Айкеԯӑт - Новости

Мӑнум номерн ма «Юрий Вэлла щирн вўт кәртӑн ӑшкола-ясли-хот» нємпи вәнӆтӑты вєр оӆӑӊӑн ай павӑтсум. Хӑншсум, хуты интернет хуща йиӆуп онлайн щирн ӆэщӑтум вәнӆтӑты хӑрн Сәрханӆ мўвн па Нуви сӑӊхум район Тўкъякӑӊ кәртӑн пушхӑт мӑнум оӆ лыпӑт хойты тыӆӑщ оӆӑӊмит хӑтӆ вўш эвӑӆт вәнӆтӑты вєр оӆӊитсӑт. 

Тӑм ванӑн Ёмвошн мирхотн имет оӆӑӊӑн путӑр манӑс. Муй вўрн имет тӑм атум мәш суртӑн па мәш йира питты пийн сыр-сыр мўвӑт нух ӆэщӑтты ӛр па пищ тӑйӆӑт. Тӑм ӆавӑрт суртэв пийн вәӆупсы сыры щира хән мӑнӆ, щи пӑта имета йиӆуп рәпатая вўянтты мосӆ. 

Югра кәща нєӊев Н. Ко­марова тӑм тӑхийн ищи вәс па путӑртӑс. 
Россия ӆуваттыйн Ас хӑӆты тыӆӑщн 2021-мит оӆн йиӆуп закон єтӑӆ. Щи поступсы мухты юӆн омӑсман мира мосты рәпата вєрты пищ вәӆ. 

Мӑнум оӆн па ин вәнты ӆавӑрт пандемия пурайн иса тохтурӑт, лекщитты нєӊӑт, «Скорая помощь» машинайн ӊхты ёх мєт ар рәпитӆӑт. 

Щирн мўӊ ӆӑӊхаӆўв лупты вән пәмащипа ясӑӊ Касум вошн пәӆьницайн рәпитты хуятӑта. Ӆыв мирева нётман атӆ-хӑтӆ ӆыв вєрӆаӆ тәӆӑт, мир лекщитӆӑт. Тӑӆаӊа, ма вәӆаты! Григорий Пет­рович Канев нын пӑ­тӑна стихотворения хӑншӑс, щӑта Россия мўвев иса леккӑрӑта, пәӆьницайн рәпитты хуятӑта вән пә­мащипа ясӊӑт тәӆ ӆыв ӆавӑрт па мєт вуӆаӊ рә­патаеӆ пӑта!

Ас хӑӆты тыӆӑщн 21-мит хӑтӆӑн Ёмвошн путӑр мӑнӑс, муй вўрн нётты ёха, мӑта хуятӑт хотӑт ёша павӑтты пӑта, хотӑт омӑсты пӑта вух сырышӑк мӑсӑт, па щи пийн хотӑт омӑсты тӑхет вухӆы хӑщсӑт, кәсӆы йисӑт, еӆӆы хотӑт вєрты ӑн пӑкӆӑт. Муй вўрн вух миюм хӑннєхәя нётты, хотн мӑты муй па вухӑт юхӆы кєрӑтты.  

«Хӑнты ясӑӊ» нєпекев ӆўӊӑтты тынӑӊ хуятӑт! 2020-мит оӆэв щи сухнӑс. Тӑмхӑтӆ нын 2021-мит оӆн єтум «Хӑнты ясӑӊ» газетаев оӆӑӊмит номер ёша вўсӆӑн.

Мӑнум оӆн мўӊ кӑт вуӆаӊ мӑӊхӑтӆ пос­тӑсўв. Щит Вуӆаӊ ӆаӆьн нух питум хӑтӆ вўш эвӑӆт 75-мит оӆ мӑнӑс па Ёмвош округев 90 тӑӆа йис. 

Мӑнум 2020-мит оӆн мўӊ нын пӑтана рә­питсўв, әмӑщ айкеӆӑт, путрӑт, моньщӑт, арӑт хӑнш­сўв. Мўӊ пиӆэва и ӛрн, и нумӑсн рәпитты хуя­тӑта вән пәмащипа луп­ӆўв. Сӑм хӑрӆўв вўш эвӑӆт нынана вән вўща па хо­шум ясӊӑт китӆўв.

Сәрханӆ мўвн рәпата щирн вәӆман округ губернатор нє Наталья Комарова Лянтор вош пўӊӑӆн вәнт шушийн вәӆты вўы авӑты айат хӑннєхә Клим Кантеров тӑйты «IT-стойбище» хуща мойӊа ӊхӑс.

Ямал мўвн уӆты хӑнты мир Яӆп тӑӆ кеша нынӑна ун мойӆпса ясӑӊ китӆӑт. Тумтака па вещката уӆаты!  Нпсӑӊ м верӑт Яӆп тӑӆн вераты! Рупитты хят рупата, ёӆн иса ма ат питӆ, утӑӆтӑты хятатӑт вещката ат утӑӆтӑӆӑт, няв­­рэм энмӑӆты хятӑт няв­рэмӆаӆ ёша-кўра ат энӑмӆӑт. Рут ясӊеӆн ат п­тӑртӆӑт, опращӆӑв миям тус ясӑӊ, тус птӑр, хрӑм ар ат арэмиӆэӆ па мосман ат тӑйӆэӆ. Туса верӑтты хя­тӑт ӆўв ёшеӆ эӆты х­рӑм прмӑс ат этӑӆ. Вой веӆ­ты хятӑт эӆты, хўӆ веӆ­­ты хятӑт эӆты м веӆ­пӑс! Тащӊа ӊхты хя­тӑт эӆ­ты рутэӆ вўӆы ат мияӆ!

Яӆп тӑӆ кеша мой­ӆп­са ясӑӊ Ямал мўв эӆты китӆӑм. Найн-Урн пиӆн еӆӆы тумтака уӆаты! Ӆуӊхӆўвна ат шавиӆӑюв, нётӆӑюв, йна мӑӆаюв.

Аӆӑӊсахӑт хӑтӆ этмӑӆ иты, яӆпа ёхтӑм нмӑсӆан, верӆан, щирӆан еӆӆы ат мӑнӆӑт. Вевтам ясӊӑт ун ӆоньщ пай иӆпия ат ӆӊӆӑт. 

Югра мўвевн вәӆты шуши ёхӆўв йис­тєӆн ушӑӊа-щирӑӊа сєр-юра па мир кўтн вәсӑт. Катра пурайн вән ёхӆаӆ партум щирн ар пєлӑк хӑнтыӆўв, вухаӆьӆўв па юрнӆўв йис вєрӆаӆ тәса вәӆӆӑт, щи вєрӑта ай ёхӆўв вәнӆтӑӆӑт, рәт ясӑӊ сӑмӑӆн тӑйӆӑт па щитн путӑртӆӑт, мўвев-йиӊкев ӆавӑӆман шавиӆӑт, ӆәӆн мўӊ мирӆўв йис вәӆупсэв ӑн вәтшӑсўв.