Айкеԯӑт - Новости

Васы мӑнты тыӆӑщ 4-мит хӑтӆ – щит мўвтєӆ мир войт ӆавӑӆты хӑтӆ. Щи оӆӑӊӑн 1931-мит оӆн па хон пєлӑк Италия мўвн мўв-йиӊк ӆавӑӆты вән мирхот пурайн поступсы хӑншсы. Щи хӑтӆӑн иса мўвӑт ӆуваттыйн сыр-сыр научной мирхотӑт, ванӆтупсэт ӆэщӑтӆыйт, щӑта войт оӆӑӊӑн путӑр мӑнӆ. 

Россия мўвев сельской хозяйства минис­терства ёх Западная Сибирь мўвн хўӆ веӆпӑсӆӑты щира поступсы вєрсӑт. Щит оса вєрӑт тәты ёх общинайт па шуши ёх пӑта хӑншман вәӆ. 

Лыпӑт хойты тыӆӑщ 20-мит хӑтӆӑн «Югра-Классик» хуща «Пушкинская карта» нємуп вєр оӆӑӊӑн мирхот вәс. Округ культура департамент кәща хә А. Латыпов путӑр тӑйс.

Лыпӑт хойты тыӆӑщ оӆӑӊ хӑтӆ эвӑӆт «Пушкинская карта» нє­муп проект рәпитӆ. Щи­мӑщ нєпек тӑмхӑтӆ Югра хуща вәӆты ӆапӑт щурӑс муӆтас айӆат ёх тӑйӆӑт. Щит 14-22 оӆуп ёх пӑта вєрум культура нєпек.  Щи айӆат ёха государства эвӑӆт вухӑӊ карта маӆы. Щи вухӑт тәп культура вєрӑта хуӆтӑты пищ вәӆ.

Лыпӑт хойты тыӆӑщ 18-мит хӑтӆӑн округ творчества хот йиӆуп рәпата оӆ оӆӊитӑс.

Щӑта тӑӆаӊ хӑтӆ «Селфи с твор­чеством» нємпи кӑсупсы вәс. Мойӊ ёха мосӑс тӑм хотн вәӆты тӑхет рәпата оӆӑӊӑн уша вєрты, щи пийн жетон ут вўты па щит нємасыя нєпека аюмтты, щи тумпи хур вўты. Юхи хӑщум артӑн щи нєпек округ творчества хот ёха мӑты, ӆыв жето­нӑт ӆўӊӑтӆӑт па уша вєрӆӑт, муйсӑр ёх нух питсӑт.
Тӑмхӑтӆ округ твор­чества хота няврємӑт, вән хуятӑт, вәна пєлка вум ёх юхтыйӆсӑт.

Мўвтєӆ мир вәна пєлка вум ёх хӑтӆӑн округ кәща нє Наталья Комарова онлайн щирн вәйтантупсы ӆэщӑтӑс.

Ӆўв лупӑс, хуты окру­гев кәщайт иса муй вєрӆӑт, ӆәӆн вәна пєлка ювум ёх ма ат вәсӑт, ӆыв арсыр вухӑӊ нётупсэт ёша хоӆумӆӑт:

 Юхи хӑщум ӊ оӆ мӑр вәна пєлка вум ёх аршӑка йис, щит шєӊк м. Лыпӑт хойты тыӆӑщ 2-мит хӑтӆ вўш эвӑӆт 452 щурӑс пирӑщ хуят ӊ щурӑс шойт вух ёша хоӆумты питсӑт.

Москва вошн «Сокольники» нємуп тӑхи хуща лыпӑт хойты тыӆӑщ 8-12-мит хӑтӆӑтн «Сокровища Севера. Мастера и художники России 2021» нємуп XVI-мит мўвтєԯ мир вӑнӆтупсы-тынєсты тӑхи рәпитӑс. Тӑм тӑхийн тәса пурмӑсӑт вєрты па хур хӑншты ёх рәпитсӑт. 

Па тыв ариты-як­ты щира артист рәпа­тайн рәпитты ёх муй па щи вєрӑтн әмӑщ пӑта вәӆты ёх юхтыйӆсӑт. Ӆыв сыр-сыр мўв сўӊӑт эвӑӆт тыв юхӑтсӑт. Тӑта Увӑс мўвн рәпитты региональной па муниципальной кәща ёх па вәсӑт.

Лыпӑт хойты тыӆӑщ 8-митн Нуви сӑӊхум район кәща хә Сергей Маненков Касум воша ӊхӑс. Щи хӑтӆӑн щӑта йиӆуп рўтьщӑты хӑр па Мария Кузьминична Волдина нємпи киникайт ӆўӊӑтты йиԯуп хот пўншсыйңӑн.

«ВКонтакте» соцсеть хущи Сергей Петрович хӑншӑс, Касум вош мир «Конкурс инициативных проектов Югры» кӑсуп­сыйн кӑссӑт, щи унтасн рўтьщӑты хӑр йиӆпатсы. 

Округ ӆуваттыйн «Югра ӆыӆӊуптӑты» оса тӑхи ёх унтасн Ёмвошн «Реестр вуӆаӊ нєпека нух хӑншаньщаты!» нємпи вєр ӆэщӑтсы. Тӑм ӊхты-мӑнты мосты вєр оса рәпата тәты ёхн нємасыя оӆӊитсы, ӆәӆн Югра мўвн вәӆты шуши мир тӑм айкеӆ ат вантсӑт, нумса пунсӑт па имухты мўӊ итэва вохты нєпекӑт пиӆа ӆыв мосты нєпекӆаӆ Москва воша ФАДН нємпи тӑхия ат китсӑт.

Тӑм оӆ Ас нопӑтты тыӆӑщ оӆӑӊмит хӑтӆ вўш эвӑӆт вохты нєпек па па мосты ут ФАДН тӑхия китты щи­ра Югра мўв МФЦ хуща ӆэщӑтты рӑхӆ.

Тӑм оӆ няврємӑт вәнӆтӑты пура оӆӊитумн Нях вошн кӑт тыӆӑщ вўш эвӑӆт нємасыя мєт ай пушхӑт пӑта ясли хот пўншсы. Нях вошн щит мєт оӆӑӊмит ясли тӑхи. Щирн интӑм «Моньщ» нємпи хӑтӆ мӑр пушхӑт ӆавӑӆты хотн «Мєт ай тёпие» тӑхи рәпитты питӑс.

Щи оӆӑӊӑн ясӑӊ мӑнӑс мирхотн, мӑта ут округ губернатор Наталья Комарова ӆэщӑтӑс. 

Щи поступсы 2022-мит па 2023-2024-мит оӆӑтн Югра мўвев хўваттыйн мир лекщитты щира тухӆӑӊ хопӑт ӊхты вєр пӑта вєрсы.    

 Мўӊ ӆӑӊхаӆўв, ӆәӆн округ мирев мосты пу­райн ма па сорашӑк ат лекщитсыйт, − лупӑс округ кәща нє.