- Хантыйский
- Русский
Губернатор мойупсы пӑта кӑссӑт
Ропхӑң кўрк тыӑщ 15-мит хӑтӑн Ёмвош Ледовой дворец пўңӑн округев уватн вәты вўєң ёх ыв кўтєн вўы әхӑтн Губернатор мойупсы пӑта кӑссӑт. Щи кӑсупсыя арсыр тӑхет эвӑт хӑннєхуятӑт юхтыйсӑт, щит Нуви сӑңхум, Сўмӑтвош, Сәрхан, Нижневартовской па Ёмвош районӑт.
Тӑм кӑсупсы щирӑт вантты па артаӑты хуятӑт кўтн нємасыя Мўвтє мирӑт вўєң ёх кәща Михаил Погодаев Якутия мўв, Россия мўв вўєң ёхўв кәща Дмитрий Хороля Ямал эвӑт па Государственной Дума хот депутатӑт Ёмвоша ӑктӑщийсӑт. Щи ёх тумпийн Ёмвош округев кәща ӑңкӑр хә Геннадий Бухтин, «Югра ыңуптӑты» тӑхи кәща Александр Новьюхов, Природной ресурсӑт тӑхи кәща Евгений Платонов па Югра мўв вўєң хуятӑт кәща Степан Кечимов кӑсупсы щирӑт артаӑсӑт. Мос лупты щи оӑңӑн, тӑмӑщ Губернатор мойупсы юкана вўєң хуятӑт кўтн вєрум кӑсупсы Ёмвош округев хущи мєт оӑң пўш эщӑтсы па еы ўв кашӑң хәум о мӑр юпийн ищиты мӑнты пит.
Тӑмхӑт вўєң ёхўв кўтн кӑсупсы артаум кәщайт вантсӑт, хутыса ыв вўыа тӑйты хошӑт, муй щирн войа авӑӑт па әхӑн яңхты вәнтӑӑт. Щи тумпийн кәщайт уша павӑтсӑт, муйсӑр кӑсты щирӑтн вўєң ёх нух питты вєритӑт. Кашӑң хуята мосӑс вўыйн наврӑман сора мӑнты, ухӑн хәхӑты, тәса тынщӑң сўва ёвӑмӑты па хәум пўш и тӑхи эвӑт тўңщирӑңа навӑрмӑты.
Тӑм Ёмвош округев Губернатор мойупсы юкана вєрум кӑсупсыйн 17 вўыйн кирум әхӑтн вўы авӑты хӑннєхуятӑт ыв кўтєн кӑссӑт. Арсыр кӑсупсы щирӑтн оӑң тӑхи ёша павтӑс айат хӑнты хә Юрий Тарлин Касум вош Нуви сӑңхум район эвӑт. Щит пӑта ўв па хон пєлӑкн вєрум хоп сєвӑс моторӑн, нуви тўт вўщитты машинайн, ноутбукӑн па Губернатор кубокӑн мойӑсы. Щи тумпийн Юрий Тарлин многоборье щирн оӑң тӑхи вўс па вўыа яма тӑйты кӑсупсэтӑн ищиты кимит тӑхия питӑс па щит пӑта «Буран» пӑта мотор па «Самсунг» нємуп телевизор ёша павтӑс. Многоборье щирн кимит тӑхи Альберт Покачев Сәрхан район эвӑт вўс, хәмит тӑхи Евгений Айпин Нижневартовской район эвӑт хоумтӑс. ыв ищи мойӑсыйт.
Вўыа яма тӑйты щирн Иван Попов Нуви сӑңхум район эвӑт оӑң тӑхия юхтӑс, ўв «Буран» пӑта моторӑн кӑтуптӑсы. Аркадий Хозяинов Сўмӑтвош район эвӑт щи щирн хәмит тӑхия питӑс. Марк Рынков Сәрхан район эвӑт мєт айат вўы авӑты ёх кўтн оӑң тӑхи хоумтӑс. Вәнат вўы авӑты ёх кўтн оӑң тӑхи ёша Иосиф Кечимов павтӑс, щит пӑта ыв ищиты «Буран» моторӑтн мойӑсыйт. Ма щирємӑн, мос щиты лупты, хуты кашӑң кӑсупсыйн вәум хӑннєхә ӑн юрємӑсы па мойупсыйн мӑсы па ишӑкты нєпекӑн катуптӑсы. Тӑмиты сора па хурасӑңа Ёмвош округ Губернатор мойупсы юкана вєрум вўєң ёхўв кӑсупсэт мӑнсӑт.
