Атэт кат юх авӑтн, атэт әңх юх авӑтн имєңӑн-икєңӑн вәӑңӑн, ай хиые тӑйӑңӑн. Ин хиыен кашӑң хӑт аӑңа йи па, нух ки па, камн щи ай войлэңки нёхӑман ңхӑ. ўве вантты, щиты апа әмӑщ кәрт хӑрыйн шәшийты. И мӑтты хӑт юхи юхӑт па аке пєа лупий:

– Акєм-ики, мӑнєма ӛхӑ-нё ки вєрӑн?

– Па муй атум?

Аке-икийн ӛхӑн-нён вєрса. Ӛхӑт хӑта йис, аке-ики лупий:

– Хиые, нӑң тәп хот шӑнш пєа нэн а єсэ! А єсэ, – лупий ин вән икев.

Ин ай икилэңкев муй, нух навӑрмӑс, нух оюмтӑс, амӑтман ким щи наврӑс! ўв, вантты муй, ин ӛхӑң-нёӑң хәя ювум хә!

Хўв ңхӑс, ван ңхас... Имутыйн ин аке-ики лупум сңӑт нумӑса щи питсӑт. Нәмӑсый: «Па щивет-ки шәшийум…».

Я щи, хот шӑнш пєлка айтыева мӑнӑс па, ӛхӑ тасӑэ па, нёа щи єсӑсӑэ. Хўв мӑр, муй ван мӑр вәс – ин ай икилэңкев нёӑ кӑншты щи шәшмӑс.

Хўв мўв мӑнӑс, муй ван мўв мӑнӑс… Имутыйн ўв вантӑэ: мӑттырн, павӑрт ай хотые омӑс! Ин пухие вана хот питӑра мӑнӑс па, хәӑнтый. Хәтан, хот ыпийн хуят ўв нарӑсъюхн нарӑсман щи омӑста сащӑ. Ин ай икилэ хот аңӑа айтыева нух хәңхӑс па иы пєа щухӑл ов эвӑт вантый, хәӑнтый. Ин нарӑсты хәй ин нарӑсты сый щи сащий:

– Тум мўв сўңӑн, тӑм мўв сўңӑн вәты вәнт вой – и-и-и!!! – щи нарӑс. – Пӑста мӑнты, пӑста навӑрты оңтӑң вой тәты утӑн тыв ат тәы, аты утӑн тыв ат аы!

Ин вән оңтӑң вәнт Хор-ики ов ыпия щи навӑрта – сємы ики тәп ов пєлки вущкийта! Вән щухры кешийн сӑмӑ щи пустӑы, ин хор-ики нух щи хура, нюхиа вән кев пўта мусайт. Ин Ими-Хиы па хот-аңӑн омӑста кўтн щи щухӑл пәсӑң кавӑртты тӑхи эвӑт щи нюхи-шәпӑт ваңкарӑң юхӑн нух щи та. Па омӑс па та, па омсый па та. Имутыйн хирые щи тєкнӑс. Хирые тєкнум артӑн юхи щи ин ай икилэв шәшмӑс.

Юхи юхтӑс. Юхи юхтӑс па, аке па име пєа щиты лупий:

– Акєм-ики, тӑм хӑт хот шӑш пєлӑкн вәты сємы акєм-ики хуща яңхсум, мурта нюхийн, єтутн мойысыюм.

– Хиые, нӑң муя па щив яңхӑн? Щит ўв хӑннєхә неты ут!

Ин ай икилє муй, вантты, ув ёш ёша ювум хә, кўр кўра ювум хә – сємӑ-ухӑ мунтӑлмӑс, иы улумтӑс.

