«Хӑнты ясӑӊ» газетая ванкўтӆы мир пищма китӆӑт. Амня вошӑӊ ими Нина Ефимовна Тарлина (эви опращ нєм Ер­ныхова) ар о мӑр тыв арсыр әмӑщ путрӑт китый. Тӑм товийн вуӆаӊ ӆаӆь оӆӑт оӆӑ­ӊӑн стих хӑншӑс па китсӑӆэ.

мӑӊ ӆаӆьн питум 
хӑнтєм!
Вуӆаӊ ӆаӆьн вәтшум 
ешӑк хӑнтєм!
Мир шәтши ӆыӆӑӊ, 
ӆыӆӑӊ ӛша, 
Арсыр рәтӆўв ӆыӆӑӊ 
пӑнта, 
Аӆпа, нын щив 
кӑртӑщӆӑты.
Аӆпа, нын щив 
вәйтантӆӑты.
Каврум пошхен хуты 
питӑс,
Нр турн щӑта хўвӑн 
єнмӑс.
Каврум сӑмен хутты 
вәшӑс, 
Мўв Аӊкия ма 
мосӑс.
Мирэн шәтши ӆыӆӑӊ 
ӛша,
Мирэн пәрӑнтты ӆыӆӑӊ 
пӑнта, 
Нын па ищи 
амтӑтьӆяты.
Нын па ищи 
әмщиӆӑты.
мӑӊ ӆаӆьн вәтшум 
каврум сӑмӆӑн,
Вуӆаӊ ӆаӆьн пунум 
тынӑӊ ухӆӑн,
Вәӆты мирен еӆӆы 
нәмӆа. 
Шәтши мирен еӆӆы 
тәӆы.
Мир вәӆты пӑта ухӆӑн 
пунсӑты,
Мир шәтши пӑта 
каврум 
пошӑх мўва пушӑс.
Вәӆты-хоӆты 
няврємиет,
Омӑсты-хәхӑӆты ай 
пушхиет,
Нын оӆӊӑнӑн нәмӑсман 
вәӆӆӑт. 
Нын нух аӆмӑӆтум 
вәӆупсыен вәӆӆӑт. 

Нина Ефимовна Тар­лина стихӑт «Хӑнты ми­рєм арӑт» нємуп ки­никайн ӆўӊӑтты рӑхӆ. Ӆўв єнмум мўвӆ, хӑнты мирӆ оӆӑӊӑн хӑншӑӆ.  
Ӛшӑт

Ӛш, ӛшӑт.
Арсыр ӛш – 
Вәӆӆӑт ӛшӑт,
Вантӆум ӛшӑт,
Сыр-сыр ӛшӑт хўват 
мӑнӆум
Хута хўв па хута ван – 
Мосӑӊ, вевтам, 
мосӑӊ, м.
Мӑнӆум, шәшӆум,
Тәх щос хәхӑӆмӑӆум
Иса ӛш.
Тывеӆт мӑнӆум,
Тывеӆт шәшӆум,
м нє вәйтӆум,
м хә вәйтӆум.
Тухеӆт мӑнӆум,
Тухеӆт шәшӆум,
Хута кєн, па хута ӑнтә.
Ӛшӑт.  Арсыр ӛшӑт!
Нумсєм нәмӑсман,
Ух па пунман.
Хўва нумсєм,
Хўва нәмӑсӆєм.
Ван ки нумӑсӆам – 
йира хӑйӆєм.
Арсыр ӛшӑт хўват 
мӑнӆум,
Сыр-сыр ӛшӑт хўват 
шәшӆум.
Еӆӆы вантӆум,
Еӆӆы нәмӑсӆум.
Мӑнєм мосты – тәс ӛш 
вәйтӆум,
Мӑнєм рӑхты – м ӛш 
тӑйӆум.
Ӛш. Ӛшӑт.
Арсыр ӛшӑт.
Мухты хӑтӆӑт,
Мухты мӑнӆӑт.
И ӛш, так ӛш
Сӑмєм хуща така 
хӑйӆєм,
Нумсєм хуща така 
тӑйӆєм.

Нумсӑт

Мӑнӑтты ма 
иньщӑсӆєм?
Муя ма 
вәнӆтыйӆӆум?
Нумӑс муй вәйтӆум?
Уша муй вәйтантӆум?
Ма еӆпємӑн мӑнум  
ар м мирим
Ар м нумсые 
ӆыв щи па тӑймєӆ.
Ар м тумае, ӆыв па 
щи нәмӑсмеӆ.
Ушӑӊ м нумсыйен
Нын тәс тумаен.
Мӑнєма ки мәстӑӆӑт,
Мӑнєма ки рӑхӆӑт
Хурамӑӊ арие,
Хурамӑӊ моньщие,
Ма ӆәӆн нәмӑсӆум,
Ма щирн ӆэщӑтӆум.
Ма сємӊӑӆӆам ещаӆт
Арсыр поэтӑт –
Щит муй Шульгин,
Щит муй Щэнкэп,
Щи мурт ӆўв ӛрӑӊ
Нумсӑт па тӑйс,
«Так Молупщи»  
хӑншӑс…

Владимир Волдин –  хӑнты хә вәс.

Тәс ясӑӊ па вәсӑт,
Тәс путӑр па хӑншсӑт.
Тынӑӊ м хӑнтэт,
Тынӑӊ поэтӑт!
Ӆыпєма хойс,
Сӑмєма мәстӑс,
Нын хӑм ясӊӑн,
Нын хӑм путрӑн.
Ищи мурт иньщӑсӆєм,
Муй  пӑта 
вәнӆтыйӆӆум?
Хӑнты ясӊєм 
ӆыӆ ки тӑйӆ,
Хӑнты путрим 
ӛр ки вәятӆ,
Щи пӑта нәмӑсӆум,
Щи пӑта вәнӆтыйӆӆум.

Нина Ефимовна хӑн­шум стихӑт ӆўӊӑттыйн имухты хӑр нӛрмӑт, ӆан­тӑӊ ёхмӑт сєма хойӆӑт. Ӆўв ар оӆ мӑр әмӑщ пут­рӑт хӑншӑӆ. Мўӊ, «Хӑн­ты ясӑӊ» газетайн рә­питты ёх, ӆўвеӆа вән вўща ясӑӊ китӆўв. Нина Ефимовна, йиӆуп путрӑт нӑӊ эвӑӆтана ӆавӑӆӆўв.  

Ульяна 
Молданова