Имеӊӑн-икеӊӑн вусӊӑн. Ики имеӆ эӆты вохӑӆ:
– Ай нянь вера!

Имеӆ юхӆы ястӑӆ:
– Муй эӆты верӆум? Ӆант ӑн тӑйӆум, саккӑр-суӆ ӑн тӑйӆум, нэмӆты ӑн тӑйӆум. 

Икеӆ ястӑӆ:
– Нӑӊ ампара ӊха па нурумн мӆты кӑнша! Мӆты вуятӆӑн.

Ими ӆэщӑтыӆӑс па ампара мӑнӑс.
Нурум хуща тывеӆт-тухеӆт вантӑс, еша ӆант вуйтӑс, саккар вуйтӑс, суӆ вуйтӑс. Нянь еӊта пталые верӑс. Щӑӆта ишния пнсӑӆэ, нумӑсӆ, ат омӑсӆ. Нянь еӊта пталые оӆӑс, оӆӑс, щӑӆта омсӑс, омсӑс па хотхӑрыя иӆ навăрмӑс. Ов хща мӑнӑс, ким этӑс па вунт хща щи мӑнӑс. 

Хӑтӑтьӆийӆ, хӑтӑтьӆийӆ нянь п­талые, ӆўв хщеӆа шовӑрлэ этӑс. Шовӑрлэ ӆўвеӆа ястӑӆ:
– Нянь еӊта пталые, нянь еӊта пталые, ма нӑӊен ёхи ӆэӆэм.
– Мӑнэм аӆ ӆэвэ! Ма нӑӊена арэм ариӆэм. 

Нянь еӊта пталые ариты щи питӑс: 
– Ма нянь еӊта пталые, ма нянь еӊта пталые, 
Ма ӆант эӆты верум т, ма саккар эӆты верум т.
Ма щащем эӆты мӑнсум, ма щатьщащем эӆты мӑнсум.
Па нӑӊ эӆтэна, шовӑрлэ, ищи мӑнӆум. 

Нянь еӊта пталые еӆӆы пеӆа щи хӑтӑтьӆюман мӑнӑс. Мӑнӆ, мӑнӆ, хӑтӑтьӆийӆ, хӑтӑтьӆийӆ па ӆўв хщеӆа вўӆы прты вой этӆийс. 

Ӆўв ястӑӆ:
– Нянь еӊта пталые, нянь еӊта пталые, ма нӑӊен ёхи ӆэӆэм. 
– Аӆ ӆэвэ! Ма нӑӊена арэм ариӆэм. 
Нянь еӊта пталые ар ариты щи питӑс: 
– Ма нянь еӊта пталые, ма нянь еӊта пталые, 
Ма ӆант эӆты верум т, ма саккар эӆты верум т.
Ма щащем эӆты мӑнсум, ма щатьщащем эӆты мӑнсум.
Шовӑрлэ эӆты мӑнсум,
Па нӑӊ эӆтэна, вўӆы пурты вой, па мӑнӆум. 

Па хӑтӑтьӆюман нянь пталые юш хўват щи мӑнӑс. 

Хӑтӑтьӆийӆ, хӑтӑтьӆийӆ, ӆўв х­щеӆа мойпӑр ики этӆяс па ястăс: 
– Нянь еӊта пталые, нянь еӊта пталые, ма нӑӊен ёхи ӆэӆэм.
– Мӑнэм аӆ ӆэвэ! Ма нӑӊена арэм щи ариӆӑӆэм. 

Нянь еӊта пталые ариты щи питӑс: 
– Ма нянь еӊта пталые, ма нянь еӊта пталые, 
Ма ӆант эӆты верум т, саккар эӆты верум т.
Ма щащем эӆты мӑнсум, щать­щащем эӆты па мӑнсум.
Шовӑрлэ эӆты мӑнсум,
Вўӆы пурты вой эӆты мӑнсум.
Па нӑӊ эӆтэна, мойпӑр ики, па мӑнӆум.

Па еӆӆы нянь еӊта пталые мӑнӑс. Хӑтӑтьӆийӆ, хӑтӑтьӆийӆ, ӆўв хще­ӆа вхсар имилэӊки этӆяс:
– Нянь еӊта пталые, нянь еӊта пталые, ма нӑӊен ёхи ӆэӆэм.
– Вхсарлэ, мӑнэм аӆ ӆэвэ, ма нӑӊена арэм ариӆэм.
Нянь еӊта пталые ариты щи питӑс: 

Ма нянь еӊта пталые, ма нянь еӊта пталые, 
Ма ӆант эӆты верум т, саккар эӆты верум т.
Ма щащем эӆты мӑнсум, щатьщащем эӆты па мӑнсум.
Шовӑрлэ эӆты мӑнсум,
Вўӆы пурты вой эӆты мӑнсум,
Мойпӑр ики эӆты мӑнсум,Па нӑӊ эӆтэна, ущмарӑӊ вхсар имие, па мӑнӆум. 

Ущмарӑӊ вхсар имилэӊки еӆӆы ястӑӆ:
– Ма атма хуӆӆум, ма пирща йисум, нӑӊ ма нёӆэм хщи навӑрма!

Нянь еӊта пталые, ӆы-мӆы нянь еӊта пталые навӑрмӑс, вхсар ими «ам» па ӆавэмӑсӆэ. Нянь еӊта пталые щикўш шаль, па муй верты?       

Тэк мўв хӑнты 
путрупсыя тулмащтӑс: 
Надежда Кузнецова (Миляхова)