Айкеԯӑт - Новости

Тәнуп тыӑщ 19-мит хӑтӑн Ёмвошн «Открытый регион» нємуп тӑхийн «Следопыт – удивительная Югра» экспедиция ёх кәщайт  нємасыя округев айкеӑт ӑкӑтты хӑннєхуятӑт пиа мирхот вєрсӑт.

«Най аңки» нємуп XVII-мит мўвтє кинайт вантӑты хӑр пўншты епийн РИЦ «Югра» хотн кинорежиссёр па щи вєр ух хә Сергей Соловьев, КТЦ «Югра-Классик» хот кәща нє Лариса Журавлёва, актёр Егор Морозов па кинайт пириты хә Борис Нелепо айкеӑт ӑкӑтты ёха ай павӑтсӑт. 

Тӑм епийн 16 кинайң хӑр вәс. Мосӑң, щит пӑты щи вєр эщӑтты кєна йис? Щи оӑңӑн па муй щирн оӑң фестиваль мӑнӑс, С. Соловьев тӑмиты лупӑс: 

Тәнуп тыӑщ 21-22-мит хӑтңӑнӑн Ёмвошн айат ёх пӑты «Нефтяная столица» нємуп II-мит Мўвтє мир вәйтантупсы мӑнӑс. Тӑм мирхот Югра мўв правительства ёх унтасн эщӑтсы. 

2019-мит он округева па хон пєлӑк мўвӑт эвӑт мўв ипи питы вуй па газ вўты тӑхийн рәпитты ёх муй па тӑм вєра вәнтыйты па йипатты хуятӑт юхтыйсӑт. Щит Азербайджан, Белоруссия, Бенин, Вьетнам, Конго, Индия, Иран, Казахстан, Китай, Колумбия, Россия, Сербия, Норвегия, Эквадор па Сирийской Арабской мўвӑт эвӑт. 

Вантэ, Югра мўв – питы вуй па газ вўты мєт вуаң тӑхи. 

Тәнуп тыӑщ 25-митн округ мир ямӑты вєр тәты департамент хуща рәпитты кәща ӑңкӑр хә Максим Малхасьян пиа вәйтантупсы вәс.
Мегион вошн хәум пәьница и тӑхия вєрты вєр оӑңӑн путӑр вәс.

М.В. Малхасьян лупӑс:

– Федеральной поступсы хўват, 300 щурӑс вәнты хуят вәты вошн тәп и пәьница  мос. Мегион вошн 55 щурӑс хуят вә, щи эвӑт апӑт щурӑс хуят Высокий ай вошн вәӑт.

Тӑмхӑтӆ ма хӑншӆум, муйсӑр нётупсэт шуши ёх тӑйӆӑт вәӆты хотӑт мӑты вєрн. Щи нётупсы мӑӆы округ правительства кәщаятн хӑншум «Развитие жилищной сферы» нємпи поступсы унтасн, мӑта ут 2018-мит оӆ ай тӑхет потты тыӆӑщ 5-митн хӑншсы.

2019-мит о ай кєр тыӑщ 2-3-мит хӑтңӑнӑн Ёмвошн Югра мўв кәща нє мойупсы хоумты щира округ районӑт эват мєт апрӑң сора ёшуп, пасты кўруп вўєң ёх юхтыйсӑт. 

Сырыя вўыйн кӑсты хуятӑт вўы авӑты вєр оӑңӑн иньщӑссыйт. Еы «Мустанг» нємпи ов шӑншӑн наврӑты хӑрн вошӑң па мойңа юхтум мир ӑктӑщийсӑт. Кӑсупсыя юхтум кашӑң район ёх тӑта нюки хота омсӑсӑт. Шуши мир єпӑң єтут тумпийн юрн хот пўңӑн әмӑщ тынєсты хӑрӑт ӆэщӑтман вәсӑт.

Тәнуп тыӑщ хәтмит хӑтӑн Ёмвошн айкеӑт ӑкӑтты ёх Югра мўвев социальной вєрӑт эщӑтты тӑхи кәща нє Светлана Давиденко пиа вәйтантыйсӑт па путӑртсӑт. Щи мирхот пурайн уша йис, муй щирн хӑщум 2018-мит он мўң округев социальной тӑхет рәпитсӑт па хуты тӑм йипа питум 2019-мит он ыв нәмӑсӑт ӑ хуятӑта нётты.   

2017-мит о вўш эвӑт Ёмвошн «Югра ыңуптӑты» оса тӑхи вошӑң апрӑң ёх унтасн мўвтє рәт ясӑң емӑңхӑт постӑты пурайн «Рәт ясңємн ариум» нємпи вәйтантупсы эщӑтты питсы. 

1999-мит о Ас потты тыӑщ 17-мит хӑтӑн генеральной ЮНЕСКО нємпи ўңтупсыйн рәпитты ёх нумса юхӑтсӑт мўвтє рәт ясӑң емӑңхӑт вєрты. Щи пура вўш эвӑт кашӑң о тәнуп тыӑщ 21-мит хӑтӑн щи емӑңхӑт постӑўв.

Югра мўв нёрмӑң пєлӑкн Тәрум ор вош омӑс. Тӑта йис тєӑн юрнӑт па хӑнтэт вәӑт. Ар пєлӑк хуят вош пўңӑн вәнт кәртан юкан вўыа авӑӑт. Тәрум ор вошӑң мир вєры ӑн омӑсӑт, оре мухӑая нюр варӑт, пў пєлкӑт вєрме. Щӑта орен йиңк ипи хопӑт омӑсӑт. Кашӑң хӑннєхә тӑта каркам па апрӑң. ыв вошеа ин йиуп Интернет вєр юхтӑс. 

Тәнуп тыӑщ 11-мит хӑтӑн, хән хәумъяң о юхы мєт оӑңӑн вухаь ясӑңӑн «Луима сэрипос» нємуп нєпек єтӑс, «Городская централизованная библиотечная система» нємуп хотн айкеӑт хӑншты ёх па мойң мир щи вєр постӑты ӑктӑщийсӑт. Газетайн рәпитты ёх щи вєр оӑңӑн ай кина эщӑтсӑт, щитн ай павӑтсӑт, хуйтат хәумъяң о юхы щи нєпек єсӑты пиньщӑсӑт, сыры муйсӑр ёх «Луима сэрипос» нєпека путрӑт хӑншсӑт па интум хӑншӑт.