№ 20 (3704) - 2026

Тӑм 2026-мит оӆн Сәрханӆ вошн сӑм лекщитты пәӆьницая яӊ тохтур рәпитты юхтӑс. Тӑм ванӑн щи пәӆьницайн ӆыв пӑтэӆа мӑӊхӑтӆ вєрӑнтсы.

2026-мит оӆ ртъяӊ тыӆӑщ мӑр Сәрханӆ вошн сӑм лекщитты окружной пәӆьницайн нивӆ щурӑс хӑннєхә мăӆсы. Ӆыв эвӑӆтэӆа 3500 хуят щи пәӆьницая «скорая помощь» тўтӑӊ хопн тәтьӆясыйт.

 Мәшӑӊ хӑннєхә тыв юхӑтты пурайн тохтурӑта сорашӑк рәпитты мосӆ. Вантэ, щит эвӑӆт хӑннєхә еӆӆы вәӆупсы уша йиӆ. Щирн мўӊ атӆ-хӑтӆ мӑр рәпитӆўв, – лупӑс приём­ной тӑхи кәща нє Надина Османова.

Щи тӑхийн иха рә­питӆӑт: реанима­ционной тӑхи ёх, сӑм опе­ра­ция вєр­ты тохтурӑт, рентгенэн­до­васкулярной лек­кӑрӑт па па лекщитты хуятӑт. 

Кашӑӊ оӆ Ёмвош округев хущи вәӆты мира грипп мәш эвӑӆт прививка ӆоньщӆтӑӆы. 2026-мит оӆн ищи лыпӑт хойты тыӆӑщ вўш эвӑӆт тӑм вєр тәты питсы. Ай тӑхет потты тыӆӑщ оӆӊитты пура вәнты округевн 500 щурӑс хуят прививкайн вєрсыйт. 

Муйсӑр пуртәнӑт щи пӑта тӑм оӆ вўсыйт?

Щит «Ультрикс Квадри» пуртән – тӑм ут няврємӑт, кӑшаӊа вәӆты имет па вән хуятӑт пӑта вәӆ. «Со­виг­рипп» па «Флю-М» пур­тәнӊӑн – вән хуятӑт па пирӑщ ёх пӑта йиӆ. «Грип­пол плюс» пуртән – няв­рємӑт па вән хуятӑт пӑта питӆ.

Округ дума депутатӑт па ма нынана ащет мӑӊхӑтӆ вўраӊӑн вән вўща ясӑӊ китӆум!
Тӑм мӑӊхӑтӆ мўӊ мўвев ӆуватн вәӆты ащет кєши вєрса. Ӆыв така, нум­сӑӊа вәӆтэӆ па рәпиттэӆ пӑта семьяйӆаӆ па такӑт. Ӆыв єнумты няврємӆаӆа так нумӑс пунӆӑт, тўӊа-щи­рӑӊа вәӆты вәнӆтӑӆăт. Хә хуят ки вәӆ – хотэв так! 
Мўӊ Югра мўвевн вәӆ­ты араӆ пєлăк ащет СВО ӆаӆь хӑрӑтн ӆаӆясӆӑт, ӆәӆн хотӑӊ ёхӆаӆ сайӆты. 
Мўӊ ӆӑӊхаӆўв тумтак ёш, тумтак кўр! Няврєм­ӆӑн нын оӆӊӑнӑн ат ишкащ­ӆӑт, рәтӆăнӑн сӑмӑӊа ат тӑйӆайты! Нын хуӆыева щўнӊа еӆӆы вәӆаты!

Округ Дума кәща хә Борис Хохряков

Тӑм ванӑн Екате­рин­бург вошн ХХХ-мит мўвтєӆ мир туристи­чес­кой «ЭКСПОТРЭВЕЛ – 2026» ванӆтупсы вєриӆыса.
Мўӊ Югра мўвев эвӑӆт Сўмӑтвош район кәща хә Руслан Александров, Cўмӑтвош культура коми­тет ёх, «Нёр-Ойка» тур­база кәща ёх па округ ду­ма депутат Руслан Про­водников щий ӊхсӑт. 
Ӆыв нємасыя Сўмӑт­вош район оӆӑӊӑн «Про­водник в Арктику» нємпи кина вєрсӑт. Ӆәӆн тыв мўӊ хурамӑӊ мўвева, кевн вәӆты «Нёр-Ойка» турбазая иса мўв ӆуват эвӑӆт мойӆӑты ёх ат юх­тыӆысӑт.

