2013-мит он ван хӑтуп тыӑщн Ёмвош ремёслайт хотн «Окружной форум мастеров» нємуп вантупсы вәс, щӑта апӑтъяңкєм вєртут вєрты ёх пурмӑсӑт вантӑсыйт.
Шуши ёх эвӑт «Мастер года-2013» кӑсупсыя Надежда Гришкина (Тўкъякӑң), Александра Лельхова (Нуви сӑңхум), Ираида Неттина (Сўмӑтвош), Анастасия Тользина па Лилия Покачева (Сәрхан), Анжела Ермакова (Русскинская), Анжела Обирина (Лянтор), Альбина Ярсомова (Угут), Наталья Понякина (Пыть-Ях), Наталья Нертымова (Лянтор), Татьяна Уколова па Анатолий Пельментиков (Аган) пурмӑса щив китыйсӑт муй тәтьясӑт. Хӑнтэт па вухаят тухӑпи рўщӑт шуши мир пурмӑсат вєрсӑт па щитӑт вантупсыйн ищи вәсӑт. Сергей Лукьянчиков (Нягань) ай хоп вєрӑс, Лилия Янкина (Лянтор) хӑнты посӑт тыйс, Ирина Мазалова (Нефтеюганск), Татьяна Коробешкина па Наталья Малетыч (Сәрхан) сӑк пурмӑс вєрсӑт, Валентина Турута (Лянтор) вухаь әмӑтсух ёнтӑс.
Хуйтат мєт яма вєртут вєрӑт, щи вєр жюри ёх артаӑсӑт па лупсӑт, хуты «Традиционное искусство» нємуп вєртутн А. Тользина, Л. Покачева, А. Ермакова, Я. Сопочина, А. Ярсомова, А. Обирина, Т. Уколова па М. Ситникова хӑнтэт па вухаят кӑсупсыйн нух питсӑт, декоративно-прикладное творчество нємуп вєрн – А. Пельментиков. Мос лупты, сыры «Мастер года» вантупсыйн иса шим рўщ пурмӑс вәс, тәня ар хуят щитӑт вєрсӑт па щӑта арсыр нўм мўв ёх әмӑтсухӑт, аканят, вєнш мәңхты сухӑт, юх па сухта пут эвӑт вєрум анӑт-сәнӑт вәсӑт. Сочи вошн питты Олимпиадая Ёмвош ремёслайт хотн рәпитты мир нємасыя хӑнты мир хурамӑтн милӑт, вансӑхӑт, посӑт, тўтщаң хирӑт ёнтсӑт. Щи хот кәща нє Ольга Бубновене лупӑс, щитӑт щив тәты ӑн єсатсыйт па вєртутӑң ёх эвӑт нємхуят щив ӑн киты. «Мастер года-2013» кӑсупсы па вантупсы оӑңӑн ўв тӑмиты путӑртӑс:
– Татьяна Уколова шєңк яма пурмӑсӑт вєр, интум РФ художникӑт Союза нєпекӑт эщӑтўв, ән ўв «Народный мастер России» нємн ат мӑсы. 2013-мит он вәйт ор тыӑщн щи нє Ёмвош округ губернатор Н. Комарова пиа Страсбург воша яңхӑс, щӑта мирхотӑң ёха вантӑс, муй щирн ўв пурмӑсӑт вєр. Щӑта тәня Т. Уколова Сербияйн па Словакияйн вәс. Щи мўвңӑн мира шєңк әмӑщ вәс мўң шуши мирўв пурмӑсӑт шиваӑты. Вантэ, ыв сыры нємхәнты щимӑщ утӑт ӑн вантсӑт. Мўң хәумъяңкєм хуят вєрум хӑнты, вухаь әмӑтсухӑт па хот пурмӑсӑт щив тәтьясўв. Мирхотӑң ёх мўңев нәам иньщӑссӑт, муй щирн шуши ёх сӑхӑт, моьщаңӑт нух әмтыйӑт па юрн вейн яңхӑт?
Тӑм он оӑң пўш А. Пельментиков кӑсупсыя пурмӑса китӑс. Щи айат хә Аган кәртӑн вә, вєртут вєрты хотн рәпит. Итәх ута тӑм йис щирн вєрсӑэ, мўң ўвеа лупсўв, еы иса хӑнты щирн ат вєр. С. Лукьянчиков юх пурмӑсӑт вєрты хәя вә, интум вәнты хәум хӑнты ай хоп вєрӑс, щита 2013-мит он Москвайн «Ладья» нємуп вантупсыйн мира вантӑсэ. Хопӑт тухӑпи ўв пәнӑт па скульптурайт вєр, па пўш пурмӑса эвӑт вантупсы эщӑтты ӑңха па Семён Айпин щив вохты нумӑс тӑй. Вантэ, ай хоп вєрты вәнтыйты пӑты ўв щи хә вәнт кәрта яңхӑс.
Л. Янкина хўвн тый, Урай вошн вәум вәнтупсыйн уша вєрӑс, муйсӑр хурамӑт пурмӑсӑта ёнтты рӑх па интум киникайт хущи вәты хурӑт посн хӑнты посӑт тыйс. Интум Лянтор вошн эвет щи посӑт тыйты вәнтӑ.
И. Мазалова шуши мир щирн сӑк пурмӑсӑт вєр. Щӑта нєпекӑтн вантӑс, муйсӑр әмӑтсух катра йисн нўм мўв хӑнтэт тӑйсӑт па щитӑт хурасуп рнас ёнтӑс. ыт овӑт хущи хурамӑт юврая ёнтсӑэ, щит пӑты интум ўве ӑңхаўв вәнтӑты щитӑт тўңщирӑңа ёнтты.
В. Турута (Лянтор) ищи йис хурасуп ухшам па рнас ёнтӑс. Щимӑщ әмтутӑт катра йис пурайн хӑт єтты пєлакн вәум вухаят тӑйсӑт. Ухшам Хельсинки вошн вәты ухшам щирн ёнтсӑэ, рнас Кунсткамера музейн вәты ут посн ёнтӑс. ўңӑн округевн мўвтє вєртутӑң ёх мирхот пит, щит вәнты интум ўвеа йис щирн хәум вухаь рнас ёнтты мос. Сәрхан вошн «Нескучающие руки» нємуп тӑхийн мәшӑң няврємӑт па айат ёх пурмӑс вєрӑт. Щи ёх эвӑт Т. Коробешина па Н. Малетыч «Мастер года-2013» кӑсупсыя хӑнты тўропсӑт вєрсаңӑн.
Реональда ОЛЬЗИНА
