йттур тпос лов хталт Ханты-Мансийск ӯст мāнь нврамыт ханищтахтын колн Владимир Михайлович Куриков ёхталас. Ань та колт «Судьба человека в истории народа» нампа проект лаль тотаве. Ты хосыт яныгпāла хтпат тāнки лупсаныл урыл нврамытын потыртаӈкве тув ввиньтāлавет. Хум хоты мāт яныгмас, хт рӯпитас ос такви лупсатэ урыл тот потыртас.

Владимир Михайлович Куриков лāвыс:

– Ам Хāльӯс район Полноват пāвылт самын патсум. Ань ты пāвыл Бе­лоярский район нупыл хансым лы. Мāн щмьявт лов нврам яныгмасӯв: ат āги, ат пыг. Щāнягум-āщагум юн акваг ханты лāтӈыл потыртасг. Ат тā­лум твлын мус рущ лā­тыӈ щар ат торгамтасум. Школан миннм юи-пāлт ущта ханищтаслум. 

Яныг хнт нак выл­тахтам порат тав омаге-āтяге хӯрумхуйплов тāл яныт лсг. Та порат тн рӯпитаӈкве патсг. Āтятэ враим ос хӯл алыщлым яласас, оматэ врт пил вāтыс ос лāхыс атыс. Ты рӯпататн мāгыс, хнт нак юи-пāлт, тн сас мāгылн тагатан п­сыл май­весг.

Владимир мāнь порат āпщиянэ ёт āтятн хӯл алыщлаӈкве нтыс. Акв­матнакт тāн хӯлуп нā­тыл­тым аквторыг сāт супыг хӯл ос нёлсāт нупыл нила мохсаӈ хӯл пувсыт. Тнт т сāв хӯл лыс. Ань ты хӯ­лыт пувуӈкве ат тāр­та­вет. Супыг хӯл «Выгыр нпакн» хансым лы, таве пувуӈкве щар ат рви. 

Владимир Михайло­вич школат ханищтахта­ме порат комсомолыг пир­майтавес. Тав мт нвра­мыт ёт сāвсыр ёнги­лыт вā­рыглас. Нвра­мыт мāнь­тāгыл ёмас хт­паг луӈк­ве ханищтав­сыт. Мāньлат пыг школа āст­ламе юи-пāлт Тюмень ӯс университетын лаль ханищтахтуӈкве минас. Юн хультум āпщиянн ос йигрищанн нтнэ мāгыс тав ханищтахтаме халт рӯпитас. Слум олнанэ, акв охсатэ юв ктыгластэ. 

Тувыл университет āстламе юи-пāлт тав так­ви мāтн ювле ёхтыс. Тот мощ лыс ос армиян лусытаӈкве вуйвес. Пыг акв тāл ос тāлохса Псков­ский областьт лусытас ос Ханты-Мансийск ӯсн ёхтыс. Тнт ӯст сāвыӈпāлэ нор колыт ӯнттым лсыт, туп хӯрмахкем āхвтас колыт ӯнлысыт. Ӯсхулыт хосыт мисыт мыгтасыт, мыг­тан лӈхыт пртыл вāрим лсыт. 

1984 тāлт Владимир Куриков окрисполкомн рӯпитаӈкве патхатас. Тнт Радужный, Когалым ос Лангепас мā-вй нх-винэ хтпат лнэ ӯсыт ущты ӯнттуӈкве патв­сыт. Хум тот «Варъёган­нефтегаз» нампа мā-вй нх-винэ компаният рӯ­пи­тас. Тав мā тармыл т­ну­тыт янмалтан акаде­ми­ят ха­нищтахтас. Тувыл ос Ханты-Мансийск ӯсн ёхтыс. Тыт тав сосса мā­хум отделт экономика вāр­маль щирыл кӯщаиг рӯпитас. 

Владимир Михайло­вич Россия президентын нт­мил вāрим Югра мāт хт тāл рӯпитас. Та юи-пāлт тав округ Думат сāв рнэ рӯпата вāрыс. Тувыл 2016 тāлт хум пенсиян минас. Ань тав Югорский университетыт мāньлат āгит-пыгыт ханищты, эко­номика наукат доктор нам ōньщи. 

Мāнь нврамыт тав потре татем та хӯнтлы­сыт. Потраныл оигпам юи-пāлт ханищтап кол кӯщай н Надежда Каз­на­чеева тавн мӯйлупса мӯй­луптас ос тāн пуссын аквъёт пслахтасыт. Тамле ты вщ­кат хтпа сосса мāхум халт лы.

Николай МЕРОВ