Округ дума айкеӆӊӑн хӑнты ясӑӊа тулмащтӑс: 
Наталья Морозова
 

Россия мўв ӆуваттыйн «День работников сельского хозяйства» мӑӊхӑтӆ постӑсы. Касум вошн вўӆы єнмӑӆты тӑхи 65 оӆа йис.

Ар оӆ мӑнӑс, мўӊ сов­хозэв тывӑс, И. Скач­ко нємпи оӆӑӊмит ар­тель 1931-мит оӆн пўнш­са. Щӑӆта 1939-мит оӆн ар­тель И.В. Сталин нємн пун­са па 1958-мит оӆн щит «Правда» колхоз вәс, 1961-мит оӆн – «Ка­зымский» сов­хоз, 2000-мит оӆн – унитар­ное пред­приятие Оле­не­вод­чес­кий совхоз «Ка­зымский», 2004-мит оӆн – «Казымская олене­вод­ческая компания». 

Ай ӛрамӑт потты ты­ӆӑщн 8-мит хӑтӆӑн Юг­ра мўв 8-мит со­зыв депутатӆўв оӆӑӊ мирхо­та ӑктӑщсӑт. Тӑм мирхот хўв мӑр депутата рәпитты хуят Еремей Айпин пўншӑс.

Округ кәща хә Рус­лан Кухарук оӆӑӊ ясӑӊ вўс. Ӆўв ястӑс: 

- Мўӊ округ мирев пи­рєсты тӑхета депутатӑт пириты юхтыӆысӑт. Ӆыв вәйтӆэӆ па нынана пу­нантӆӑт, ӆәӆн нын ма ат рәпитсӑты па мир вәӆты вєрӑт нын рәпатайӆӑн унтасн еӆӆы ма вәӆты питӆӑт. Щирн ин, йиӆпа пириюм депутатӑт, тўӊа-щирӑӊа мир кєши рә­питаты.

Ас нопӑтты тыӆӑщ 12-мит хӑтӆ вўш эвӑӆт па иса 14-мит хӑтӆӑт вәнты Ёмвош округев ӆуваттыйн вәӆты киникайт хӑншты хәйт-нєӊӑт Югра мўв писателят IV-мит мирхота ăкăтсыйт. Щимӑщ вуӆаӊ мирхот «Россия» национальной центр тӑхийн нємасыя пўншсы. Щи киньща ищи пурайн поэтӑт па писателят пиӆа вәйтантыйӆсўв па кўтэвн путрємӑсўв. 

Тăмхăтӆ хӑнты Обатин рәт оӆӑӊӑн хӑншӆум. Поӆнавӑт кәрта ӊхмємн ма леккăр хотн м хӑнты ими пиӆа вәтаӊа йисум – щит Галина Александровна Кытманова (Обатина). Путӑртумн ма уша вєрсум, ӆыв семьяеӆ йистєӆн ар хуят мир лекщитман вәс.

Галина Александровна тӑм ванӑн, лыпӑт хойты тыӆӑщ 19-мит хӑтӆӑн, сєма питум хӑтӆӑӆ постӑсӆэ – 64 оӆа йис. Мўӊ ӆўвеӆа ар хошум ясӑӊ китӆўв – опращӆăн партум м вєрӑт еӆӆы тўваӆн, щўняӊа па тумтака вәӆа!

Ай ӛрамӑт потты тыӆӑщ 18-мит хӑтӑӆн Владимир Евгеньевич Морозов нәптӑӆ 55-мит оӆа йис. 

Ӆўв Пәкăр кәртӑн Сўмӑтвош районӑн сєма питӑс па щӑта єнмӑс. Айтєӆн вой-хўӆ веӆпӑсӆӑты пєӆы шєӊк сӑмӑӊа вәс. Веӆпӑсӆӑ­ты мутра вєрӑта аӊкаӊкиеӆ, ӑӊкиеӆ па ащиеӆ эӆты єнуммаӆ хўват вәнӆтыйс.

Ӆўв аӊкаӊкиеӆ – Евдокия Ти­хоновна Новьюхова. Ӑӊкиеӆ па Елизавета Романовна Морозова (Рябчикова). Ащиеӆ – Евгений Иванович Морозов. 

