Форма поиска

Для слабовидящих
  • Хантыйский
  • Русский

Пи округевн айт эщӑтӑ

Кашӑң о Ас хӑты тыӑщ 13-мит хӑтӑн Россия мўв уваттыйн газетайт па журналӑт эщӑтты ёх емӑңхӑт постӑӑт. 2012-митн Ямал мўв Пуңавӑт воша яңхмємн ма «ух Авт» газетайн рәпитты кәща ӑңкӑр нє Аллина Тоярова пиа вәтӑңа йисум. Тӑм апрӑң па путрӑң хӑнты нєңие пиа ма вәупсэ па рәпатай оӑңӑн путӑртсумн. 
– Аллина, муйсӑр хоттє ёх эвӑт нӑң вәӑн?
– Ма Горки (Йиуп вош) вошн сєма питсум, Кунавӑт юханӑн Сӑңхум кәртӑн єнумсум. Щи мўвн опращам, щащиам, вән ӑңкиам вәсӑт. Ӑңкєм – Людмила Михайловна, Сор юханӑн вәты нє. ўв Пәшт кәрт эвӑт, щӑта йис пура вўш эвӑт Русмиленко рәтӑт вәӑт. Ащєм – Кирилл Семенович, Сӑңхум кәртӑң хә. Вәупсы хўват ащєм вой-хў вепӑсуман вәс, ӑңкєм мўңев єнмӑтӑс, ёнтӑсӑс, хот рәпата вєрман вәс. Интӑм ӑңкєм-ащєм Лопхари кәртӑн пенсияйн вәӑңӑн. 
Ма юпємн Татья апанє вә, щӑта ўв юпен Вадим апщи тӑйум. 
Яма нәмєм, ай пурайн щащєм, опращєм хуща вәийсум. Вантэ, юн ай няврємӑт вәӑт, ма ыв пиаа юнтты ӑн ӑңхаум, щирн ипўша опращєм хуща хунтыйсум. Вән хуятӑт пєа вантман, ыв итэа ищи рәпата вєрсум: вәнт хӑр эвӑт әхӑн тўтьюх юхи таийсум, вәтуп вәшсум па па вєрн нётсум. 
– Хута па муйсӑр нєңа вәнтыйсан?
– Ӑшколая ма нулевой класса мӑнсум. Хәмит классӑн ӑңкєм-ащєм опхарийн хотн мӑсыйңӑн, ын щӑта вәты питсӑңӑн. Ӛхӑт щащєм, опращєм ищи ор кәрта касӑсӑт, и хотн хуыева вәсўв. Ӑшколая мӑнум пурайн тәхӑ рўщ ясңӑт щикўш хәийсум, тәп ар пєлак хӑнты ясӑңӑн путӑртсум. Нәмєм, рўщ ясӑң урок вәс. Вәнтӑты нєңев ястӑ: «тут». Ма па нәмӑсум, «тўт» эты шай кавӑрта, рўщ ясӑңӑн па «тӑта» пит. Ӑшколайн ма яма вәнтыйсум. Щирн эвєм интӑм иса яма вәнтыйты партєм. ўвеа ястӑум: «Кашӑң хӑннєхә муй щирн ӑшколайн вәнтый – еы вәупсэ ищиты мӑнты пит». 
Ӑшкола етшуптумєм юпийн Тюменской государственной университета эколого-географической тӑхета вәнтыйты мӑнсум. Кимит курсӑн щӑта йира мӑнсум, вантэ, ай пушхие авӑсум. 
Ӛхӑт эвєм сєма питӑс – ма Тюмень эвӑт юхи кєрӑсум. 
– Щӑта хута рәпитты мӑнсӑн?
– Эвєм яртъяң тыща ювман ма еша кәртӑң ӑшколайн рәпитсум. Ӛхӑтшӑк мўң хущева Ямал мўв поэт ики Леонтий Тарагупта юхтыӑс.  Ащєм пєа ястӑс, хуты ўвеа айке кӑншты хӑннєхә мос. Щӑта 2000-мит тӑн вән кєр тыӑщн ма Пуңавӑт вош радивайн айке кӑншты нєңа рәпитты питсум. Щӑта 2001-мит он «ух Авт» нємпи газета пўншсы. Ас потты тыӑщ хәумъяң пєа яртъяңмит хӑтӑн ма газетая рәпитты юхӑтсум. Щи пура вўш эвӑт тӑта щи рәпитум. Оӑңӑн ӑ айке кӑншты па хӑншты нєңа вәсум. Ӛхӑтшӑк ответственной секретаря, еша вәс па кәща ӑңкӑр нєңа йисум. 
– Газетайн рәпитты нӑңена әмӑщ?
