Айкеԯӑт - Новости

Щимӑщ нєм тӑйӆ иха єсӆум 14 киника, мӑта утӑт тӑм ванӑн Томск мўв писательской тӑхи ёх па щи тӑхи кәща хә, киникайт хӑншты хә Геннадий Скарлыгин ӆэщӑтсӑт па єсӑӆсӑт. Васы мӑнты тыӆӑщ 7-мит хӑтӆӑн Югра мўв киникайт ӆўӊӑтты хотн щитӑт вантты пӑта вәйтантупсы ӆэщӑтман вәс.

Россия мўвев Президент ики партупсы щирн, тӑм оӆ лыпӑт хойты тыӆӑщ 21-мит хӑтӆ вўш эвӑӆт Украина хуща ӆаӆясты вєр нух вуӆыты щира Россия мўвн солдатӑт ӑкӑтты вєр оӆӊитсы. Щи вєрн Югра мўвевн нємасыя ёх пирисыйт, ӆәӆн ӆыв тӑм вєр ма вантман ат тӑйсӑт.

Россия мўвев кәща партупсы щирн мўӊ мўвевн ай тӑхет потты тыӆӑщ хәӆмит ӆапӑтн рўтьщӑты хӑтӆӑн ащи хӑтӆ постӑӆы. Щи мӑӊхӑтӆ вєрсы, ӆәӆн йис вєрӑт ӆавӑӆман тӑйты, ӆәӆн кашӑӊ семьяйн хә хуят няврємӑт єнмӑӆты вєр ищи ат тәс. 

Кашӑӊ хотн ӑӊки, ащи па няврємӑт вәӆӆӑт. Ащи мєт вуӆаӊ вєр тәӆ. Ар няврєм тӑйты хоттєӆ ёх хущи щит мєт ма кӑӆ. Вантэ, иса няврємӑт ащи пєӆа вантӆӑт, ай пура вўш эвӑӆт щимӑщ хуята йиты ӆӑӊхаӆӑт. 

Щимӑщ нєм вәнӆтӑты хӑр тӑйс, мӑта ут васы мӑнты тыӆӑщ 17-мит хӑтӆӑн «Ӆыӆӑӊ союм» тӑхийн Ёмвошӑӊ технолого-педагогичес­кой колледжӑн вәнӆтыйӆты айӆат ёх пӑта ӆэщӑтман вәс.

Юхи хӑщум оӆӑтн аршӑк мир сыр-сыр мәшӑтн кӑшитты питсӑт. Мєт ар кӑшаӊ хуят вән вошӑтн вәӆ. Ар няврєм дифтерия, коклюш па па инфекционной мәшӑтн кӑшитты питсӑт. Тӑм йиӆуп йисн итәх ӑӊкет-ащет ӑн ӆӑӊхаӆӑт няврємӆаӆа прививка пуртәнӑт ӆоньщтӑты. Щи пӑта сыр-сыр кӑши-мәш ара йиӆ па аршӑк хӑннєхә кӑшитты вєритӆӑт.

Лыпӑт хойты тыӆӑщ 27-мит хӑтӆӑн Моск­ва хон вошн «Югра мўвев сӑм» нємпи ванӆтупсы пўншсы. Щӑта Олег Зотов вєрум хурамӑӊ хурӑт ванӆтӑӆыйт. Ӆўв Югра мўвев хўваттыйн ӊхман щи хурӑт вєрӑс.

Ванӆтупсы пўншты пурайн Олег Зотов лупӑс:

- Югра мўв ма пӑтєма щимӑщ мўв, хута иса вєрӑт тўӊа, ма мӑнӆӑт. Хурӆам эвӑӆт нын уша вєрӆӑты, муйсӑр хурамӑӊ щӑта мўв, тәрум, кевӑт, муйсӑр каркам ёх щӑта вәӆӆӑт.

Лыпӑт хойты тыӆӑщ 26-28-мит хӑтӆӑтн Ёмвошн «Этнокультурное наследие коренных народов как ресурс устойчивого развития Ханты-Мансийского автономного округа – Югры» нємпи вән мўвтєӆ мир научной мирхот вәс. 

Щи оӆӑӊӑн ӊта пӑсан пурайн путӑртсўв, мӑта ут лыпӑт хойты тыӆӑщ 30-мит хӑтӆӑн «Хӑнты ясӑӊ» газетаев 65 оӆ постӑты пӑта «Торум Маа» нємпи йис пурмӑсӑт ӆавӑӆты хотн ӆэщӑтсўв. 

Вўща ясӊӑт лупсӑт: округ оса, айӆат ёх вєрӑт тәты департамент кәща нє Елена Шумакова, округ дума кәща ӆӑӊкӑр хә Еремей Айпин, 30 муӆтас оӆ редакцияевн кәщая вәӆум ими Мария Волди­на па па хуятӑт.

Лыпӑт хойты тыӆӑщ 6-мит хӑтӆӑн Москва хон вошн Россия мўв наукайт Академия хот хуща вәӆты арсыр ясӊӑт ӆєрамтты институтн хӑнты учёной нє Софья Владимировна Онина (Талигина) филологической наукайт доктор нєм хоӆумтӑс. Ӆўв «Способы выражения побуждения в хантыйском языке» нємпи докторской диссертация хӑншӑс. 

Тӑм ванӑн Сўмӑтвошӑӊ киникайт хӑншты хә Леонид Бабанин Донбасс оӆӑӊӑн ӆэщӑтум «Ёмвош эвӑӆт ӆаӆясты Донбасс хуща. 2015-мит оӆ» нємуп киника єсӑӆсы. Йиӆуп киника кӑт ясӑӊӊӑнӑн хӑншман вәӆ, щит рўщ па английской щирн. Иха ӆўӊӑтты ки, «Ёмвош эвӑӆт ӆаӆясты Донбасс хуща. 2015-мит оӆ» нємуп киника 2 000 арат єсӑӆман вәӆ.