Вўща вәӆаты, ешӑк хӑнты мирєм! Вантэ, хўв йистєӆн хӑнты мирев арӑӊ, моньщӑӊ. Кашӑӊ хӑннєхә ая вәӆтӑӆ вўш эвӑӆт кан ар тӑйӆ. Тӑм пўш ма хӑншум арӆӑм хӑншсум. 

Вән калн ар хә ӊхум вўӆєӊ ӛш
Ар нє наврӑӆтум ӊк ӛш 
Вән ӛш хӑр овим
Нӑӊ хуӆта вәшсӑн?
Нӑӊ хуӆта мӑнсӑн?
Ар әхӆӑӊ ӛш ха питты ӛш ов, 
Хута нӑӊ? 
Вән кал омсыйӆты хӑр
Нәмӆєм, ӛш ов хуща 
Екәр акєм хәӆум хопты кирум әхӆаӆн ӆєӆумтӑс,
Ай щащупєм, вєӊум пиӆа воша наврӑӆӆӑӊӑн
Хўв ӆєпсуп вән вәншет
Аӆпа, ӆыв ин мўӊты ӆавӑӆӆӑт.
Хәӆӑнта, вән ләӊханьщуп мӑрӑӊ сый ин па сатьӆ.
Тум тўта ай калн Илья яюм ай пух вўӆєӊ әхӑӆн наврӑӆтӑӆ
Ванта, вән вәншиӆам амӑтсӑт, 
Вўӆы хәхӑӆты щимрӑӊ сый сатьӆ. 

***
Ӆўӊ кәрт юхан ма кәртым, вўща вәӆа!
Єнмум хотєм, вўӆыӆам хәхӑтӆюм пәшас
Ащєм омсум вальщам хӑр
Тӑм тӑта вара шәшты ӛшев
Кәртые па хотые…
Вошӑӊ ики ащєм пийн 
Нӑӊ, тӑӊха, иса щира пуртӑсыйн?
Ма вантсєм хуты,
Хӑтӆӑӊ хӑтӆ вєртыйн 
Молтан икен мӑтта хиӆы
Ӆўӊ кәрт юхан пўӊӑӆн 
Әӊхи-юхи вән ратхӑр вўщитӆ,
Әӊхи-юхи вән тўт ӑӆ!

***
Касум юхан кӑрӑщ кєрӑс,
Хӑр ёхумн мӑӊ ӆупас
Ма сємєма ин па питӆ
Русєӊ ухшам пунум ими, 
Рәхӑӊ кӑти ӆўв карийӆ.

***
Молтан ики ащим кирум 
Оӊӑтӆаӆ вўтӑӊ вет хоптєм
Овӆы-патӆы вән нӛрумн 
Ӆўй ӑн кӑӆты тарум вотасн 
Вошӑӊ нє ма наврӑӆӆум,
Молтан нє ма мӑнӆум.
Ар нєӊим м кўтн шӑӊкӑп вєритӆум,
Ар хәйим м кўтн йина пакӆум.

***

Ай няврємӑта 

Акань, акань, акань,
Ӑня акань,
Аӊкаӊкєм ёнтум 
Ӑня акань,
Вўщӆум рнас 
Ӆәмтӑс ӆўв.
Нӛрум хурпи 
Ӑня акань.

***
Ай воньщпим аӆємӑӆєм,
Мәрӑх ӑкӑтты хәхӑӆмӑӆум,
Нямаӆт эвӑӆт ма ӑн пӑӆӆум,
Пєӆӊа эвӑӆт ма хунтаӆум,
Щимӑщ каркам ай эвие.