Ювле хультум тпост мāн редакциявн Алек­сандра Агафонова ёх­талас. Ты лы-пāлт тав Хāльӯс районын Саран­пāвылн ялыс. Тот сосса мāхумныл пс мйтыт ос потрыт ёл-хансыс. Мāнавн пӯмащ мтыс, ты н рӯпататэ урыл китыгласлӯв, тав ювле потыртас. 

Александра Агафонова Москва ӯст самын патыс, тот лы. Тав «PressPass» нампа издательстват рӯпиты. Тāн Дальний Восток, Урал, Поволжье, Арктика ос Крым мāн ялантгыт, путеводитель нпакыт хансгыт. Ань тыг мус пуссын аквъёт Россият лнэ вāтахкем реги­оныт урыл тамле нпакыт хассыт. Тот лнэ сосса мāхум мй­та­ныл, лупсаныл, лнэ-хӯлнэ тланыл ёл-хан­сыяныл ос нпакыг вāри­яныл. Ты вāрмаль хосыт мāхум хунь хотты хащ­тāл мāн ёхтгыт, тāн тот лнэ сосса хтпат лупса­ныл урыл ты нпа­кыт хосыт мощ вāӈкве пат­гыт. 

Ань юи-выл тāлытт тот рӯпитан хтпат лӯи­мāн ялантаӈкве патсыт. Щар влт тāн Якутия, Чукотка ос Камчатка мāн ялсыт. Ты нтнэ мāт тāнанылн сака мӯстысыт. Тāн лāвнныл щирыл, лӯимā мā-витэ сака нтнэ, мā­хумаквет нёмсат, мӯй хтпат нупыл сы­мыӈыт ос потрыӈыт. Тот ты сāв сосса хтпат ёт вāйха­туӈкве патсыт. 

Лӯимāт сāв пӯмащ пс йис мйтыт, сосса мāхум урыл потрыт ёл-хассыт, яласан хтпат мāгыс сāв рнэ нпакыт тāратасыт. Ты тāратам нпаканыл пус­сын интернет хосыт ёвтуӈкве рвгыт. 

Млал Александра Агафонова мāн округув янытыл яласас. Тав Хāль­ӯс район Саранпāвылт, Сӯкыръят ос Белоярский район Касум пāвылт лыс. Тот тавн с сака мӯс­тыс. Тыт кит сāт хтал рӯпи­тас, пāвлытт мйтыт ёл-хан­сыс. Тав лāвыс:

– Мāн лы-мāт ӯнлын пāвлытн, хт ёмас лӈх āтим, тув ялантаӈкве ат пилв. Туи порат верто­лё­тыл тыламлв, вездехо­дыл манос моторхāпыл минв. Хт ри ке, лāг­лыл мв. Тлы лӈх хо­сыт мāшинал яласв, пā­выл мус ос «Бураныл» тотавв. Лӈханувт сāв­сыр тāрвит лыглы, ос ты вāрмальн юв ат пувавв, нолам лаль минв. 

Александра Агафонова лāвме щирыл, ты лӯимāн тāн щāр выл щёс ёхты­сыт. Ты лы-пāлт тāн хт­паныл тыг ат ёхталасыт. Ань Москва ӯст пуссын аквъёт вāтах­кем лум­хлас сāвсыр мāт ты рӯпата вāргыт. Ты­гыл ат хтпат, ты Алек­сандра Агафонова йкатэ ос тав рӯтанэ. Тав щмья­тн ты рӯпата сака мӯсты, лӯимāн щāгтым ялантгыт. 

Пāвлытт сāвыӈпāлэ яныгпāла сосса хтпат потраныл рущ лāтӈыл хансыяныл. Хотты хтпа такви щāнь лāтӈе вāгтэ ке, тыи с ёмас кос, ос ётыл тав потре рущ лāтӈыг толмащлаӈкве ри, тамле вāрмаль с лы. Тувыл хансум мй­таныл пуссын рущ лāтӈыл ёмщакв хан­сыяныл ос нпакыг та вāрияныл. 

Ты издательстват нв­рамыт мāгыс «Сказоч­ные земли» нампа проект лаль тотаве. Млал тāн «Сказочная Камчатка», «Сказочная Чукотка» ос «Сказочная Якутия»  нампа мйт нпакыг тāратасыт. Ты нпаканыл вāрнныл мāгыс тāн сосса мирн сака яныт­лавсыт. Ань ос мощр­тын мāн округувт хансум мйтыт щирыл нпак тā­ра­тгыт тах. Ты нпа­кыт интернет хосыт тāн лāп­ка­нылт ёвтуӈкве рви. Издательство наме хан­сылын, тот нпакыт та т­лапгыт.

Ты издательстват рӯ­пи­тан хтпат Москва ӯст сāвсыр суссылтапыт вāтихал щпитāлгыт. Кāсыӈ мāт лнэ мāхум урыл нас потрыт тāст­гыт, хурит ос нпакыт суссылтгыт. Ты вāрмалил мир сака пӯмщалахты. 

Николай МЕРОВ