Кәща ёх вєрӑт - Политика

Вәщ тыӆӑщ 30-митн Россия мўв президент хә Владимир Путин ӑӆ мир пиӆа путӑртӑс. Ӆўв вәӆупсэв арсыр вєрӑт оӆӑӊӑн иньщӑссы.

Ар мирн коронави­рус вевтам мәш эвӑӆт пуртән ӆоньщтӑты вєр оӆӑӊӑн иньщӑссы. Мўв хо­нэв юхӆы ястӑс, хуты щи атум мәш эвӑӆт прививка вєрты мосӆ, ӆәӆн сора­шӑк щи мәш йира ат мӑнӑс. Тӑмхӑтӆ мўӊ хущева нӆ пуртән ӆоньщтӑты щир вәӆ. Щи пуртәнӑт учёной ёхн мсыева нух артаӆӑсыйт па вантсыйт. Ищиты хон хәев лупӑс, хуты ӆўв «Спутник V» нємпи пуртән ӆоньщтӑс. 

Тәняӆ оӆ тәнӆуп тыӆӑщ вўш эвӑӆт увӑс мир нємасыя Реестр тӑхия хӑншты питсыйт. Щит шуши мир вєрӑт ӆэщӑтты федеральной агенства тӑхи тәӆ. Муй пӑта щи вєр тәты оӆӊит­сы? Щи оӆӑӊӑн мўӊева «Многофункциональ­ный центр» тӑхи кәща хә В. Михайлов, округ дума депутат А. Новьюхов па «Югра ӆыӆӊуптӑты» тӑхи ух нє Л. Алфёрова путӑртсӑт. 

Лыпӑт тыӆӑщ 21-мит хӑтӑӆн Ёмвошн РИЦ «Югра» нємуп тӑхийн айкеӆ ӑкӑтты хӑннєхуятӑт округев ӆуватн пириты вєрӑт ӆэщӑтты кәща хә Денис Корнеев пиӆа вәйтантыйӆсӑт. Пирєсты вєрӑт ӆэщӑтты кәща хә ясӊӑт пийн уша йис, хуты тӑм оӆэв сўсн округев ӆуваттыйн вәӆты хӑннєхуятӑт арсыр кәщайт па депутатӑт пириты питӆӑт. Тӑм оӆн, вантэ, сўс пєлӑкн ӆыпӑт хойты тыӆӑщн ин Россия мўв хўватн пирєсты хӑтӆ пўншӆы.

Лыпӑт тыӆӑщ 17-мит хӑтӑӆн Ёмвошн айкеӆ ӑкӑтты хӑннєхуятӑт округев Общественной палата кәща ёх пиӆа вәйтантыйӆсӑт па путӑртсӑт.   

Лыпӑт єнумты тыӆӑщ 15-мит хӑтӆӑн Ёмвошн БРИКС па ШОС мўвӑт Мўвтєӆ мир XII-мит вән мирхот рәпитты оӆӊитӑс. 

Югра мўв кәща нє Наталья Комарова вўща ясӑӊ лупӑс: 

 Мўӊ щимӑщ пурайн вәӆӆўв, хән информа­ционной технологияйт мўӊ вәӆупсэв шєӊк сора еӆӆы тәӆӑт. Бразилия, Индия, ЮАР – щи мўвӑтн мєт ма искусственной интеллект вєрӑт еӆӆы тәӆыйт. 2022-мит оӆн мўӊ хущева айӆат ёх пӑта Junior IT-форум ӆэщӑтты мосӆ.

Россия мўв прави­тельства хуща анали­тической тӑхи кәща Константин Калинин ястӑс: 

Тӑм ванӑн РИЦ «Югра» хуща Госдума депутат Павел Завальный путӑртӑс. Ӆўв ясӊӑӆ закон вєрӑт оӆӑӊӑн мӑнӑс, муй вўрн йиӆуп законӑт тывӆӑт. 

Дума хуща ӆўв энер­гетика комиссия хуща лӑӊкӑр хә. Щи пӑта ӆўв энергетика вєрӆаӆ оӆӑӊӑн хўв мӑр путӑртӑс.

Вән кєр тыӆӑщ 21-митн Россия мўв пре­зидент хә Владимир Путин Федеральной соб­рания тӑхия ясӑӊ тәс. Щимӑщ вєрӑт оӆӑӊӑн путӑртӑс.

Коронавирус мәш оӆӑӊӑн

Коронавирус мәш оӆ­ӊи­тум пурайн мєт сыры мўӊ ӑн па вәсўв, хутыса еӆӆы вәӆты. Тәп президентэв лу­пӑс, хуты мўӊ иса муй вєр­ӆўв, ӆәӆн тӑм мәш йи­ра ат мӑнӑс.

Вән кєр тыӆӑщ 19-митн округ дума 51-мит мирхот вәс. Щи пурайн депутатӑт 25 вєр нух вантсӑт.

Щи мирхот пийн округ дума кәща хә Борис Хохряков, вице-спикерӑт Александр Саль­ников, Еремей Айпин па Наталья Западнова пиӆа вәйтантупсы вәс. Мєт сыры айкеӆӑт ӑкӑтты ёх округ бюджет оӆӑӊӑн иньщӑссӑт, юхӆы Б.С. Хохряков лупӑс:

Ай кєр тыӆӑщ 19-митн Россия мўвев Увӑс мирӑт ассоциация кәща ӆӑӊкӑр хә, округ дума депутат Александр Новьюхов Югорской государственной университетн вәнӆтыйӆты айӆат ёх пиӆа вәйтантыӆӑс. 

Ӆўв шуши мирӑт нє­масыя реестра нух хӑншты вєр оӆӑӊӑн ай тәс:

Тӑм ванӑн тәнӆуп тыӆӑщ 16-мит хӑтӑӆн Ёмвошн округев Общественной штаб хӑннєхуя­тӑт айкеӆӑт ӑкӑтты ёх пиӆа мирхот вєрсӑт.  Вантэ, 2021-мит оӆн Россия мув, Тюменской область, мўӊ хущева ин вәӆты вән па ай вошӑӊ дума депутатӑт муй кәщайт нємасыя хӑннєхуятӑтн пириты питӆыйт.

Щи пӑта тӑм мӑнум мир­­хотн Югра мўв общест­венной пирєсты вєрӑт артаӆӑты кәща Ирина Максимова нёхмӑс, хуты лыпӑт хойты тыӆӑщ 19-мит хӑтӑӆн 2021-мит оӆн кашӑӊ пирєсупсы вєрӑт тӑӆаӊтєӆн  22 хуятӑтн, 740 бригадирӑтн па 4,5 щурӑс ӑӆ хӑннєхуятӑтн 22 вошӑтн округев ӆуватн вантты па артаӆӑты вўянтӆыйт.