Щи вуаң вєр сухнум юпийн ияха ӑктӑщум Ёмвош округев кәщайт тӑм кӑсупсы оӑңӑн нємасыя Ледовой дворец хот йитн мирхот вєрсӑт. Айке эщӑтты хӑннєхуятӑт епийн оӑң ясӑң Югра мўв вўєң хуятӑт кәща Степан Кечимов тәс. ўв тӑмиты путӑртӑс:
– Ма щирємӑн, тӑмхӑт мўң вўы авӑты ёхўв шєңк яма па әмща кӑссӑт. Вўєң хуятӑт кўтн хәум шуши мир вәс, щит: хӑнтэт, сӑранӑт па юрнӑт. Тӑмӑщ кӑсупсэт еы па вєрты мос.
ўв юпеӑн Ёмвош округев кәща ӑңкӑр хә Геннадий Бухтин путӑртӑс:
– Мос ястӑты, хуты атэт районӑт щирн вәты кӑсупсэтн тәп и мир хуятӑт ыв кўтєн кӑсты вєритӑт. Тӑта мўң хущева арсыр мир ёхўв кӑссӑт па ияха вәйтантыйты щир тӑйсӑт. Нәмӑстємӑн, щит шєңк вуаң вєр па еы па тӑмӑщ кӑсупсэт тӑта вєрты питўв.
Югра мўв Природной ресурсӑт тӑхи кәща хә Евгений Платонов лупӑс:
– Хән Ёмвош округев кәща нє партӑс тӑмӑщ кӑсупсы тӑта эщӑтты, мўң нәмӑсты питсўв, вєритўв муй ӑнтә щимӑщ вєр тўңщирӑңа вєрты. Юхӑтӑт мўң хущева вўы авӑты ёхўв муй ӑнтә? Тӑм тыӑщн, вантэ, вєра ищки хӑтӑт оьӑт па щи тумпийн вўєң хуятӑт юн ар рәпата тӑйӑт. Хән па вўы авӑты хуятўв кашащсӑт, мўң вєритты кємӑн ывеа нётты питсўв.
Юхи хӑщум кўтн «Югра ыңуптӑты» тӑхи кәща хә Александр Новьюхов айке вєрӑс:
– Тӑм хӑтӑтн ма вўєң хуятӑт пиа вәйтантыйсум па путрємӑсум. ыв ӑңхаӑт, ән нєңӑт тӑмӑщ кӑсупсэтн ищи атэт щирн ат кӑссӑт муй ӑнтә. Щӑта щи оӑңӑн путӑр вәс, хуты мєт яма єтут кавӑрты нє щирн па кӑсты щир эщӑтты рӑх. Ат вантӑт хуятӑт, муйкєм авӑрт рәпата щи нєңӑт, тывет-тухет касӑман, вєрӑт. Вән пәмӑщипа ясӑң мос лупты Природной ресурсӑт, округев культура па спорт тӑхета, мўв ипи тащ кӑншты хуятӑта, хуты ыв тӑм кӑсупсы эщӑтты нётсӑт.
Владимир Енов
Соревнования на Кубок Губернатора Югры
|
15 февраля в Ханты-Мансийске состоялся конкурс профессионального мастерства среди оленеводов Ханты-Мансийского автономного округа – Югры на кубок Губернатора автономного округа. Организаторами соревнований выступили Правительство Ханты-Мансийского автономного округа – Югры и Департамент природных ресурсов и несырьевого сектора экономики. В состязаниях на Кубок Губернатора Югры приняли участие 17 оленеводов, прибывших из Белоярского, Березовского, Сургутского, Нижневартовского, Ханты-Мансийского районов. В первую очередь жюри оценивало теоретические и практические знания участников конкурса по содержанию и разведению оленей, основным болезням. Сама программа соревнований включала четыре вида дисциплин: оленьи гонки на рысь, бег на лыжах, метание тынзяна на хорей и тройной национальный прыжок. По результатам конкурса были объявлены победители. Юрий Кузьмич Тарлин из Белоярского района стал Абсолютным чемпионом соревнований. В номинации «За лучшие производственные показатели» был отмечен Иосиф Никитович Кечимов из Сургутского района, как «ветеран оленеводства», а Марк Леонидович Рынков из Сургутского района – «самый молодой оленевод». I место в номинации «Чемпион многоборья» занял Тарлин Юрий Кузьмич из Белоярского района, II место - Покачев Альберт Николаевич из Сургутского района, III место - Айпин Евгений Викторович из Нижневартовского района. Победителям состязаний на Кубок Губернатора Югры вручены дипломы и ценные призы. Все участники соревнований отмечены подарками от спонсоров. Почетными гостями первого конкурса оленеводов в Югре стали председатель Правления Ассоциации «Оленеводы мира» Михаил Погодаев из Якутии, президент ассоциации «Оленеводы России» Дмитрий Хороля из Ямало-Ненецкого автономного округа и депутаты Государственной Думы Российской Федерации. Владимир ЕНОВ |
Номер Ханты Ясанг:
№ 4 (3400) 20.02.2014
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
- Viber
- Blogger