Аӑңая йис, йиуп хӑта йис, ўв па щи щиве шәшмӑс. Мӑнум тӑхеа мӑнӑс, юхтум тӑхеа юхтӑс, па ищи хот аңӑа нух щи вўратӑс. Щиты омсый, иы тәп хәӑнтый. Ин сємы ики па щи нарӑсъюхӑн нарӑсты питма:

– Хўв вәнт мўвн вәты вой, тӑм вәнт мўвн яңхты вой тәты утӑн тыв ат тәы, аты утӑн тыв ат аа!

Щиты щи нарӑс, щиты щи ешащ – кӑмн тура питый, кӑмн вєра питый… Имутыйн навӑрты вән сый щи сащмӑс, пусыты вән сый щи сащмӑс!!! Навӑрман вән мойпар-ики нр тўңа сємы икен хот ова щи тәсы! Ин сємы икен ёша павӑтса! Ин пўпи сӑх нух єңхсӑэ, па щи вән кев пўт муӑс. Сємы икев пўт авӑман тәп омсый, муй вантты, ўв щимӑщ ут. Щиты щи омсый, вә-вә, тәп пўт рўвтый. Омсый.

Па ин Ими-Хиэв па? ўв ищи щирӑн щухӑл ов хуща омсый, айтыева ваңкӑр юхӑн пўт эвӑт ваңкӑрмий вонщи ут. Вә-вә ваңкӑрмий. Щиты хирые па щи тєкнӑс, иы вухӑс. Ова мӑнӑс па, юхы хот ыпия сємы ике пєа вантый. Айтыева, хәсы-сыйы юхи ўңӑс. Айкємн вўты мӑнӑс па ин сємы ики нарӑсъюх ёша вўс, ким мӑнты щи сонтумӑс. Ин ай икев ким мӑнтӑ сахӑт, па ин сємы ике єтутӑң пӑсан кўрн щи хойсӑэ. Ин сємы ики атум тура щи питӑс, атум турн увты щи куь щи нармӑс:

– Тӑта па муйсӑр утӑт яңхӑт, муйсӑр утӑт шәшлӑт? єты-янщи морумӑн па ӑн мӑыюв!? Мухат вєрӑнтум путєм нр тәп ўв шәпа. Муйсӑр утам тӑта яңхӑт, муйсӑр утам тӑта вўратыйӑт?

Ин Ими-Хиылэң-ки ўве муй, нарӑсъюх аємӑс па юхи щи хәхӑман тәп тум мӑнӑс. ўв ин кўр кўра йис, ёш ёша йис щи ай икилэв. Щиты сємы аке-ики нарӑсъюх ёша павтӑс па юхы ариман-моньщман щи мӑнӑс. Щиты щи ин Ими-Хиы аке па име пиа вә, шәк па хән вантӑ. Мавӑң пӑсан, сўрӑң пӑсан ещӑт апӑт хӑт омӑсӑт, апӑт ат омӑсӑт: єӑт, янщӑт – муй нўшая питум ёх ыв!? Щи щўнь-хәӑн интӑм хӑт вәнта щи, апа, вәӑт. Щи вәӑт.

«Тӑмӑщ вєрӑт щи вәийсӑт хәнты хўв йис пурайн» – вән икиўв-имиўв вәтэн лупийӑт. Щи катра вєрӑт тӑм йисн ин моньщ юкана щи айат ёха путӑртыйайт. Йис путӑр, моньщ, муй моньщ юкан путрӑт ӑ нӑртама хән тӑйайт. Щӑта уша щи вєра, муйсӑр вәупсы йис пурайн вәс, хуты катра хӑнты ёхўв вәнт мўвен вәсӑт, хуты сахӑт йиңкев-мўвев мос, муй рӑх, муй па ӑн рӑх вєрты. Щи тухӑпи, па муты арат емӑң ясӑң, тәс ясӑң щи йис ёхўв путрӑт, моньщӑт тӑйӑт. Ма нәмӑстємн, мўңев ин тәп щивет вә-вә хәӑнтыйты мос – щит вєра әмӑщ щи йис путрӑт, моньщӑт еы тәты.