Шуши мирев культура - Культура обско-угорских народов

Вәйт ӆор тыӆӑщ 9-мит хӑтӆ вўш эвӑӆт па 10-мит хӑтӆ вәнты Ёмвош Ремёслайт хотн наукайт щирн мӑнты мирхот вәс. Щи мирхот пурайн арсыр ай кәртӑт па вән вошӑт эвӑӆт иха ӑктӑщум хӑннєхуятӑт ӆўвăт эвӑӆт сыр-сыр пурмӑсӑт эвӑттыя вәнӆтӑсыйт. Щимӑщ хәйт-нєӊӑтн вәнӆтӑты хә ёх кўтӑтн и рўщ ики вәс. Ӆўв шєӊк тәса арсыр вәнт вой ӆўвӑт эвӑӆт пурмӑсӑт эвӑтты хошӆ па щи пӑта тӑм мирхотн хуятӑт вәнӆтыйӆман рәпитӑс. Ма ӆўв пиӆэӆа нємасыя вәйтантыйӆсум па мкєм хўв мин кўтємн путӑртсумн.

Андрей Михайлович, га­зетаев ӆўӊӑтты хӑннє­хуятӑта мӑтты ай­кеӆ тўва?

Евгения Валерьевна Вьюткина (Анямова) сєма питӑс, єнмӑс па тӑм хӑтӆ вәнта Сўмӑтвош район Саранпауль вошн вәӆ. Ӆўв иса пўш и нумӑсн вәӆ, муй вўрн йис вухаӆь ёх вєрум тәс пурмӑсӑт тӑм хӑтӆ вәӆупсыя павӑтты. Ин Евгения Вьюткина Ёмвошн Ремёслайт хотн рәпитӆ, щикўш Саранпауль вошн вәӆ, тәп карты щўӊкӑт мухты рәпитӆ. 

Евгения Валерьевна нумсӑӆ йис вєрӑт пєӆа кєрӆӑс, сӑмӑӆн йис вєрӑт пєӆа таӆты питса − щит «Мань ускве» нє­муп няврєм кәртӑн вәӆ­маӆ пӑта. Ӆўв ясӊӑӆн: 

Расима Аламетдиновна Ибраева Мегион вошн «Региональный историко-культурный и экологический центр» тӑхийн научной сотрудника рәпитӆ. Щи экоцентр хуща рәпиттаӆн Расима Ибраева увӑс мирев йис вәӆупсы пєӆа па хӑнты, юрн ёх пєӆа сӑмӑӆн таӆты питса. 2025-мит оӆн ӆўв Юван Шесталов нємн кантум премия ёша павтӑс. Щи нєм кантӆа щи хӑннєхәя, мӑта хуят увӑс мирев рәт ясӑӊ, йис вәӆупсы, йис арӑт-моньщӑт па сыр-сыр йис вєрӑт вәнӆтӑӆ муй па па щира щи вєрӑт вана тӑйӆ.

Васы мӑнты тыӆӑщ 3-мит хӑтӆӑн Ӆаӊаӆ ас Байбалак пусӆ хуща ветмит пўш «Хутӑӊ хурас» поры ӆэщӑтсы. Щӑта Ёмвош шуши мир па мойӊ ёх, щит Россия мўвев арсыр музеятн научной рәпатнекӑт, вәсӑт. Тӑм поры м арат оӆ «Торум Маа» музей рәпатнекӑт ӆэщӑтӆӑт. Хәнты Ас нєӊӊӑн Людмила Алфёрова па Любовь Кашлатова щи поры Ёмвош пўӊӑӆн ӆэщӑтты нумӑс вєрсӑӊӑн. 

Ай тӑхет потты тыӆӑщ 1-3-мит хӑтӆӑтн Россия мўвев хўваттыйн этнографической музеятн рәпитты ёх па этнографӑт пӑта Ёмвошн вән мирхот вєрӑнтсы. Щит «Мўв-авӑт па Хӑннєхә» музейн рәпитты ёх ӆэщӑтсӑт.

Лыпӑт хойты тыӆӑщн 25-мит хӑтӆ эвӑӆт 28-мит хӑтӆ вәнта Санкт-Петербург вошн Увӑс мўв, Сибирь па Дальний Восток хуща вәӆты этнокультурной центрӑт ӆыв рәпатаеӆ ванӆтӑты щира вән мирхот вәс. Мир Государственной академической капелла хотн ӑктӑщсӑт, иса йис вєрӑт шавиман тӑйты 120 муӆтас ханнєхә 12 мўвев сўӊӑт эвӑӆт юхӑтсӑт, щит Якутия эвӑӆт Ленинградской область вәнта. 

Щи вәнӆтӑты хӑр Ёмвошн лыпӑт хойты тыӆӑщ 22-27-мит хӑтӆӑтн вәс. Тыв Югра мўвев арсыр вошӑт па кәртӑт эвӑӆт мойӊ хуятӑт юхтыйӆсӑт. Округ ремёслайт центр хотн рәпитты ёх щи мирхот вєрты щира ар ӛр пунсӑт. 

Щи тӑхийн рәпитты нє Елена Новью­хо­ва путӑртӑс, хутыса ӆыв щи вәнӆтӑты хӑр вєрты нумӑсн юхӑтсыйт:

Вәйт ӆор тыӆӑщ 29-мит хӑтӆӑн «Торум Маа» нємпи йис пурмӑсӑт ӆавӑӆты хотн вўӆы па кўрӑӊ вой ӆўвӑт па оӊӑт эвӑӆт вєрум пурмӑсӑт ванӆтупсы пўншсы. 

Йистєӆн шуши мирӆўв вўӆы па кўрӑӊ вой ӆўвӑт па оӊӑт эвӑӆт вән па ай пурмӑсӑт вєрсӑт. Вантэ, щи пурмӑсӑт мєт такӑт. Лупӆы, матты ки, кўрӑӊ вой ӆўвӑт па оӊӑт таканшӑк вўӆы ӆўвӑт па оӊӑт киньщи. Вўӆы па кўрӑӊ вой ӆўвӑт па оӊӑт эвӑӆт нємасыя щўӊкӑт, щӑӆта кеши нӑӆӑт, ёш пур нӑӆӑт, ёнтӑсӆуйт, шар пӑта нємасыя хушапӑт, нумӑс юнтутӑт па па мосты утӑт вєрӆыйт.

Калининградской область Правдинской округ хуща 2025-мит оӆ вәйт ӆор тыӆӑщ 29-30-мит хӑтӆӊӑнӑн Россия ӆуват вәӆты арсыр мирӑт йис вєрӑт ванӆтӑты XV-мит вуӆаӊ мирхот вәс. Тӑмӑщ ӑктупсы Россия мўвев культура министерства, Калининградской область хуща ух тәты ёх па Правдинской муниципальной округ хуща рәпитты ёх ӆэщӑтсӑт. 

Тӑм оӆ вәйт ӆор тыӆӑщ 26-27-мит хӑтӆ­ӊӑнӑн Нуви сӑӊхум район Сәрум, Ка­сум, Верхнеказымской па Лыхма вошӑт хуща йиӆуп әмӑщ хӑрӑт пўншсыйт. Щи вєрӑт ӆэщӑтты щира кәща ёхӆўв «Инициативное бюджетирование» щирн округ кӑсупсыя арсыр проектӑт китсӑт. Нух питум вєрӑт хўват интӑм мўӊ районэв хуща әмӑщ хӑрӑт ӆэщӑтсыйт.

Касум вошн кӑт хӑр пўншсы