Тӑмхӑтӆ ма йисӑӊа-нәптӑӊа вум ӑӊкєм имия шәӊта Татьяна Николаевна Еновая (Шульгиная) тӑта нух хӑншты амамӑтщет кантӆаӆам. Вантэ, тӑмӑщ ай әмӑщ путӑр шәпиет ма тәп ӆўв унтасӑӆн арсыр хӑнтэт хәӆӑнтты-ӆўӊӑтты щирӑта тӑм айкеӆӑӊ нєпека тәса хӑншӆум. 

2025-мит оӆн Экспоцентр нємуп тӑхийн Ёмвошн округев мўв ӆуваттыйн кашӑӊ оӆ мӑр хәйт-нєӊӑт «Товары земли Югорской» тынєсты-ӆәтӑсты хӑр вєрӆӑт. Тәняӆ оӆ сухӑнты кємн ищиты Югра мўвев вән кәща ёх тӑмӑщ вән па хурамӑӊ вәйтантупсы вєрсӑт, хута сыр-сыр єпӆӑӊ ӆєтутӑт, пурмăсӑт муй ӆәмӑтсухӑт ванӆтăсыйт па тынысыйт.

Щи хӑтӆӑтн тынєсты-ӆәтӑсты пӑсанӑт кўтӑтн тывеӆт-тухеӆт ӊх­ман арсыр хӑннєхуятӑт пиӆа вәйтантыйӆсўв па сыр-сыр мўӊева мосты әмӑщ айкеӆӑт ӑкӑтсўв па хурӑт вєрсўв. Имуӆтыйн хӑнтэт ши­ва­ӆӑ­сўв па иньщӑссўв, мӑ­та тӑхи эвӑӆт ӆыв юхӑт­сӑт? 

Ай ӛрамӑт потты тыӆӑщн 9-мит хӑ­тӑӆн йис пурмӑсӑт шавиты «Торум Маа» музей хущи Людми­ла Калистратовна Зубакина (Гришкина) пиӆа «У семейного очага» нємпи вәй­тантупсы вәс.

Людмила Калистра­тов­на Тўкъякӑӊ кәр­тӑн сєма питӑс. Ӆўв рәт ёхӆаӆ па рәт мўвӆ оӆӑӊӑн щиты ястӑӆ: 

Лыпӑт хойты тыӆӑщн Россия мўвев хў­ваттыйн ай няврємӑт ӆавӑӆты ёх хӑтӆ пос­тӑсы. Щимӑщ рәпатайн тәп нумсӑӊ па каркам хӑннєхуятӑт рәпитӆӑт. Ма няврємӑт хӑтӆ мӑр тӑйты нє оӆӑӊӑн хӑншты ӆӑӊхаӆум.

Васы мӑнты тыӆӑщ 5–8-мит хӑтӆӑтн Пермской мўв Коми-Пермяцкой округ Кудымкар вуӆаӊ вошн пермской сӑран ясӑӊӑн ӆўӊтарӑт хӑншты нє Елена Коньшина финно-угорской писателят ӑктӑс. Щит удмуртской писатель Вячеслав Ар-Серги, удмуртской поэт Николай Мерзляков, эрзянской поэтесса Татьяна Мокшанова, марийской поэтесса Альбертина Иванова, марийской поэтӊӑн Игорь Попов, Геннадий Григорьев па ма, вантэ, тӑм ванӑн рўщ ясӑӊ эвӑӆт путрӑт па ӆўӊтарӑт тулмащтӑты питсум. Мўӊ пиӆэва пермской сӑран писателят вәсӑт.

Ёмвошн вәӆты «Торум Маа» нємуп музей хуща рәпитты ёх ай тахет потты тыӆӑщ 14-мит хӑтӆӑн Байбалак юхан хонӑӊӑн йис вєрӑт шавиман тӑйты пӑта «Хутӑӊ пәрӆӑты хӑтӆ» вєрсӑт. Увӑс мирев тыв ӑкумсӑт хутӊӑт морты мўва мӑнтэӆ пӑта, ӆыв пойкщӑсӑт еӆӆы шәшты тўӊ пӑнт, еӆӆы шәшты тўӊ ӛш пӑта па тӑӆаӊа, ма вәӆты пӑта.