Геннадий Фёдорович Гурин Невьянск вошн Свердловской областян єнмӑс. Хәнты щи вош Демидовӑт хон воша вәс. Вошие Нейва юхан хонӑңӑн омӑс, щит пӑты Невьянск нєм тӑй. Щӑсаты юхан хўват и ки єсащты, Нейва щӑта хӑтань щирн Ницца нємн аьщӑы. Мос лупты, щи мўвн катра йисн хӑнтэт па вухаят вәсӑт, щит пӑты щӑта ар тӑхийн юханӑт па орӑт хӑнты па вухаь щирн аьщӑыйт. Нейва ищимӑщ нєм тӑй. Вәйтантыймємн Г.Гурин лупӑс, ай вўш эвӑт уша вєрты ӑңхӑс, «Нейва» рўщ ясӑңӑн щит муйсӑр ут? XVII-мит йисн Нейва юхан Невья нєм тӑйс, ӛхӑт рўщӑтн Нейвая аьщӑты питсы. Итәх нєпекӑң ёх луплӑт, хуты хӑнты щирн Невья щит Нуви юхан.

Геннадий Гурин нуви тўт вўщитты хәя вә, щит пӑты1971-мит он Сәрхан воша юхтӑс па ГРЭС-1 хущи рәпитты питӑс. Интум ўвеа 77 о, хўвн рәпатай эвӑт рўтьщӑты мӑнӑс. Ма ў-ве тәня Ёмвош ремёс­лайт хотн шиваӑсєм, хән щӑта «Мудрость и мастер­ство» нємуп вантупсы вәс. Щи ики лупӑс, хуты 1973-мит о вўш эвӑт вантупсэт хущи ўв вєрум пурмӑса мира вантӑэ. Вәта мӑр тӑм 75-мит вантупсы, хута ўв юхтӑс. Уша йис, Геннадий Фёдоро­вич вєртутӑң хәя вә, юх эвӑт ўв арсыр пурмӑсӑт вєр. Мєт оӑңӑн щи ики Ёмвоша 1974-мит он юхтыӑс, хән тӑта пурмӑсӑт вєрты ёх мир­хот вәс. Щи пурайн Дом творчества хот кәщая Ми­хаил Бронников рәпитӑс. «Ар хуят округ эвӑт юхтыӑс. Тӑм мирхотӑң ёх киньщи щӑта мєт ар мир вәс. Щи он П. Шеш­кин пиа вәтӑңа йисум. ӑңхаум лупты – Пётр Ефимович вән художника вәс, шєңк хурамӑң хурӑт хӑншас. Ӑн вәєм, хута интум щита вәӑт. Щимӑщ вәйтӑнтупсэтн мӑнєма шєңк әмӑщ вәс хӑнты па вухаь пурмӑсӑт шиваӑты, щӑта уша павӑтты, муй щирн шуши ёх тунты пурмӑсӑт вєрӑт, сӑк кӑрӑтӑт муй кєпӑ тӑнӑӑт», – щи пура оӑңӑн лупӑс Геннадий Гурин.

Геннадий Фёдоро­вич «Народный мастер Югры» нєм тӑй, вәта нәпӑт Сәрхан вошӑн ар пўш ўв пурмӑса эвӑт вантупсэт вєрӑнтсыйт. Ёмвоша окружной ван-тупсэта щита ищи ар пўш тәтьясэ. Сыры пурмӑс вєрты юхӑт кӑнштыя ўв сӑттэа вәнта яңхӑс, интум авӑрт щив яңхты питӑс па щитӑт мўв ипи тащӑт хоумтты ёх па юхӑт и павӑтты мир ўвеа ещӑт тәӑт. Мирхота, хута ўве шиваӑсум, тӑм ики ишӑкты нєпека юсаты тәс па мӑнєма вантӑс. 1974-мит о вўш эвӑт ўв тӑӑң пай ӑктӑс. Щи оӑңӑн лупӑс: «Тӑм нєпекӑтн ма вәупсєм. Хәнты щитӑт вантман хиыам уша павӑтӑт, муй вєрман ма тәрум ипийн вәсум».