– Тӑм рәпата мӑнєма шєңк әмӑщ. Мўң ня хуят тәп рәпитўв, щит пӑты мўңева айкеӑт кӑншты, хур вўты, щӑта тәса хӑншты мос, ән газетаев тўңщирӑңа ат єтӑс. Кашӑң хуят рәпата яма вєрты хош. Кўш атєт хӑщ, ня лопӑс атєт эщӑтты вєритӑ. Щит пӑты нємӑт пурайн щиты ӑн вәс, хән мӑтты хуят кашӑңа йис муй ай кәртӑта айкеӑт ӑкӑтты мӑнӑс па газетаев ӑнт єтӑс. И хуят ки хӑщ – газетаев ищиты єтӑ. Тӑмхӑт кашӑң апӑт мўң апӑтсоткєм арат газета єсӑўв. 
– Муй щирн нын хущана газетая хӑншаньщты вєр мӑн?
– Хӑншаньщты вєр мўң щиты эщӑтўв. Кимит тӑ шәпн мўң Приуральской, Шурышкарской районңӑн кәщайта пищмайт хӑншўв, хута лупўв: «ух Авт» нємуп газетаев ўңтаты! Мўң ям вєр вєрўв – мирэва арсыр айкеӑт оӑңӑн павӑтўв, касӑты, нәптӑты, вой-хў вепӑсӑты хуятӑт оӑңӑн хӑншўв». Еы ыв пиэа кашащты  нєпека ёш пос пунўв, ән ыв газетайт єсӑты пӑты вух ат мӑсӑт. Щиты щи рәпитўв. Нын хӑнты ясӑңӑн хӑншум газетайн ищи ўңӑтўв. Мєт ям, хуты газетайн ям нєпекн єтӑ. Тәня ма нын газетаенӑн пиа кәщайт яңхсум па путӑртсум: «Вантаты, Ёмвош округевн щикєм ям нєпекн газета вєрман вә, мўң па муй атум хуятӑт хән? Мўң газетаев ищимӑщ хурамӑң нєпекн єсӑты мос!»
– Эвен оӑңӑн еша путӑрта. ўв рәт ясӑң тӑй?
– Эвєм ветхущъяң тӑа йис. ўв хӑнты ясӑңӑн еша путӑртӑ. Тәхӑ пурайн газетаев юхи тәум па ястӑум: «ўңта па рўщ ясӑңӑн юхы путӑрта, муй оӑңӑн нӑң ўңӑтсан!» ўв ўңӑт. Вантэ, мўң хущева кашӑң тыӑщ хәмит лопасн няврємӑт пӑты «Щущие» нємпи лопӑс єтий. 
– Аллина, рўтьщӑты хӑтӑн муй щирн мӑнӑт?
– Рўтьщӑты хӑтӑтн ар пєлак ма юн вәийум. Вантэ, юн ипўша арсыр рәпата вєрты мос. Пәсантыйты, пут кавӑртты, хотхӑри люхитты. Вантэ, ма рәпата щирн кашӑң хӑт мир пиа вәйтантыйум, путӑртум, ияха сыр-сыр мирхотӑта, вәйтантупсэта, енмӑңхӑта ӑктӑщўв. Щит пӑты рўтьщӑты хӑтӑтн ма шитама атэт еша вәты ӑңхаум.  – Газетаев ўңӑтты мира вўща ясңӑт китты ӑңхаӑн?
– Ёмвош округевн вәты хуятама ма вўща ясңӑт китум, щӑта апанєңӑм: Касум вошн Л.А. Ерныхова, Н.А. Федорова вәӑңӑн, ынана па ын хоттє ёхана вўща ясӑң китум. Щӑта вошӑң хуятўва, хуйтат мўңев вә. Щит В.И. Шульгин име па няврєма пиа. Щӑта газетайн рәпитты рәт хуятама – Л.Т. Спиряковая, В.Е. Енова па иса газетайн рәпитты ёха. Е.А. Немысовая ищи ям вўща ясңӑт китум! 
Мўң, «Хӑнты ясӑң» газетайн рәпитты ёх, Россия мўв уваттыйн газетайт па журналӑт эщӑтты ёх емӑңхӑт пӑты Аллина Тояровая па «ух Авт» газетайн айкеӑт хӑншты хуятӑта ищи ям вўща ясңӑт китўв. 
Нын ӛранӑн увӑс мўвн вәты мир арсыр айкеӑт, вантупсэт, емӑңхӑтӑт оӑңӑн уша павӑтӑт. Щирн Тәрумн миюм хӑнты ясӑңӑн хӑншты вєр ищи еы тўвӑн, ән эщӑтум путрӑт хўват кашӑң хӑннєхә мўң әмӑщ па хурамӑң вәупсэв оӑңӑн ат вәйтӑс. Хўв йис, хўв нәпат нынана, уяңа-пищӑңа хоттє ёх пиа еы вәты па рәпитты!»
P.S. Тӑм путрєм эщӑттум мӑрн уша павӑтсум, хуты Аллина Тоярова хоттє хущи кимит Александрина эвие єнумӑ. Кӑшиы-мәшы па ям нумӑсн еы вәӑты!
 
