Айкеԯӑт - Новости

Округев хоттєӆ ёха нётты пӑта «Ма щемьяем» кӑсупсы мӑнум пурайн вух хоӆумсы. Араттєӆн Россия мўв ӆуваттыйн вәӆум кӑсты вєрн 20 мўв нух питӑс, ӆыв кўтэӆн округев. Ӆыв ар няврємӑӊ хоттєӆ хуятӑта ин нётупсэт вєрӆӑт.

Щи грант вухӑт 12 миллион шойт муӆтас арата юхӑтсӑт. Щимӑщ вухӑт унтасн округев хуща иса 2020-мит оӆ вўш эвӑӆт па 2021-мит оӆ вәнта ар няврємӑӊ хоттєӆ ёх нётты питӆыйт, мӑта хӑннєхуятӑт шєӊк нў­шая вәӆӆӑт. 

Щи оӆӑӊӑн округ правительства мир­хот пурайн уша йис. Щи вєр тәты пӑта ок­ругевн «Шәкащты па ӑӊкиӆы-ащиӆы хӑщум няврємӑта нётупсэт» нємасыя поступсы вәӆ.

Округ социальной вєрӑт тәты де­пар­тамент ёх интӑм нәмӑсӆӑт, муй щирн щи поступсы тәты, ӆәӆн социальной найм щирн йиӆуп хотӑт мӑты.

Щи вєр сорашӑк тәты мосӆ, ӆәӆн шәкащты няврємӑт мосты пу­райн йиӆуп хотӑта ат касӑӆсӑт, – лупӑс ок­руг кәща нє Наталья Комарова.

Югра мўв кәщайт мирхот пурайн округ кәща нє Наталья Комарова айӆат ёха хотӑт мӑты оӆӑӊӑн айкеӆ тәс. 

Россия мўв хотӑт омӑс­ты минис­терст­вая вохты нєпек кит­сы, ӆәӆн мўӊ ок­ру­гев «Россия мўв хӑн­нєхуятӑта м хотӑт мӑ­ты вєр» поступсыя ат хӑншсы.
– Вохты нєпек хӑнш­сўв, ӆәӆн федеральной бюджет эвӑӆт вухн ат мӑ­сыюв, щи унтасн 2021-мит оӆн 308 айӆат хот­тєӆ ёха йиӆуп хотӑт ӆәтӆўв, – округ кәща нє Наталья Комарова ӆупӑс.
 

Ас нопӑтты тыӆӑщ 2020-мит оӆн Югра мўв шуши мир вәӆупсы щирӑт артаӆӑты хӑннєхуятӑт уша вєрсӑт кӑт тӑхи, щит: муй щирн катра пура вўш эвӑӆт «Вошӑӊ ики ӆўӊӑӆтуп ар» па «Ар хотӑӊ ими ар», мӑ­та утӑт иса касум мўв хӑнтэтн ӆўӊӑӆтуп ӆэщӑтты хӑтӆӑтн тәса па хурасӑӊа ариман муй якман тӑйсыйӊӑн. 

«Россия – страна возможностей» нємпи тӑхи ёх соткєм арсыр тӑхи кәщайт эвӑӆт иньщӑссӑт, ма муй ӑнтә, хуты интӑм коронавирус мәш хоюм пурайн рәпитты хуятӑт юӆн рәпитӆӑт па муйсӑр рәпатнекӑт тӑм йисн мосӆӑт. 

Ӆўӊа йитыйн кашӑӊ хӑннєхә тӑӆ кєша ӆэщӑтыйӆ. Итәх хуятӑт ӆўӊӑн хот омӑсӆӑт, әхӑӆ, хоп вєрӆӑт па тәх ёх хўӆ веӆпӑсӆӑӆӑт, юхӑл вєрӆӑт. 

Вантэ, ӆўӊ хӑтӆ хўв, ёш ар вєра хойӆяӆ. Тӑм мӑта хошум хӑтӆӑтн вўӆы кәртӑтн имет кє­пӑӆаӆ кӑшмӑӆӆӑт. Уйӊ нє­ӆӑм па хӑншӑӊ сӑх ёнт­ман омӑсӆӑт. Щи кўтн ин мәрӑх воньщты пура юхтӑс.

Югра мўвн 700-кєм вәнт кәртӑтн вәӆты хӑнтэт, вухаӆят па юрнӑт интернет тӑйӆӑт. Ӆыв «IT-стойбище» нємуп вєр унтасн вәнт кәртӆаӆа интернет таӆса. 

Айӆат хӑнты пух Игорь Алек­сандрович Лельхов лыпӑт єнум­ты тыӆӑщ 27-мит хӑтӑӆн 2019-мит оӆн армияя Мурманской мўва тәсы. Ӆўв щӑта атомной ракетной «Пётр Великий» нємуп вән крейсер ху­ща служитман вәԯ. Щӑӆта юхи йитаӆ еӆпийн «Адмирал флота Советского Сою­за Горшков» нємуп крейсер тўтаӊ хопн ӊхӑс. 

Тӑм ӆўӊӑн коронавирус мәш эвӑӆт няв­рємӑт рўтьщӑты вєр еша па щира ӆэщӑтман питӆ. 

Хән Роспот­реб­над­зор кәщайт лупӆӑт, хуты рӑхӆ рўть­щӑты хӑ­рӑт пўншты, тәп щи пийн няврємӑт рўтьщӑты тӑхет рәпитты оӆӊитӆӑт.  
Ӆўӊ пурайн Югра мўвевн 6-17 оӆ ӆуват 57 щурӑс няврєм рўть­щӑты питӆ. Щи вєра и миллиард шойт вух мӑнӆ, щит тәняӆ оӆ кинь­щи нивӑӆ процен­та шимӆ.

Лениград вошн А.И. Герцен нємпи университет хуща увӑс мир вәнӆ­тыйӆ­ты кєша интститут вәӆ. Тӑм тӑхийн 85 оӆ муӆтас увӑс ёх эвет, пухӑт вән нєпека культура, рәт ясӊӑт, история вєрӑта  вәнӆ­тыйӆӆӑт.