Шуши мирев культура - Культура обско-угорских народов

Вән кєр тыӆӑщ 12-мит хӑтӑӆн Сәрханӆ вошн шуши мирӑт тӑхийн иха ӑктӑщум хӑнтэт па вухаӆят «Вурӊа хӑтӆ» порыӆӑсӑт. Ищи хӑтӑӆн аӆаӊ вўш эвӑӆт ма нємасыя Сәрханӆ вошӑӊ айӆат ёх библиотека хота ӊхсум, хута ӑшкола арсыр айшӑк классӑтн вәнӆтыйӆты ай няврємӑт пиӆа хӑнты мирев хурасӑӊ моньщӑт моньщсум па әмӑщ путрӑт мўӊ вәӆупсы щирӆўв оӆӑӊӑн ӆывеӆа тәсум. 

Шуши мирӑт хӑтӆ постӑты хӑтӆӑн, мӑта ут вәйт ӆор тыӆӑщ 9-митн вәӆӆяӆ, йис пурмӑсӑт шавиты «Торум Маа» тӑхийн әмӑщ вәйтантупсы вәс. Щӑта путӑртсы, хутыса йис рәт ӆєрӑт, йис вєрӑт, рәт ясӊӑт мосты щирн хӑйты па еӆӆы тәты. Тӑм вәйтантупсы «Торум Маа» тӑхи кәща нє, «Югра ӆыӆӊуптӑты» оса тӑхи ух ими Л. Алфёрова па исторической наукайт кандидат нє, Югорской университетн айӆат ёх вәнӆтӑты ими Т. Молданова тәсӊӑн. Мирхота Югра мўв арсыр тӑхет эвӑӆт шуши хуятӑт юхтыйӆсӑт. 

Оӆӊӑӆн Людмила Алфёрова лупӑс: 

Вәйт ӆор тыӆӑщ 9-мит хӑтӆӑн шуши мирӑт мўвтєӆ мӑӊхӑтӆ постӑӆы. «Торум Маа» нємпи шуши мир пурмӑсӑт шавиман тӑйты тӑхийн кашӑӊ оӆ щи мӑӊхӑтӆ постӑӆы. Тӑм оӆн щи хӑтӆӑн мўӊ мирев па постӑсӑт: хур хӑншум хӑнты хә Митрофан Тебетев шәӊӑт сєма питум хӑтӆ вўш эвӑӆт 100 оӆ, хур хӑншум хӑнты хә Геннадий Райшев шәӊӑт сєма питум хӑтӆ вўш эвӑӆт 90 оӆ, «Югра ӆыӆӊуптӑты» оса тӑхи пўншмаӆ вўш эвӑӆт 35 оӆ.

мӑӊхӑтӆ оӆӊиттыйн округ кәща ӆӑӊкӑр нє Елена Шумакова мойӊ ёха вўща ясӑӊ лупӑс:

Вәйт ӆор тыӆӑщ 8-мит хӑтӆӑн Ёмвошн хурӑт хӑншум хә Митрофан Алексеевич Тебетев сот оӆа вум пӑта әмӑщ вәйтантупсэт па етнхотӑт ӆэщӑтыйӆсыйт. Тӑм хӑнты хуятэв Россия художникӑт тӑхия ӆуӊман вәс, ӆўв Ёмвош вуӆаӊ хуят нємн кантыйӆсы. Митрофан Алексеевич вәӆмаӆ мӑр 400 муӆтас хур хӑншӑс. 

Мемориальной сохӑӆ пўншсы

Кашӑӊ оӆ Ас кимӑӆн вәӆты Поӆнавӑт кәртӑӊ мир сӑма рӑхты па мосты мӑӊхӑтӆ постӑӆӑт. мӑӊхӑтӆ Ас кимӑӆн пўншсы, мєт оӆӑӊӑн хопӑӊ кӑсупсы вєрсы, щӑӆта па хўӆ ншты кӑсупсы вәс. 

Щи хӑтӆ тәрум єтӑр па шитам, тәп кєн вотые пуӆӑс, хӑтӆӑӊ хӑтӆ вәс. Хӑннєхуятӑт мӑӊхӑтӆа м нумӑсн, м кашн юхӑтсӑт. Тӑм вән мӑӊхӑтӆ фестиваль щирн 2019-мит оӆн пос­тӑты питсы. Еӆӆы нумӑс тӑйӆӑт щи хӑтӆ мєт вәна па әмща ӆэщӑтты, ӆәӆн аршӑк мир щив ат юх­тыӆӑс. 

