Кәща ёх вєрӑт - Политика

Щи оӆӑӊӑн Ас хӑӆты тыӆӑщ 17-мит хӑтӆӑн «Югра» нємпи айкеӆӑт ӑкӑтты тӑхийн ӊта пӑсан пурайн ӑктум мир путӑртсӑт. Щи пурайн уша йис, хуты ай кєр тыӆӑщ 17-19-мит хӑтӆӑтн Югра мўвевн 2 300 хуят пириты вєр вантман тӑйты питӆӑт.

Югра мўвевн пириты вєр вантман тӑйты тӑхи кәща нє Алсу Маганова лупӑс, хуты ин пириты вєр еӆпийн щит вантман тӑйты щира округев ӆуваттыйн нємасыя вәнӆтӑты хӑрӑт рәпитты питӆӑт.
«Независимый общест­венный мониторинг» тӑхи кәща хә Алек­сандр Брод лупӑс: 

Тӑта мосванӑн, ван хӑтӆуп тыӆӑщ 26-мит хӑтӑӆн, Ёмвошн «Югра» нємуп айкеӆӑт ӑкӑтты хотн Югра мўв кәща нє ӆӑӊкӑр ёхӆаӆ Алексей Забозлаев, вух ӆўӊӑтты тӑхи кәща Вера Дюдина, экономика тӑхи кәща Сергей Афанасьев, профпатология тӑхи вән тохтур Николай Ташланов иха округевн айкеӆӑт вєрты хӑннєхуятӑт пиӆа вәйтантыйӆсӑт па ӆыв тӑм оӆ мӑр ӆэщӑтум рәпатайӆаӆ оӆӑӊӑн путӑртсӑт. 

Округ дума кәща хә Борис Хохряков мирхот вєрӑс. Уша йис, тӑм оӆн депутатӑт вән мирхотн 11 пўш ӑктыйӆсӑт. Щи мӑр мосты вєрӑтн 370 поступсы па 120 закон вўсӑт. 
Дума кәща хә Борис Хохряков путӑртӑс: 

Югра мўв хотӑт омӑсты вєрӑт тәты департамент кәща хә Матвей Каров Ас потты тыӆӑщн 28-мит хӑтӆӑн карты щўӊкӑт мухты округ мирев ещаӆт путӑртӑс, муй вўрн департамент хуща тӑм оӆ мӑнӑс, муйсӑр нумӑсн еӆӆы вәӆты питӆӑт. Щи путӑр пийн Югра хуща вәӆты мирев иньщӑсты ясӊӑт тӑйсӑт. Мирев хотӑт омӑсты па хотӑтн вәӆты вєрӑт оӆӑӊӑн иньщӑссӑт. Кәщаев щи иньщӑсум вєрӑт оӆӑӊӑн юхӆы путӑртӑс.

Матвей Игоревич путрӑӆ оӆӊитсӑӆэ вән пәӆьница хот омсум тӑхи эвӑӆт: 

Ван хăтӆуп тыӆăщ 14-мит хăтӆăн Россия мўв кәща ики Владимир Путин айкеӑт ӑкӑтты ёха тăм оӆн тывум арсыр вєрăт оӆӑӊӑн путӑртӑс. Нӆ щос па нӆ минута мӑр Россия ӆуваттыйн рәпитты окружной, республиканской па федеральной айт ӆэщăтты тăхет эвӑт юхтум ёх кәщаев эвăӆт 67 арат вєр оӆӑӊӑн иньщӑссăт.

Щиты вуӆаӊ кәщаев лупăс, 2023-мит оӆн Россия мўв хўват­тыйн рәпата ӑн тăйты ёх 2,9 процент арат тәп нух хăншман вәӆ. Щит вєра вән амăт, вантэ, и­ха катӆăсман тăм нўша тўӊматты вєритсы.

2024-мит оӆн рәпитты хăннєхә тыӆăщ мăр ёша вўты вух нивӆ процента єнумӆ.

Оӆэв хуӆаты еӆпийн Ёмвошн кӑт ӑктупсы вәс. Ван хӑтӆуп тыӆӑщ 13-мит хӑтӆӑн Югра дума хуща вәӆты ассамблея 21-мит ӑктупсы вәс. Ӛхӑт хӑтӆ па ищи ван хӑтӆуп тыӆӑщн 14-мит хӑтӆӑн округ дума 27-мит ӑктупсы вєрӑнтсы.

Щи оӆӑӊӑн округ рәпата вєрӑт тәты департамент кәща хә Роман Белкин онлайн щирн ӆэщӑтум мирхот пурайн ястӑс. Щит округ вәӆупсы ӆэщӑтты тӑхи редактор нє Альбина Волкова тәс. Роман Белкин лупӑс, муй щирн округев хӑннєхуятӑта рәпата мӑты вєр ӆэщӑтман вәӆ:

 Тӑм оӆ Югра мўвевн рәпата ӑн тӑйты ёх шим­ӆа йис – 0,29%, щиты Рос­сия мўвев ӆуваттыйн мўӊ нӆмит тӑхийн вәӆӆўв. Щи вєр мўвтєӆ мир рәпата ӆэ­щӑтты тӑхи ёх щирн, мўӊ округев 10-мит тӑхийн вәӆ. Интӑм «Работа в России» портал хуща 23 щурӑс рәпата оӆӑӊӑн хӑншман вәӆ.

Ас потты тыӆӑщ 28-мит хӑтӆӑн вәнӆтӑ­ты вєрӑт тәты департамент кәща хә Алексей Дренин онлайн щирн рәпата вєр­ӆаӆ оӆӑӊӑн путӑртӑс, округ мир иньщӑсупсэта ястӑс.

Оӆӊӑӆн ӆўв путӑртӑс, хутыса 2023-мит оӆ мӑнӑс, муйсӑр йиӆуп вє­рӑт тӑм оӆн тывсӑт:

Ас потты тыӆӑщ 23-мит хӑтӆӑн он­лайн щирн Югра социальной развития де­партамент тӑхи кәща ӆӑӊкӑр нє Светлана Круглова пиӆа вәйтантупсы вәс. Ӆўв тӑм оӆ мӑнты рәпатаеӆ оӆӑӊӑн путӑртӑс. 

Щи оӆӑӊӑн вән мирхотн уша павӑтсўв, хута округ кәща нє Наталья Комарова путӑртӑс, хутыса правительстваев тӑм 2023-мит оӆн рәпитӑс, муйсӑр йиӆуп вєрӑт тӑм оӆн округевн тывсӑт. Мирхот Ас потты тыӆӑщ 28-мит хӑтӆӑн округ дума 26-мит мирхот пурайн вәс.

Щи мирхот еӆпийн округ кәщаев Юг­ра мўвев хўваттыйн иса вошӑта ӊхӑс, мир пиӆа вәйтантыӆӑс. Щӑта уша павтум вєрӑт оӆӑӊӑн ӆўв интӑм мирхотн путӑртӑс. Округ мир пӑта щит шєӊк мосты вєрӑт.