Мāн хум хтпанув армият сака сгавет. Тāн урыл аквписыг лāвēгыт, тāн моляхыт, ктаныл ткыт, лгланыл апрыӈыт, пēлпа сампа, посыӈ сампа хумыг ōлгыт. Ань лусытан пыгыт с тамлет. 

Св мāньщи пыгыт армият ань лусытгыт. Кāсыӈ тāл тн армиян вивет. Ты тāл ам пыгум коныпал иӈ хӯрум внэ пыгрищит лусытаӈкв минасыт.

Тимофей Бахтияров

выл хурит акв мāньщи пыг пслым ōлы, тав наме Тимофей Бахтияров. Тав Ивдель­ский район Кēраско­лыӈъя пāвыл­ныл лы, лӯсум мньщи пыг армиян Полуночный пāвылныл вуйвес. Тав лусытан мтэ Чита ӯс пхат лы, рущ щирыл тох ты лваве - «окруж­ной учебный центр подготовки младших специалистов танковых войск».

Пыг млал лвыс: «Хунь лусытаӈкве āст­гум, амки ōлнэ мм нх-врмалтаӈкве патылум, тот пēс йис мāньщиянум щирыл ōлуӈкве тах пат­гум». Тав мāньщи лāтыӈ, мāньщи лупса, пс йис врмалит ёмщакв вā­ганэ, таимгыс мтт луӈкве ты таӈхи. Тав оматэ ос āтятэ вōрт пс щирыл ōлг. 

Алексей Петряков

Мōт пслым хурит – тыи Алексей Петряков. Тав Ягрим пāвылныл лы. Тот самын патыс ос школа āстлас. Армиян миннэ лы-пāлт тав Ханты-Мансийский технолого-педагогиче­ский колледж āстластэ. Ань Воронеж ӯст щар яныг учебный центрыт, тав рущ щирыл лāваве «по подготовке млад­ших специалистов авто­бро­нетанковых служб», тот ты лусыты.

Тав оматэ мāньщи н, наме Евгения Сергеевна Головкина. Евгения оматэ ам сака ёмщакв вāглум. Тāн щēмьяныл сртын с Саранпвылт ōлсыт. Пуссын мāньщи лāтӈыл ёмщакв потырт­гыт ос «Лӯим срипос» газета ловиньтгыт.

Альберт Хозумов

 Акв пслым хурит мньщи пыг – Альберт Хозумов пслым лы. Тав Саранпвылт яныг щмьят яныгмас, тав кит āпщи ос акв йӣгрищ ньщи, оматэ лккар нг пвыл пӯльницат рӯпиты.

Альберт Саранпвылт школа āстламе юи-пāлт Тюмень ӯсн Тюменский высший военно-инженерный командный училищан ханищтахтуӈкве минас. Тав ань выл курсыт курсантыг ōлы. Яныг­пль тпос нилахуйпло­вит щислат тав присяга пирмайтас. Тавн тот ат тāл ханищтахтуӈкве ри. 

Курсантыт ты учили­ще хунь āстлыяныл, тн «лейтенант» воинский намыл мивет, ос квали­фикация щирыл «тех­ник-строитель» ос «тех­ник-механик» хансаве. Ты училище армия хурип, яныг ӯщлахтын хōталыт лнныл порат курсантыт ущ юв трт­лавет. Йильпи тāл выл­тахтам лы-пāлт Альберт Хозумов юв Саранпвылн ёхталас. 

Григорий Панченко

Нилыт хурит ам яныг пыгум пслым ōлы. Тав наме Григорий Панченко. Тав Ханты-Мансийск ӯст яныгмас, тыт ханищтахтас. Школа āстламе юи-плт Югорский государ­ственный университет строительный факуль­тетн ханищтахтуӈкве минас. Армияныл отсро­ч­кал майлувес кос ос тувыл армиян минуӈкве тахмаяс.  

Григорий такви воен­коматн минас ос та нпаке ювле-ввыстэ. Тав ань Псков ӯс пхат «региональный учебный центр ракетных войск стратегического назна­чения» нампа мт лусы­ты. Тāл котиль тпос аквхуйпловит щислат тав аквъёт лусытан хтпанэ ёт присяга пирмайтас. 

Кāсыӈ ӯщ­лахтын хōталт, ялпыӈ хōталыт порат, присяга вим хōталт тāн щпт щнэ телефоныл мивет, щ­няныл-āщаныл ос рӯ­таныл ёт потыртаӈкве врмгыт. Туп мори пслахтуӈкве ат трта­вет. 

Пыгум лāвыс, тот āти сака трвит ханищ­тахтуӈкве, ёмщакв тыт­тавет, хотьют маныр таӈхи, та тнут тпъя­лгыт. Кāсыӈ хōтал ёл-хуйнныл лы-плт тн лккарытн сунсавет.

Мāньщи пыганув лу­сытан мнылныл паща лтыӈ ктгыт. Лāвгыт, тн оманыл мори сака ул вос номсахтгыт. Рӯт мхумаквеныл пустгыл вос лгыт, св щунь, св ст!

Мāн ос, юн ōлнэ мāхум, ртыӈ свой тпос 23 хтал кастыл тнаныл янытлыянӯв. Пыгыт, хӈха лы сāм мāт ōлгыт, мā-витув ӯргалгыт – пустāгыл ōлнэ посыӈ хōтал лāви­янӯв. Пыганув пуссын тксарыг, рыг вос л­гыт, пустгыл ос молях юв вос ёхтгыт. Ōлнэ хōталаныл ёмасыг, щу­ниӈыг ос сōтыӈыг вос ōлгыт. Лусытан вāрма­лянын кӯпнитыг вос мины. Аквписыг посыӈ хōтал тн мгсыланыл вос посты!