Ирина САМСОНОВА 
 

 

Хантыйский журналист из города на полярном круге

Более десяти лет носитель традиционного языка и культуры народа ханты Аллина Тоярова трудится в национальной газете Ямало-Ненецкого автономного округа «Лух Авт».

Активная и целеустремленная по своей натуре молодая хантыйская женщина оживленно начала свой рассказ с воспоминаний о детстве: «Родилась и выросла в семье потомственных рыбаков и охотников рода Тояровых в Шурышкарском районе. Я была старшим ребенком, мне приходилось присматривать за младшими сестренкой и братиком. А этого очень не хотелось, и потому чаще всего я сбегала к бабушке с дедушкой. Помогать им по хозяйству было гораздо интересней: возила дрова, носила воду, скоблила стружку, кормила животных. В школу я пришла, не зная практически русского языка. Помню, учительница произносит наречие «тут», что на языке ханты означает огонь. А я думаю, причем здесь огонь, ведь чай то готовить мы не будем? И подобных моментов было много. Но я была прилежной ученицей, всегда стремилась узнать что-то новое».

Окончив Лопхаринскую школу, Аллина поступает в Тюменский государственный университет на геолого-экологический факультет. Спустя время по объективным причинам молодая девушка возвращается в родной поселок – в её семье рождается дочь. Однажды в поселок Лопхари приехал известный хантыйский поэт, философ Леонтий Тарагупта. Именно он и поспособствовал тому, чтобы девушка-ханты начала журналистскую деятельность, пригласив её на работу на национальное радио в столицу Ямала.

В 2001 году в городе Салехард создают редакцию газеты на языке ханты «Лух Авт». Энергичного и полного инициатив специалиста приглашают работать в газету. Сначала в должности корреспондента, затем ответственным секретарем, а позже и на должность заместителя главного редактора газеты «Лух Авт».

Штат сотрудников газеты «Лух Авт» небольшой, всего четыре человека. Но творческие и легкие на подъём корреспонденты в полной мере справляются с поставленными задачами. И даже, если по каким-то причинам в редакции остаётся один человек, новый номер всегда выходит свет. История и современность народа, значимые события и торжества, а также насущные проблемы являются основными в издательской деятельности газеты. Посещая отдаленные уголки Ямало-Ненецкого автономного округа, хантыйские журналисты в своих статьях рассказывают нам о жизни и деятельности интересных людей.

В дни празднования Российского дня печати мы хотим поздравить наших коллег с профессиональным праздником. Пожелать дальнейших творческих успехов, вдохновения, процветания, чтобы у вас всегда были читатели, для которых вы трудитесь, рассказывая на страницах газеты о них! С праздником!

Ирина САМСОНОВА
 
Рубрика: 
Шуши мирев вәԯупсы - Жизнь хантыйского народа
Номер Ханты Ясанг: 
№ 2 (3398)
23.01.2014
Loading...