Форма поиска

Для слабовидящих
  • Хантыйский
  • Русский

Хәум акиеам уха пунсаа нуви хӑтэв пӑты

Увӑс мирӑт Вуаң Победа пӑта вән нётупсы вєрсӑт, тўтӑң-пәсңӑң пӑтап аь ӛшӑт хўват шәшсӑт хӑнтэт, вухаят, юрнӑт… Ма хәум акиеам ищи уха пунсӑа мўң амтӑң нуви хӑтэв пӑты.

Илья акев хўв мӑр ясӑң такы вошман ўңтасӑс. Имутыйн 2006-мит он вән кєр тыӑщ 8 хӑтӑн «Новости Югры» нємпи газетаев юхтӑс, шивӑӑсум, хӑншман «Осетин из рода Молдановых» – нюр потум йиңкӑн эты шошумсыюм… Хӑншум ут ўңӑтсєм, ащєма-ӑңкє-ма ўңӑтты тәсєм – лын хоупа питсӑңӑн, нюр 60 о вәман ащєм яйе ӑнтәм ясӑң юхтӑс.

Илья акєм немщӑт ху-щи плена питыйма юпийн НКВД ёхӑн пит-юптум пурайн «остяк» юкана «осетина» хӑншум.
Плена вўйюм оӑңӑн ўв путӑртӑс: «Мўң частев Смоленск вош авӑман вәс. 1941-мит он вәйт ор тыӑщн 3-митн мўң командирўв эвӑт уша вєрсўв – вуракӑтн мухӑман тӑйтэв. Юхы пушкан єсӑман Москва пєы павтасты
питсўв. єтутўв, сэ-яўв-нёўв хуам юпийн мўң шимӑшӑк хуята ортӑсман вәнтӑн хӑнємӑсўв. Вет хӑт мӑнум юпийн мўң 15 хуят юхан шәпи вўншман немщӑтн плена вўсыюв. Мўң тәп и винтовка па патрон такы ай пушкан тӑйсўв.
Смоленск воша тәсы-юв, щӑта кимӑт тыӑщ пєлӑккєм кев хота тә-хӑрман тӑйсыюв.
Лыпӑт хойты тыӑщн 22-митн мўң, 300-кєм хуят, ощтӑсыюв па Минск вош пєы нёхӑсыюв. Кӑт хӑт вәман ма мосты щос пирисум па ма вєрємн йирашӑк вәнт кима шошумсум, щӑта шитама хӑнємӑсум, муй щирн юн вепӑсуман вєрӑнтсум. Щиты усум авасман, хән ёхам пентӑт. Ампӑтн ӑнт кущсыюм, щи мурта хәы эпӑн пуштащман вәсум, нюр сыхрємӑң вой иты; немщӑт амп-а хӑннєхә кӑншты вәнтуман тӑйсӑа. Хән рымхумтӑс, ма юхы хӑэвт пєлка мӑнсум. Ипўш немӑщ солдатн ӛшн шивӑӑсыюм па рўщ ясӑңӑн иньщмӑсыюм: «Куда идешь?». Ма ўвеа немӑщ ясӑңӑн нёхумсум: «Хаус – домой». Смоленскайн лагерьн тӑймевн кӑт-хәум немӑщ ясӑң уша вєрсум. Ин немӑщ солдатємн ямсыева вантсыюм, ёшӑн ма карщӑттєм мўв эвӑт аяс па ёш ёвӑмуман мӑнєма лупӑс: «Иди». Шаитсӑэ єы вәмєм пӑты.
Ас хӑты тыӑщн 23-митн ма Мосальский район Смоленский область хущи Соловьевка кәрта єтсум. Мўң армияев кавалерийский штаба мӑнсум. Щӑта ма Калуга воша китсаюм, эсыюм поезда па хутпєы ушы тӑхия щи тәсыюм.
Мӑнман ма кӑшаңа йисум, Воронежской областьн Лиски нємпи станцияйн поезд эвӑт и вўсыюм па госпиталя пунсыюм. Ямӑмєм юпийн 1942-мит олн Ас нопӑтты тыӑщн 11 хӑтӑн Усмань воша китсаюм».
Пленан вәум вєра нух пириюм юпийн Илья акєм лыпӑт тыӑщн 3-митн кимит пўш Вурты Армияя вохсы па тарум аь хӑрӑта китсы.
Щи юпийн пӑнтӑ-ӛшӑ иса щи вошӑс. «Память» нємпи киникайн 3-мит томӑн хӑншман «Илья Семенович Молданов тәнуп тыӑщн 1945-мит он айке такы вошӑс».
Щи арат тышӑң-шәкӑң вўрая щи питыӑс увӑс мўв вәнт хӑрыйн єнмум хӑнты пухие.
 
Нина ШАБАРШИНА

 

Они погибли за Великую Победу

В годы Великой Отечественной войны северяне внесли большой и неоценимый вклад в Победу. В нашей семье трое погибли во время войны. Мой дядя, Илья Семёнович Молданов, долго считался без вести пропавшим. 

Лишь однажды в окружной газете «Новости Югры» я наткнулась на заметку «Осетин из рода Молдановых», по телу пробежал холод. Сразу показала статью родителям, они в слёзы, лишь через 60 лет они узнали о его судьбе.

Илья Семёнович попадал в немецкий плен, после плена НКВД вместо национальности «остяк» написали «осетин», так и перекрестили дядю Илью.

В статье рассказывается о том, как воевал доблестный воин из народа ханты, обо всех перипетиях его военной судьбы. С февраля 1945 года он считается без вести пропавшим. Родные до сих пор не знают, где он похоронен.

Перевод на русский язык Людмилы Спиряковой

Рубрика: 
Шуши мирев вәԯупсы - Жизнь хантыйского народа
Номер Ханты Ясанг: 
№ 9 (3381)
14.05.2013