Лыпӑт тыӑщ 30-мит хӑтӑн Нуви сӑңхум район Ваньщавӑт кәртӑн «Будущее Югры в руках молодежи» нємпи мирхот вєрӑнтсы. Щӑта Нуви сӑңхум, Сўмӑтвош районңӑн па Ёмвош эвӑт юхтум айат ёх ӑктӑщийсӑт. ыв кәртӑтн вәты айат ёх нўшайт нух вантсӑт.

Мирхот вєрӑнтсы, ән интӑм вәты айат хуятӑт рәт мир культура, ясӑң яма ат вәсӑт, сӑмӑңа ат тӑйсӑт па еы няврєма щи вєра ат вәнтӑсӑт. Щив хәум район эвӑт айат хуятӑт вохӑнтсыйт, ән ыв кўтэн әхсӑңа ат йисӑт, щӑта айат Ас-угорской мирӑт тӑхия ияха ат пиӑтсӑт.

«Югра ыңуптӑты» тӑхи кәща хә Александр Новьюхов вән пәмащипа ясӑң лупӑс Нуви сӑңхум вош администрацияя, кәртӑн вәты мира щи емӑңхӑт эщӑтме пӑ-та. Щӑта путӑртӑс «Югра ыңуптӑты» тӑхи оӑңӑн. Щи тӑхи 1989-мит о вўш эвӑт рәпит. Югра мўв кашӑң районӑн «Югра ыңуптӑты» фи­лиал рәпит, иса щив 3000 мутас хӑннєхә уңман вә. ыв рәпитӑт шуши мир вәупсы ямӑты щира, щи вєр пӑты по­ступсэт эщӑтӑт. Тӑм то­вийн «Югра ыңуптӑты» ёх ияха ӑктӑщийман нумса йисӑт Ваньщавӑт кәртӑн ўңӑн айат ёх ияха ӑкӑтты. Еы ӑңхаӑт щимӑщ мирхот Сўмӑтвош па Октябрь­ской районңӑнӑн вєрты. Александр Вячеславович лупӑс, хуты интернетн «В контакте» тӑхийн группа ёх эщӑтты мос, ән иса шуши мир айат ёх кўтэн путӑртты щир ат тӑйсӑт.

Нуви сӑңхум вош кәща ӑңкӑр хә Степан Молда­нов лупӑс:

– Шєңк әмӑщ, хуты интӑм ай кәртӑтн вәты айат ёх вант­ман тӑйыйт. Вантэ, ай кәртӑтн ар айат хуятӑт вәӑт, рәпата ӑн тӑйӑт. Кәща ёх щи вєр пєы шєңк ӑн вантсӑт. 1990-мит оӑтн Ваньщавӑт кәртӑн 500 мутас хуят вәс, ин тәп 300. Исӑт вошӑта касӑсӑт. Ӑшколаевн па мўв эвӑт юхтум учи­телят рәпитӑт, мўң няврємўв хута мӑнсӑт? Муй пӑты ыв тӑта ӑн рәпитӑт? Щӑта нуви тўт вўщитты тӑхийн рәпитты хуят ищи ӑнтәм. Щи вєр тәса вәты хуятӑт шєңк мосӑт, нємхуят щи вєра ӑн вәнтый. Пәьницайн рәпитты хуят кәртэва ищи мос. Итәх эвет вәнтыйсӑт, щӑта па вошӑта рәпитты мӑнсӑт. Иса ай кәртӑтн МЧС вєрты мос, тўт хәрӑтты хуятӑт щив рәпатая вўыйт, тәп щи хуят кәртэвн ищи ӑнтәм, «В», «С» категория тӑйты водитель ищи мос. Айат ёхўва нётты мос, ән ыв ат вәнтыйсӑт па рәт кәртэа рәпитты ат юхӑтсӑт.

Сўмӑтвошн «Югра ыңуптӑты» тӑхи кәща нє Любовь Кашлато­ва лупӑс, хуты няврємӑт вәнтыйӑт, тәп кәртӑтн рәпата тӑхи ӑнтәм, щит вән нўшаев. Степан Ни­колаевич ястӑс:

– Ваньщавӑт кәртӑн сохӑт эщӑтты па вань­щты тӑхи, мисӑт, овӑт єнмӑты тӑхет пўншты мос. Кәртаң ёх грант вухӑт вохты щир тӑйӑт, щиты арсыр рәпитты тӑхет пўншты рӑх, щи вєрӑта 300 щураскєм вух мӑы. Хў вепӑсуман ищи вух ёша вўты щир вә.

Ваньщавӑт кәртӑң ай-ат хә Антон Печерский лупӑс, хуты Нуви сӑңхум вош эвӑт Ваньщавӑт кәрт вәнты яңхты ям ӛш ӑнтәм, щит пӑты щӑта айат ёх рәпитты ӑн ӑңхаӑт, мос тӑ ӛш вєрты. Кәртӑң ими Раи­са Лаврентьева ӑңха, ән Сўмӑтвош эвӑт Ваньщавӑт кәрт вәнты ищи муты тўтӑң хоп ат яңхӑс.

Мос лупты, тӑм он Ваньщавӑт кәрт 11-мит класс хәум хӑннєхә етшуптӑс, исӑт вәнтыйты мӑнсӑт: еккара, мўв ипи питы вуй вўты хуята па кәща тӑхийн рәпитты хуята.

«Хӑт» нємпи театрӑн рәпитты нє Татьяна Ог­нёва лупӑс, кәртӑн вәты ай няврємиет интӑм ияха ӑкӑтты мос па як­ты-ариты, рәт ясӑңӑн тәса путӑртты вәнтӑты, ән кәртӑн ай театр вєрты ат рӑхӑс. Щӑта тӑта няврємӑт яма ухн хӑтӑтьяӑт. Мос щи вєр еы тәты, ән ыв биатлонистӑта ат йисӑт.

Щӑта, «Тўт сємие» нємпи тӑхийн якты-ариты эвет па пухӑт мўвтє мир фестива­ля китты оӑңӑн путӑр мӑнӑс. ыв айат эвийн Стелла Тимиргалеевайн тәса па хурамӑңа якты вәнтӑыйт.

Мирхот ювоӑңӑн Александр Новью­хов айат ёх емӑңхӑт вўрӑңӑн Ваньщавӑт кәрт кўлупа «микшер­ный стол» нємпи щўңк мойӑс.