Тэк кәртэвн вәна пєлка ювум хӑннєхә шим хӑщӑс. Хә хуятӑт кўтн вәна Михаил Николаевич Неттин хӑщӑс. Тӑм ванӑн ўв нәпта 75 тӑа йис. Айтєн шәкӑщтыя єнмӑс, аще, Николай Алексеевич Неттин, аьн немӑщ ёхан пӑратса.

Упиа, яйа аь епийн хоньщупсы кӑши-мәш эвӑт айтєн ӑнтәма йисӑт. Миша пу­хие аще ая вўюм пу­райн хәум тӑа ювма. ўв нәмаэ, муй щирн, аще па ая вўюм ёха Воша тўвум юпийн, ӑңке Мария Васильевна Нет­тина па имай Мария Алексеевна Новьюхова пиа хопн Сўмӑтвоша мӑнме. Щӑта ая тәты ёха вәйтӑнтыйме. Ай Миша пухие ащен нух амум, карща нух шашумтум. Щи вєрӑт ай няврєм ипўша нумса пунма! Щи юпийн ащие иса щи тәса, тәп нумӑсн инты вәнты аще хурӑс тӑйаэ, ащеа путӑртум ясӑңа нәмаэ. аь пу­райн, па няврємиет иты, шәк тәс, сӑм вохман, ищ­кийн потман шәшиӑс. Миша пухие кӑрӑщ па хурасӑң хӑннєхәя єнмӑс. ўв няхӑң па путрӑң сӑма рӑхты хӑннєхә. Ям нєңие Ёмвошн вәнтыйман вәйтма, щит Кышик кәрт эвӑт Анна Алексеевна Аликова. Яха 7 няврєм єнмӑтсӑңӑн. Миха­ил Николаевич ӛхӑтшӑк колхозн вой па хў ве-ты хәя вәс. Кашӑң тӑ плана нух павтыйсӑэ. Кӑсупсыйн иса оӑң тӑхет мущатыӑс. Яма рәпитма вєрн ар ишӑк нєпекн, ар мойупсы пурмӑсӑн мийяса. Ин ўв вән хуят, пухӑ пиа вә. Па тӑхийн вәты няврєман ӑнт юрємӑа: Тэка юхтыйӑт, ащеа нётӑт. Тынӑң Михаил Николаевич, тумтака вә-а, хўв йис, хўв нәпӑт тӑя.

Зоя НОВЬЮХОВА

Тэк кәрт