Айкеԯӑт - Новости

Ас хӑты тыӑщн округ правительства хотн вош хулэт эщӑтты оӑңӑн мирхот вәс. Мос лупты, хуты тӑм вєр мӑнум он тәты оңитсы. Щи мосты вєр унтасн вош хулэт па ар йитуп хотӑт пўңӑтн вәты тӑхет нух эщӑтсыйт.

Ас хӑты тыӑщ 25-митн Россия мўв студентӑт емӑңхӑтэ постӑӑт. Щи хӑт Югорской государственной университетн «Мўң арсыр мирӑт ёх» нємпи щирн мӑнӑс. Айат ёх, вәнтӑты хуятӑт па мойңа юхтум хӑннєхуятӑт финно-угорской, чеченской, дагестанской, хӑтань, якут мирӑт оӑңӑн уша вєрсӑт.

Ас хӑты тыӑщ 26-митн «Югра-Классик» хотн мирхот вәс, щӑта комиссия по делам несовершеннолетних нємуп тӑхи сот оа ювум пура постӑсы. Мирхот пўншты епийн щи тӑхи нєпекӑт мира вантӑсыйт, щӑта Центр искусств па «Мощ хот» айат ёх рўщ па хӑнты арӑт арисӑт, яксӑт.

«Хӑнты ясӑң» оӑңмит газетайн ай павӑтсўв, ван хӑтуп тыӑщн шуши мир Ассамблеяйн «Об организации первичной медико-санитарной помощи в местах традиционного проживания и традиционной хозяйственной деятельности коренных малочисленных народов Севера в Ханты-Мансийском автономном округе — Югре» нємуп мирхот мӑнӑс.

Йиуп о епийн айкеӑт ӑкӑтты хуятӑт Ёмвош пәьница няврємӑт лекщитты па ямӑты тӑхия мойңа ӑктӑщийсыйт, ән вантӑты, хутыса тӑта пушхӑт лекщитыйт.

Ас хӑты тыӑщ 19-мит хӑтӑн Ёмвошн социальной развития Департамент хущи вәты па мәшӑң ёх пӑта арсыр нётупсэт эщӑтты Общественной совет хӑннєхуятӑт мирхот вєрсӑт. Щи пурайн ияха ӑктӑщум хуятӑт епийн Станислав Кононенко кәщае лупӑс, муй щирн юхи хӑщум 2017-мит он рәпитсӑт па мӑта вєрӑт яма тўңматсӑт.

2018-мит о 18-19-мит хӑтңӑнӑн Югра мўв кәща нє Наталья Комарова рәпата щирн Нягань вошн па Манстӑр район Приобье кәртӑн вәс. Оӑңмит хӑтӑн аӑңсаты ўв Нягань вош кәща хотн мирхот ӑктыӑс. Тӑта няврємӑт па айат ёх вәнтӑты тӑхет оӑңӑн путӑртсы, ән кашӑң ӑшкола и смена щирн ат рәпитӑс. Щи тумпи хӑннєхә вәты хотӑт хәлы, щит хӑннєхә юхитыйты йиңкӑт па пасыр мусаты утӑт йипатты вєр оӑңӑн путӑртсы. Мос ястӑты, хуты тӑм мирхота кашӑң район па вош кәщайт юхтыйсӑт па айке тәсӑт, муй щирн ыв мўван тӑм вєрңӑн эщӑтыйт.

Ас хӑты тыӑщ 10-мит хӑтӑн айкеӑт эщӑтты ёх мирхота ӑктӑщийсӑт, ән айке тәты, муй арата пенсия вух єнмӑ па муйсӑр вухӑң нётупсэт 2018-мит он мӑты питыйт. Щи вєр пӑты тыв округ мир нўшайт па арсыр нётупсэт эщӑтты тӑхи кәща нє Светлана Давиденко, Югра мўв пенсионной вєрӑт вантман тӑйты тӑхи кәща ӑңкӑр нє Ольга Турнаева па округев хўваттыйн пенсионной тӑхийн нётупсы вухӑт артаӑты кәща Надежда Суродеева вохсыйт.

Мӑнум он юхи хӑщум тыӑщн округ кәщайт хотн вәйтантупсы вәс. Щӑта путӑр мӑнӑс, муйкєм арат няврєм 2017-мит он сєма питӑс. Щи мирхот округ кәща ӑңкӑр хә Всеволод Кольцов тәс. ўв лупӑс, хуты Россия мўв правительства кәща ӑңкӑр нє Ольга Голодец ястӑс: «Кәщайта иса муй мос вєрты, ән аршӑк няврєм сєма ат питӑс».

Ёмвошн кимӑтмит пўш оса тӑхетн кӑпӑртты хуятӑт кєша «Гражданские инициативы регионов стран 60-й параллели» нємуп вән мирхот вәс.