Кашӑӊ мўвтєӆ мир хущи юнтупсэт кўтн аканят вәӆӆӑт. Увӑс мирӑт хущи акань мӑӊ хураса вәӆ. Аканят мухты няврємӑт шуши мир вәӆупсы оӆӑӊӑн уша вєрӆӑт. Катрайн эвиет акань пиӆа юнтсӑт. Мєт мосты аканят ӆыв пӑтэӆа – щит тунты онтупн уӆты аканят вәсӑт. 

Аканят арсыр утӑт эвӑӆт вєрты рӑхӆ, щит сухта, х, кев, вой ӆўв, вой сух, нюки, васы ух сух, щӑшкан эвӑӆт вєрӆыйт. Хӑнтэт муӆты­кєм аканят щӑшкан сух пўлӑт эвӑӆт ёнтсӑт, ху­ра­мӑӊ рнасӆаӆ, щӑшкан сӑхӆаӆ пӑнтӑн таӆсӑӆӆаӆ, ухӆаӆ эӆты ухшам пу­ныйӆсӑт. Аканьӆаӆ сыр-сыр щирн хурамтсӑӆӆаӆ, щиты эвиет ёнтӑсты вәнӆ­тыйӆсӑт. 

Ас нопӑтты тыӆӑщ 2025-мит оӆн Санкт-Петербург вошн вәӆты Увӑс мирӑт институт 95 оӆа питум мӑӊхӑтӆ постӑтыя питӆ. Тӑта мосвӑнӑн, вәщ тыӆӑщ 23-мит хӑтӑӆн, ма щи вошн вәсум па нємасыя А.И. Герцен ики Российской государственной университет хота ӊхсум, мӑта тӑхия Увӑс мирӑт институт ӆуӊман вәӆ. 30-кєм оӆ муӆтас юхӆы пєӆы ма ищи щи тӑхийн литературной факультет хуща Ленинград вошн вәсум па вәнӆтыйӆсум. Ин тӑм кўтн әмӑщ вәс уша павӑтты, муй щирн Увӑс мирӑт институт тӑмхӑтӆ вәӆ па рәпитӆ.

Вәйт ӆор тыӆӑщ нӆмит хӑтӑӆн «Газпромнефть» унтасн вєрум «Рәт вошӑт» поступсы хўваттыйн Югра мўвев государственной библиотека хот нємасыя 90-мит оӆа вум мӑӊхӑтӆӑӆ постӑс па «Нєпекӑӊ нурма» щитӑӆ аӆьщӑсы. Муй щирн тӑмхӑтӆ Государственной библиотека вәӆ па арсыр ӆўвеӆ мосты рәпатайӆаӆ ӆэщӑтӆ, щи вєр оӆӑӊӑн ма сырыя ӆўв кәща нєӊӑӆ Евгения Финк иньщӑссєм. 

- Евгения Александровна, муй щирн тӑмхӑтӆ нын хущана Югра Госу­дарст­венной библиотека вәӆ па рәпитӆ?

Александр Павлович Ядрошников (1940-2023-мит оӆӑт вәс) мўӊ Югра мўвевн вєра ма вәӆы. Ӆўв Сәрханӆ районӑн Мўв-Авӑт па Хӑннєхә Русскинской музей вєрӑс, щи тӑхи тӑм хӑтӆ вәнта ӆўв нємӆ тӑйӆ. Александр Павлович Ёмвош округ «Заслуженный деятель культуры» нємн кантсы, ӆўв Сәрханӆ район вуӆаӊ хуят, Россия президент эвӑӆт ишӑкты нєпекн мийӆясы, щи тумпи арсыр мевӆ посӑтн па ишӑк нєпекӑтн мойӆыйӆсы. 

Ин лыпӑт тыӆӑщ хәс ӆапӑтмит хӑтӆӑн Ёмвошн Ас-угорской научной институт хуща йиӆуп киника ванӆтӑты вєр ӆэщӑтман вәс. Тӑта ӑкмум хӑннєхуятӑт нумӑс тӑйсӑт па тӑм вән хӑншум нєпек оӆӑӊӑн путӑртсӑт. Конда мўвӑӊ вухаӆь ясӊӑт мсыева иха ӑктӑс па еӆӆы словарь нєпека хӑншӑс Ас-угорской институтн научной сотрудника рәпитум вухаӆь шәӊӑт ими Татьяна Дмитриевна Слинкина.