Айкеԯӑт - Новости

«Хуят ӆыпи нумсӑт ма ат вәӆӆӑт» – 2022-мит оӆн тӑм вєр иса мирн ванӑн тӑйӆы. 

Мир пӑта мєт шопӑӊ, ӆәӆн ӆыв тӑӆаӊа, ӆыпи нумӑсӆаӆ ма, рома ат вәсӑт. Тӑӆаӊ хӑннєхә атум вєрӑта ӑн питӆ, ма рәпитты, иса мира унтас тәты щир тӑйӆ. Тӑӆаӊ хуят арсыр ӆавӑрт суртӑт мухты еӆӆы шәшты питӆ. Вантэ, тӑм йис пурайн арсыр щи­рӑт вәӆӆяӆӑт, щи утӑт пєӆы ӑн вантман еӆӆы вәӆты мосӆ, щи вєрн тәп тӑӆаӊ хӑннєхә кўрн така ӆоӆьты питӆ.

«Ма ӑн ӆӑӊхаӆум, ӆәӆн нарӑсты сыйӆам 
мир тәп хәӆӑнтсӑт, ма сыйӆам мухты 
хӑннєхә мӑӆты ӆӑӊхасум»
Георг Гендель

Ёмвошн психоневрологической пәӆь­ницайн наркологической тӑхи рәпитӆ. Тыв арсыр мәшӑт пиӆа хӑннєхәйт юхӑтӆӑт. Итәхӑт тыв юхӑтман нх мулӑӊа иса ӑн вăнтӆӑт, ӑн вәӆӑт, муй тӑмхӑтӆ вєрты питӆӑт, уяӊа йиты щир ӑн тӑйӆӑт. 
 

2022-мит оӆн Россия мўвевн вуӆаӊ рўщ Пєтăр хон ики, оӆăӊмит император 350-мит тӑӆ постӑӆўв. Ӆўв 43 оӆ мӑр хона вәӆмаӆ пурайн ар м вєр вєрăс па итәх арсыр вєрӑт йиӆпатӑс, Россия мўвевн йиӆуп щирн вәӆупсы ӆэщӑтты питӑс. 

Тӑм оӆ Ас потты тыӆӑщ оӆӑӊ хӑтӆӑн Ёмвош округевн колледжӑтн вәнӆтыйӆты айӆат ёх кўтн хӑнты, вухаӆь па юрн ясӊӑт щирн Олимпиада кӑсупсы вєрӑнтсы. Тӑмӑщ кӑсупсы округевн хәӆмит пўш вәс. 
 

Ай тӑхет потты тыӆӑщ 20-мит хӑтӆӑн Ёмвошн онлайн щирн рәт ясӑӊа вәнӆтӑты ёх пӑта вән мирхот ӆэщӑтсы. Щӑта шуши мир ясӊӑта па литературая вәнӆтӑты вєр оӆӑӊӑн путӑртсы.
 

Ай тӑхет потты тыӆӑщ 24-мит хӑтӆӑн Ёмвошн «Языковая политика в Ханты-Мансийском автономном округе – Югре: сохранение традиционных знаний корен­н­ых народов» нємпи мирхот вәс. Щӑта 150 муӆтас хӑннєхә шуши мир ясӊӑт оӆӑӊӑн путӑртсӑт. 
 

Щи мирхот «Ма рәт ясӊєм» нємпи про­грамма унтасн па шуши мўвтєӆ мир яӊ оӆ пӑта вєрсы. Округ кәща нє Наталья Комарова щив ищи юхтӑс, ӆўв лупӑс:

Щи етнхот «Ӑнтә моньщ» нєм тӑйс. Щит мәшӑӊ няврємӑт «Хӑтӆ» нємпи шуши мир театр актёрӑт пиӆа ӆэщӑтсӑт. Щит нємасыя округ поступсы щирн театр ёх Ёмвошӑӊ мәшӑӊ няврємӑт пӑта грант нётупсы вух па рәпитум вухӆаӆ унтасн вєрсӑт.
 

Ёмвошн 2022-мит оӆн васы мӑнты тыӆӑщ 27-29-мит хӑтӆӑтн иса мўвӑт ӆуваттыйн йис хурамӑӊ пурмӑсӑт оӆӑӊӑн IV-мит путӑртты ӑктупсы вєрӑнтыйӆса.

Тӑм ӑктупсы сыр-сыр тӑхетн рәпитты мир ӆэщӑтсӑт, щи кўтн Российской Федерация ЮНЕСКО вєрӑт пӑта вәӆты ёх, мўв ӆуваттыйн увӑс мўвӑт ӆэщӑтты «Север­ный форум» нємуп тӑ­хийн рәпитты хуятӑт па па арсыр мир. Щи ёх и нумӑс тӑйсӑт, муй вўрн йис хурамӑӊ пурмӑсӑт вєрты вєрӑт тӑм хӑтӆӑн нух ӆэщӑтты па еӆӆы щи вєрӑт тәты.

Щи оӆӑӊӑн мўӊ ӊта пӑсан пурайн путӑртсўв, мӑта ут лыпӑт хойты тыӆӑщ 30-мит хӑтӆӑн «Хӑн­ты ясӑӊ» газетаев 65 оӆ постум пурайн «Торум Маа» музейн ӆэщӑтсўв.

Тӑм музейн научной рәпата тәты кәща ӆӑӊкӑр нє Эрика Сургутс­кова вўща вєрӑс: 

Щимӑщ нєм тӑйӆ иха єсӆум 14 киника, мӑта утӑт тӑм ванӑн Томск мўв писательской тӑхи ёх па щи тӑхи кәща хә, киникайт хӑншты хә Геннадий Скарлыгин ӆэщӑтсӑт па єсӑӆсӑт. Васы мӑнты тыӆӑщ 7-мит хӑтӆӑн Югра мўв киникайт ӆўӊӑтты хотн щитӑт вантты пӑта вәйтантупсы ӆэщӑтман вәс.