Айкеԯӑт - Новости

Ёмвошн Шахматӑты академия хот йитн вән кєр тыӑщ 5-мит хӑтӑн округев эвӑт ияха ӑктӑщум мәш ямӑты хӑннєхуятӑт мирхот вєрсӑт. Мєт оӑң айке тохтурӑт епийн Югра мўвев кәща ӑңкӑр хә Всеволод Кольцов тәс па арсыр мәш екщитты оӑңӑн здравоохранения департамент тӑхи кәща Алексей Добровольский путӑртӑс.

Вән кєр тыӑщ 5-мит хӑтӑн округев пәьница хот йитн арсыр ух шов мәш вєрӑт ямӑты вән тохтурӑт ияха ӑктӑщийсӑт па нәмӑссӑт, хуты тӑм юхи хӑщум оӑтн ух шов мәш вєр шимӑшӑка эщӑтты рӑх.

Вән кєр тыӑщ 6-7-мит хӑтңӑн пурайн Ёмвошн Югорской университет хотн айат ёх кєша «Молодёжь — будущее Российского Севера» нємуп мирхот вәс. Тыв Ас-угорской айат тӑхи эвӑт эвет па пухӑт, Югра мўв ыпи вєрӑт тәты тӑхийн рәпитты ёх, Ёмвош кәщайт па вәнтыйты студент няврємӑт юхтыйсӑт.

Ёмвошн Югра мўв кәща оӑң ӑңкӑр хә Алексей Шипилов вән кєр тыӑщ 5-мит хӑтӑн шуши мир нўшайт эщӑтты тӑхийн рәпитты ёх пиа вәйтантыӑс. Видео хувӑт Югра мўв районӑт па вошӑт эвӑт кәщайт па шуши хуятӑт тӑм мирхота питӑщсӑт.

Ай кєр тыӑщ 30-мит хӑтӑн Ёмвошн телевиденияйн, радивайн па арсыр газетаитн рәпитты хӑннєхуятӑт Россия мўв кӑсупсэт артаӑты па телевидения хўват сыр-сыр айкеӑт щи вєрӑт оӑңӑн тәты хә Дмитрий Губерниев пиа вәйтантыйсӑт па путӑртсӑт.

Ай кєр тыӑщ 4-мит хӑтӑн Сўмӑтвошн «Модница – 2018» нємпи кӑсупсы вәс. Щӑта Тэк ӑшколайн вәты «Фантазия» тӑхи эвет «Моньщӑт хўват…» нємн 1-мит тӑхия питсӑт.

Ёмвошн ай кєр тыӑщ 22-мит хӑтӑн Югра мўв киника ўңатты хотн 10-мит окружной фестиваль мӑнум пурайн няврємӑта йипа єтум «ыӑң йиңк сємие» нєпек оӑңӑн путӑртса.

Мӑнум тыӑщн Нуви сӑңхум вошн рәт ясӑңа няврємӑт вәнтӑты хуятӑт «Педагог года – 2018» кӑсупсыя ӑктӑщийсӑт. Интӑм хӑншум, хутыса щи кӑсупсы мӑнӑс. Мос лупты, щи вән кӑсупсы округ вәнтӑты па айат ёх вєрӑт тәты департамент, «Институт развития образования», округ образования па наука профсоюз рәпатнекӑт тӑхи ёх эщӑтсӑт.

Ай кєр тыӑщн «Югра» нємпи айке ӑкӑтты хотн мирхот вәс. Щӑта путӑр мӑнӑс, муй щирн Ёмвошн яң пўш «Точка роста» па «Global Management Challenge» нємпи ыв саттэа вєр тәты вєра вәнтӑты кӑсупсэңӑн мӑнсӑңӑн. Вәйтантупсыя Югра мўвн «Точка роста» кӑсупсы тәты хә Сергей Шоптенко па «Global Management Challenge» кӑсупсыйн нух питум хӑнты хә Руслан Богордаев юхтыйсӑңӑн.

Ёмвошн вән кєр тыӑщ 23-мит хӑтӑн 2018-мит он «Инвестиционная компания социальной защиты и развития малочисленных народов Севера «Титул» нємуп тӑхи вән мирхота акция нєпек тӑйты па Югра мўвн вәты хӑнтэт, вухаят па юрнӑт ӑкӑтӑэ.