Кәща ёх вєрӑт - Политика

Вән кєр тыӆӑщ 26-мит хӑтӆӑн Югра мўвев дума мирхотн депутатӑт мосты вєрӑт нух вантсӑт па поступсэт вўсӑт. 

Округ кәща ӆӑӊкӑр хә В. Кольцов путӑртӑс, муй щирн Югра мўвевн мир ямӑӆтӑты, няврємӑт вәнӆтӑты, социальной нётупсы вєрӑт тәты тӑхет 2018-мит оӆн рәпитсӑт. Тӑмӑщ артӑӆӑты вєр мўвевн хәтмит оӆ вєрсы, щит общественной советӑт ӆэщӑтӆӑт. Щиты 2018-мит оӆн иса округев ӆуваттыйн 347 тӑхи артаӆӑсы, щит мир ямӑӆтӑты – 57 тӑхи, няврємӑт вәнӆтӑты – 242 тӑхи, социальной – 48 тӑхи. И тӑхи оӆ мӑр тәп ипўш па кашӑӊ хәӆум оӆ нух вантты рӑхӆ. 

Ай кєр тыӆӑщ 28-мит хӑтӆӑн округ дума 27-мит мирхот вєрӑнтсы. Депутатӑт арсыр вєрӑт нух вантсӑт па поступсэт вўсӑт. 

Округ дума тӑм ванӑн рәпитты оӆңитум вўш эвӑӆт 25 тӑӆ постӑс. Щи вўраңӑн ай кєр тыӆӑщ 27-мит хӑтӆӑн округ дума хотн рәпатаеӆ оӆӑңӑн айкеӆӑт хӑншты хуятӑт ишӑк нєпекӑтн мойӆӑсыйт. Мўң «Хӑнты ясӑң» па «Луима сэрипос» газетайӆўв ищи «Юбилейный памятный знак» посн мӑсыюв. 

Тәнуп тыӑщ 26-мит хӑтӑн Ёмвошн Югра мўв депутатӑт яха вән мирхота ӑктӑщийсӑт. Хӑннєхәйт вәупсы еы яма вәӆты кєша ыв тӑм пўш 32 вєр нух вантсӑт.  

Тәнуп тыӑщ 26-мит хӑтӑн шуши мир депутатӑт ассамблея вән вәйтантупсы эщӑтыйсӑт. Ар ёх ӑкмум хотн шуши хуятӑт ассамблея кәща ики Еремей Айпин мирхот оңитӑс. Щи тумпи Югра мўв депутатңӑн Александр Новьюхов па Александр Филипенко вәйтантупсыйн вәсңӑн. Тӑта арсыр поступсэт нух вантсайт. 

Тәнӆуп тыӆӑщ 20-митн Россия мўв хон хә В.В. Путин Федеральной собрания ёх ещаӆт ясӑң тәс. Ӆўв путӑртӑс, муй щирн ӆыв правительства ёх пиӆа мӑнум оӆн рәпитсӑт па муйсӑр вєрӑт еӆӆы тәты питӆӑт. Щӑӆта еӆӆы оӆӑтн тәса рәпитты пӑта мосты партупсэт мӑс.

Няврємӑта нётты вухӑт оӆӑңӑн

Мӑнум ӆапӑтмитн Ёмвошн Югра мўвев кәща нє Н. Комарова округев айкеӆӑт ӑкӑтты па хӑншты тӑхет кәща ёх пиӆа вәйтантыӆӑс. Вәйтантупсы мӑнум мӑр ӆыв арсыр мосты вєрӑт оӆӑңӑн путӑртсӑт, мӑта утӑт округев ӆуваттыйн ӆэщӑтӆыйт. 

Кәща ёх рәпата оӆӑңӑн па муй щирн йиӆуп оӆн губернаторӑт рәпата вєрӑт нух вантты питӆыйт, Н. Комарова лупӑс, хуты 2019-мит оӆн кәща ёх рәпата оӆӑңӑн ӑӆ мир путӑртты питӆӑт, яма муй па атма региональной па муниципальной тӑхетн кәща хуятӑт оӆ мӑр рәпитсӑт. 

Тәнуп тыӑщ оӑңмит хӑтӑн Ёмвошн Югра мўвев недропользования па природной ресурсӑт Департамент тӑхи кәща ӑңкӑр хә Александр Комиссаров па В.И. Шпильман нємуп «Центр рационального недропользования» тӑхи оӑң кәща ӑңкӑр хә Пётр Стулов пиа вәйтантыйсӑт па путрємӑсӑт. Щи мирхотн айке ӑкӑтты ёхўв уша павӑтсӑт, муй щирн Югра мўв эвӑт вәты хуятӑт «Арктические рубежи» нємуп мўвтє мир наука щирн эщӑтум конференцияйн Норвегия хон пєлӑкн вәсӑт па муй вантсӑт.

Ас хӑты тыӑщ 28-мит хӑтӑн «Югра» нємпи айкеӆӑт ӑкӑтты хотн «Работа югорских парламентариев в Государственной Думе» нємуп мирхот вәс. Щӑта Ёмвош округ эвӑт Государственной Думайн рәпитты хә Павел Завальный рәпатай оӑңӑн ай павтӑс. Мос лупты, щи хә тумпи мўң мўвев эвӑт щӑта Татьяна Гоголева, Александр Сидоров па Владимир Сысоев рәпитӑт. 

Йиуп о оңитум юпийн оӑңмит номерн ма Югра мўв депутат, хӑнты мир эвӑт вәты хә Александр Новьюхов рәпата оӑңӑн тәп и пєлӑк путӑр нынана хӑншсум. Интӑм путрєм еы тәєм.

– Александр Вячеславович, нӑң щиренӑн, депутат пӑта мєт вуаң вєр щит муй? 

Ван хӑтуп тыӑщн округ губернатор ӑңкӑр хә Алексей Шипилов шуши мир вәупсы вантман тӑйты комиссия ёх мирхот ӑктыԯӑс. 

Сырыя кәщайт путӑртсӑт, муйсӑр мўвтє мир вәйтантупсэт 2019-мит он ԯэщӑтԯыйт. Югра мўв оса тӑхет вєрӑт тәты департамент кәща ӑңкӑр нє Инна Арканова айке тәс, хуты 2019-мит он увӑс мир пӑта Мўвтє ня вәйтантупсы нух хӑншман вә:

 1. Финно-угорской мир Консультативной тӑхи ёх мирхот. Тӑм тӑхи 1992-мит он пўншсы, ән финно-угорской мирӑт рәт ясңӑт па иса культура вәупсы єрамтты па еы шавиман тәты.