт писателят вәйтантупсы округевн ӆэщӑтыйӆса. Щи вєрӑт пурайн ма нємасыя ар тӑхет эвӑӆт мўӊ хущева юхтум киникайт хӑншты ёх пиӆа вәйтантыйӆсум па сыр-сыр мосты айкеӆӑт ӆыв вәӆупсэӆ па рәпатаеӆ оӆӑӊӑн ӑкӑтсум. 

Щи хәйт па нєӊӑт кўтн Коми мўв Сык­тывкар вош эвӑӆт юх­тум киника хӑншты нє Алё­на Шомысова пиӆа вәйтантыйӆсум па ӆўвеӆ иньщӑссєм нєпек єсӑӆты оӆӑӊӑн.

- Алёна Александровна, мӑта тӑхийн сєма питсӑн, єнумсӑн, муй пӑта арсыр киникайт хӑншты питсӑн?

- Юхи хӑщум оӆӑтн ма Коми мўвємн Сыктывкар вошємн вәӆӆум, рәпитӆум. Тӑм нуви тәрум иӆпия Куломской район Ско­родум кәртӑн Усть-юхӑтсум.

Ай пурайт вўш эвӑӆт шєӊ­к ар сыр-сыр киника ӆў­ӊӑтсум. Щи оӆӑтн ма шєӊк әмща моньщӑт тӑйсум. Щи вєрӑт тумпийн арсыр хурӑт оӆюпн хӑншсум. Еша вәншӑка вмємн пут­рӑт па стихӑт хӑнштыя питсум. Кашӑӊ путӑршәп  щащєм имєма ӆўӊӑтсум, ӆўв мӑнєм кашӑӊ пўш ишӑксӑӆэ. Щи вєр пийн ма еӆӆы мєт сӑмӑӊа сыр-сыр путрӑт хӑншсум па вән хӑннєхуятӆама ӆўӊӑтсум.

- Муйсӑр тӑхетн вәнӆтыйӆ­сӑн па муй хурасуп рәпа­тая нӑӊ еӆӆы питсӑн?

- Сырыя ма Скородум кәртӑӊ ртъяӊмит клас­сӑӊ ӑшкола етшуптӑсум, ӛхӑт Помозинской кў­туп ӑшколайн 11-мит клӑссӑт вәнты па еӆӆы вәнӆтыйӆсум. 
Ӛхӑт, ӑшколам пийн, Сыктывкар вошӑӊ го­сударственной универ­си­тетн национальной филология факультетн вәнӆтыйӆтыя питсум. Щи пураитн, вантэ, ӆўв финно-угорской фа­культета нємӑтсы. Мўӊ щи кўтӑтн финской, не­мецкой, английской яс­ӊӑта вәнӆтыйӆсўв. Хән па университет 2009-мит оӆн мсыева етшуптӑсум, ма сӑран па рўщ ясӑӊ вәнӆтӑтыя нєӊа йисум. Щи киньща щимӑщ рәпатая ма ӑн мӑнсум, вантэ, ӑшколайн ищипа шєӊк ӆавӑрт няврємӑт пиӆа рәпиттыя. Щи вєр кана айкеӆӑт ӆэщӑтты нє щира нємасыя «Войвыв кодзув» («Увӑс хәс») жур­нала рәпатая вўсыюм. Нӆ оӆ мӑр иса щи тӑ­хийн вәсум па рәпитсум. Имуӆтыйн нумӑсн юхӑт­сыюм, хуты кўшкєпа иӆєм пўш ӑшколайн рәпиттыя ӊхӆум па уша щи рәпата вєрӆєм. Щӑӆта 2013-мит оӆн Коми мўв кәща хә пўншум Гимназия хота няврємӑт вәнӆтӑты нє щира рәпата мӑнєма мущатсум. Щи тӑхийн хәӆум оӆ мӑр тәп рәпит­ты вєритсум па пўӊӆа мӑнсум. Шєӊк ӆавӑртӑӊ киникайт хӑншты вєр няврємӑт вәнӆтӑты рәпата пиӆа иха ӆэщӑттыя. Нәмӑссум-нәмӑссум па «Арт» нємуп журналн ищиты айкеӆӑт ӆэщӑтты нє щирн рәпитты питсум. Щит, вантэ, литературно-художественной па ис­торико-культурной нє­пек, мӑта ут ар пєлӑк рўщ ясӑӊӑн єтӑӆ па еша тӑх­ты сӑран ясӑӊӑн муртӑӊ айкеӆӑт па щи журнал хуща тәса вєрӆыйт.

- Алёна Александровна, муйсӑр диалект унтасн нын хущана литератур­ной ясӊӑн єтӑс, мӑта утн ин тӑмхӑтӆ вәнты хӑншӆӑты па путӑртӆӑты?

- Мўӊ Коми мўв ли­тературной ясӊев сык­тывдинской диалект ун­тасн вєрсы. Вантэ, шєӊк ар сыр-сыр диалект муй путрупсы тӑйӆўв. Щи пӑта па ӆавӑртӑӊ сӑран ёхӆўва и ясӑӊа юхӑтты вәс. Ӛхӑт ищипа ясӑӊ тәса ӆэщӑтсы. Мосӑӊ, па щи вєр пӑта мӑнєма шєӊк кєн арсыр айкеӆ хӑнштыя. Ма вантэ, ищи щимӑщ диалект тӑй­ӆум, мӑта ут ин тӑмхӑтӆ литературной ясӑӊа Коми мўвн ӆўӊӑтӆа.

- Муйсӑр киникайт нӑӊ няврємӑт пӑта хӑншсӑн, ӆўӊӑтты щирӑта єсӑӆсӑн? Муй вєрӑт оӆӑӊӑн нӑӊ щи нєпекӆӑн хуща путӑртӆӑн?

- Ма 2006-мит оӆн мєт оӆӑӊ стихӑӊ «Джар» («Нуви хӑтӆ») нємуп киникам  єсӑӆсєм. Ешавәс кимит «Чов» («Шитам») нєпекєм хӑншсєм, хута ма арсыр путрӑт няврємӑт ӆўӊӑтты пӑта ӆэщӑтсум. Еша ӛхӑтшӑк па «Ёрщикыщ бор» («Щухры-хухры тухӑӆ») нємуп киникам па етшуптӑсум. Ар пєлӑк, вантэ, ма ищипа арсыр ай путӑр шәпиет няврємӑт ӆўӊӑттыя хӑншӆум. Айӆ­тыева еӆӆы «Кочиллы кощи» («Шовӑр китум мойӆупсы») киникам єсӑӆсєм. Щи йиӆуп нє­пекєм эвӑӆт ин путӑр шәпие тӑта нӑӊена щи ӆўӊӑтӆум:

Заячий гостинец папочка принёс,
Говорю: «Спасибо», а в глазах – вопрос:
Что это за зайчик, 
Где в лесу живёт?
И когда всезнайка в гости позовёт?
Ах, брусника-ягода, вкусная, сил нет.
Заиньке я загодя припасу конфет.
Угощайся, серенький, 
за кустом дружок!
Ты куда упрыгал, ты зачем убёг?

Путӑр хӑншӑс: 
Владимир Носкин