Хӑнты мир әмӑтсуха әмӑтюм няврємиет пєы вантты шєңк әмӑщ. Ма Нуви сӑңхум район Ваньщавӑт кәрта яңхмємн вантсум, муй щирн няврємӑт хӑнты әмӑтсухӑт аьсӑт. Щи етнхот лыпӑт тыӑщ 29-мит хӑтӑн вәс.

Хӑнты пурмӑсӑт аьты емӑңхӑт эщӑтӑс ки­никайт тӑйты хотн рәпитты нє Нина Васи­льевна Шабаршина. ўв лупӑс: «Ин няврємиет вән аңкаңкиан, аңкаңкиан, ӑңкиан ёнтум пурмӑсӑта әмӑтясӑт. Культура хотэвн щимӑщ кружок рәпит, хута ыв щитӑт ёнтты вәнтӑыйт. Ма щирємн, интӑм ывеа щи вєр аьўв ки, ыв щит еы тәӑт па хәнты мосӑң няврєма ищи хӑнты мир вєрӑта вәнтӑӑт. Мўң культура­ев ыаңа хӑщ па еы вәты пит».

Щи етнхотн ар няврєм хӑнты ернасн, щӑшкан сӑхн, сэвум вейн әмӑтюман вәс. Есения Молданова ай эвие емӑңхӑта Евге­ния Михайловна Молда­нова ӑңкен ёнтум ер­насн юхтӑс, сэвум вейн Роза Ефимовна Хуланхо­вайн тыйсы, турлопӑсн па ӑңкаңкен Надеж­да Денисовна Молдано­вайн кӑрӑтӑсы. Хӑнты эвие Ксения Вороно­ва вән аңкаңке шәңатн Ксения Ивановна Мол­дановайн ёнтум ернасн, щӑшкан сӑхн, сэвум вейн юхтӑс. Турлопӑс Ксю­ша ўв саптэа мухсӑң хў шӑнш ўвӑт эвӑт кӑрӑтӑс. Тўтьщӑң хирн па пончо нємпи утн ўв аңкаңкен Нина Васи­льевна Шабаршинайн ёнтӑсы.

Па няврємӑт ищи тәса ёнтӑсты нєңӑтн вєрум пурмӑсӑта әмӑтясӑт. Щитӑт хәнты эщӑтсӑт Юлия Петровна Гынды­шева, Ольга Сергеевна Воронова, Прасковья Ва­сильевна Юрьева, Екате­рина Дмитриевна Молда­нова, Евдокия Егоровна Молданова па па имиет.

Әмӑщ, хуты Ваньщавӑт кәртӑң няврємиет хӑнты пурмӑсӑт вєрты вәнтӑыйт. Щиты, мосӑң, вәна єнумтэн ыв ищи тәса ёнтӑсты нєңӑта йиӑт па йис вєрев еы вәты пит.