Тӑм ванӑн Ёмвош эвӑт Нуви сӑңхум воша «Най-вәрт путрӑт. Легенды земли Божественной» нємуп киника тәсы. Щи вошн вәмємн Римма Михайловна Потпот щи нєпек мӑнєма вантӑс па лупӑс, ўв щит ут эщатӑс, хурӑт Игорь Потпот ике щив хӑншӑс.

Мос лупты, кини­ка єсӑтыя ўвела округ культура департа­мент вухн нётас. Щӑта вәты моньщиет Римма Потпот па Семён Лео­нидович Волдин шәңӑт (Касумн) Тимофей Молданов (Ай кўр ёхн єнмӑс), Татьяна Павлов­на Аликова (Помут эвӑт вә) па Георгий Васи­льевич Молданов (Вош юхан) эвӑт нух хӑншсӑт.

Р. Потпот Нуви сӑң-хум фольклорной ар-хивн рәпит па нәам хӑнтэт хущи путрӑт ӑкӑтты яңхӑ. Йиуп ки­никайн «Касум ими», «Ка­сум имен мояңа мӑн», «Ар хотӑң ими», «Кирпнюуп ими апӑт пух» па «Он­туп пӑты пухие» нємуп моньщӑт хӑнты па рўщ ясӑңңанӑн вәӑт. Па мир ясңа щитӑт ўв па О. Кравченко тул-мӑщтӑсңӑн.