Айкеԯӑт - Новости

Ай тӑхет потты тыӆӑщ 26-мит хӑтӆ вўш эвӑӆт па иса 29-мит хӑтӆ вәнта округев мўв ӆуватн «Спасти и сохранить» нємуп  XXIV-мит фестиваль, ин онлайн щирн, нємасыя вән кәщаитн пўншсы.

Тӑмӑщ мӑӊхӑтӆ пўншум пурайн округ кәща нєӊев На­талья Комарова ин­тернет хўват айкеӆ тәс па щӑӆта тӑмиты щи лупӑс: 

Ай тӑхет потты тыӆӑщ 19-21-мит хӑтӆӑтн Москва воша Россия мўвев арсыр тӑхет эвӑӆт айкеӆӑт ӑкӑтты па хӑншты ёх юхтыйӆсӑт. Щӑта ӆыв вәнӆтыйӆсӑт, хутыса йиӆуп щирн айкеӆӑт хӑншты па мирева тәты мосӆ.

Оӆӑӊмит хӑтӆӑн «Ка­чественная прес­­са и перспективы её развития» мир­хот вәс. «Журналист» нєм­пи журнал кәща нє Лю­бовь Петрова мойӊ хуя­тӑта вўща ясӑӊ лу­пӑс. Ӆўв ясӑӊӆаӆ щирн, тӑм оӆ коронавирус мәш пу­райн айкеӆӑт ӆэщӑтты хуятӑта ӆа­вӑрт рәпитты вәс: 

Ай тӑхет потты тыӆӑщ 30-мит хӑтӑӆн Ёмвошн телевиденияйн, радивайн па газетаитн рәпитты хӑннєхуятӑт округев Информационной технологияйт тӑхи кәща Павел Ципорин па «Открытый регион» тӑхи кәща Маргарита Козлова пиӆа нємасыя вєрум мирхотн и­­ха вәйтантыйӆсӑт па путрємӑсӑт.

Мирхота ӑктӑщум хӑннєхуятӑт еӆ­­пийн П. Ципорин пу­тӑртӑс, муй щирн тӑм йисн округев ӆуватн сыр-сыр йиӆуп айкеӆ ӆэщӑтты щўӊкӑт вєр­ӆыйт. 

Тӑм оӆӑтн мўӊ Югра мўвевн карты пун мухты вух ӆоӆумты ёх вєра ара йиты питсӑт. Ӆыв сыр-сыр пищ тӑйӆӑт, щит йиӆуп информационно-коммуникационной технологияйт.

Тӑм ванӑн мўӊ округ Ипотечной агентствая пищма хӑншсўв па арсыр вєрӑт оӆӑӊӑн иньщӑссўв. Щӑта рәпитты ёх щиты юхӆы хӑншсӑт.

Васы мӑнты тыӆӑщ 19-мит хӑтӆӑн Нижневартовск вошн хӑнты мир вәтаӊ айкеӆӑт ӑкӑтты ими Таисья Степановна Себурова ӑнтәма йис.
Мўӊ «Хӑнты ясӑӊ» па «Луима сэрипос» нємпи газетайӊӑӆўвн рәпитты ёхӆўв пӑта щит вән шәк. Ӆўв 1949-мит оӆн тәнӆуп тыӆӑщ 23-митн Тўкъякӑӊ кәртӑн сєма питӑс, ащеӆ Вуӆаӊ Отечественной ӆаӆьн Ленинградской фронт ху­ща ӆаӆясӑс.

Лыпӑт хойты тыӆӑщ 30-митн «Стой­бищная школа – сад» проект щирн Сәрханӆ районӑн мєт ай пушхиет пӑта вәнӆтыйӆты тӑхи пўншсы. Щит Русскинская ӑшколая ӆуӊман вәӆ. 

Щи вєр унтасн Сәр­ханӆ районӑн У-6 нємпи вәнт шушийн вәӆты ай пушхиет ӑш­колая ӆэщӑтыйӆты щир тӑйӆӑт. 

Округевн ин тӑм­хӑтӆ вәнты Рос­сия хон пєлӑк ӆу­ватн вўюм йиӆуп  поступсы щирн IT-стойбища нємуп тӑхет пўншӆыйт. 

Ай тӑхет потты тыӆӑщн 7-мит хӑтӆӑн округев оӆӑӊӑн айкеӆӑт хӑншты ёх хўӆ па нюхи эвӑӆт ӆєтут вєрты тӑхия ӊхсӑт. Щимӑщ рәпатайн вәӆты ёх па щи ӆєтут тыныты «Ферма» нємуп тӑхи Ёмвошн вәӆ. 

«Кулинария высокого вкуса» тӑхи кәща хә па «Ферма» нємуп тынєсты пос кәща хә Вячеслав Кукель путӑртӑс, муй вўрн хўӆ па нюхи айкємн шўка вєрӆа-ӆєщӑтӆа, муй хўват мӑр щи утӑт ӆапкайн шавиман тӑйты рӑхӆ, мӑта ӆапкаятӑн тӑмӑщ ӆєтут ӆәтты пищ вәӆ.

Округевн вәӆты шуши мирӑт пӑта госпрограмма хўватн 2021-мит оӆн нётупсы щирн кашӑӊ оӆ мӑр єсӑӆты вухӑт иса араттєӆн 26-мит миллион арат шойт вуха нух єӆӑтӆыйт. Щимӑщ вуӆаӊ вєрӑт оӆӑӊӑн Югра мўв правительства кәща нє Наталья Комарова нємасыя вән мирхотн ай тӑхет потты тыӆӑщ ртъяӊмит хӑтӑӆн ӆӑӊкӑр ёхӆаӆ пиӆа вєрум мирхотн йиӆуп поступсы ӆэщӑтӑс.