Кәща ёх вєрӑт - Политика

Ямал мўва тӑм юхи хӑщум хӑтӆӑтн Югра, Тюменской область па Республика Саха (Якутия) кәщайт нємасыя юхтыйӆсӑт па сыр-сыр рәпата ӆэщӑтты щирӑта вәнӆтыйӆсӑт. Ӆыв кўтэӆн щӑта вәсӑт:  губернаторӑт Руслан Кухарук, Александр Моор па Айсен Николаев.

Ас потты тыӆӑщ 24-мит хӑтӆӑн Ёмвошн округ дума 37-мит мирхот вәс. Тӑм мирхотн округ кәща хә Руслан Кухарук па вәс. Ӆўв округ правительства хущи йиӆпа рәпитты питум ӆӑӊкӑр ёхӆаӆ ванӆтӑс па ӆӑӊхас иха катӆӑсман мєт хӑрщия Югра мўвн вәӆты мир пӑта рәпата тәты.

Еӆӆы депутатӑт итәх поступсэт йиӆпатты па вўты щира 18 вєр нух вантсӑт.

Щит Югра мўв дума па Луганской Народной Республика пиӆа ёш пос пунум нєпек оӆаӊӑн вєр.

Лыпӑт хойты тыӆӑщ 24-26-мит хӑтӆӑтн Ёмвошн округ дума мирхот вєрӑнтсы. Щи еӆпийн дума комитетӑт па Увӑс мирӑт Ассамблея ёх ӑктӑщийӆсӑт, ӆәӆн правительства ёх хәӆӑнтты па мосты вєрӑт нух вантты. 

Лыпӑт хойты тыӆӑщ 8-мит хӑтӆӑн Ёмвошн округ дума 35-мит мирхот вәс. Щӑта депутатӑт Югра мўвев кәща пирисӑт.

Россия мўвев Пре­зидентӑн Владимир Путинӑн хәӆум хуят Югра мўвев кәщая йиты щира павӑтсы, щит Югра кәща кана вәӆты хә Руслан Кухарук, КПРФ фракция кәща хә Алексей Савин­цев па «Справедливая Россия» фракция кәща, «Югранефтегазразведка» тӑхи кәща хә Михаил Сердюк.

Тӑм оӆ оӆӊитум вўш эвӑӆт Югра мўвевн «Добро­слу­жа­щий» вєр тәты питсы.

Щит хән государ­ствен­ной па муни­ци­пальной кәща тӑхет рәпатнекӑт кӑт ӆапӑт мӑр Гумкорпус тӑхийн волонтёра вәӆӆӑт па хӑннєхутӑта нётӆӑт. Ӆыв СВО тӑхия ӆєтут тәӆӑт, щӑта ӆєтут кавӑртӆӑт па щӑта вәӆты ӑӆ мира орт­ӆӑт, госпиталят хущи ӆаӆь хӑрӑтн мәшмӑӆтум хуят­ӆўва нётӆӑт, шукатум хо­т­ӑт йиӆпа омӑсӆӑт па па арсыр мосты вєрӑт вєрӆӑт. 

Оӆ оӆӊитум вўш эвӑӆт щив 500-кєм хуят, ӆыв кўтэӆн вош кә­щайт, депутатӑт па сыр-сыр департаментӑт кәща ёх ӊхсӑт.

Сўмӑтвоша ӊхмаӆн округ кәща кана вәӆты хә Руслан Кухарук щӑта вәӆты хӑннєхуятӑт пиӆа вәйтантыӆӑс. Ӆыв сыр-сыр мосты вєрӑт оӆӑӊӑн путӑртсӑт, мӑта утӑт район хўваттыйн ӆэщӑтӆыйт. Щит мир мӑӆты вєрӑт, айӆат ёх пӑта пўншты йиӆуп тӑхет, вўӆы тӑйты ёх рәпата па вәӆупсы щирӑт. 

- Хутыса район еӆӆы вәӆты питӆ, муйсӑр вєрӑт мєт оӆӑӊӑн ӆэщӑтты мосӆ, щи оӆӑӊӑн щӑта вәӆты хуятӑт ат путӑртӆӑт. Мўӊ, кәща ёх, рәпатаев – щит щиты вєрӑт тәты, ӆәӆн щи нумсӑт, щи путрӑт щирн иса вєрӑт ат тывсӑт, – лупӑс Руслан Кухарук.

Тӑм ванӑн ӆыпӑт тыӆӑщ 27-мит хӑтӑӆн округев Дума хотн 34-мит мирхот мӑнӑс. Сырыя иха ӑктӑщум хӑннєхуятӑт еӆпийн Югра Дума кәща Борис Хохряков путӑртӑс, хуты тӑмхӑтӆ араттєӆн 34 депутат тыв юхтӑс па щи ёх тумпийн тӑм вәйтантупсыйн округев кәща кана вәӆты хә Руслан Николаевич Кухарук, правительства па мўвев ӆуватн кәщаита вәӆты хәйт па нєӊӑт хуӆыева тӑм вуӆаӊ мирхота юхӑтсӑт па тӑтӑ айкеӆӑт вєрты питӆӑт.

Мєт оӆӑӊ ясӑӊ тӑм мирхотн округев кәща кана вәӆты хәя Р. Кухарука мӑсы. Ӆўв иха юхтум депутатӑт еӆпийн тӑмиты лупӑс: 

Тӑта мосванӑн лыпӑт тыӆӑщ 25-мит хӑтӑӆн Югра мўвевн округев Дума хотн шуши мирӑт Ассамблея ёхӆўв депутатӑт 26-мит мирхот ӆыв кўтэӆн вєрсӑт. Сырыя иха ӑктӑщум арсыр тӑхетн рәпитты вән кәщайт еӆпийн оӆӑӊ ясӑӊ Дума хот кәща ӆӑӊкӑр хә Еремей Айпин тәс па лупӑс, хуты тӑм хӑтӑӆн ӆыв йиӆуп поступсэт щирн, мӑта утӑт закона еӆӆы вўты нәмӑсӆӑт,  путӑртты питӆӑт па артаӆӑӆӑт, муйсӑр проект унтасн еӆӆы машӑк округев ӆуватн шуши мирӑт вәӆты-хоӆты щирӑт ӆэщӑтты.

Лыпӑт єнумты тыӆӑщ 14-мит хӑтӆӑн округ дума хуща онлайн щирн хәӆум дума, щит Тюменской, Югра па Ямал мўвӊӑн депутатӑт, 36-мит пўш иха вәйтантыйӆсӑт.

Ас нопӑтты тыӆӑщ 28-мит хӑтӆӑн округ ду­майн шуши мир ассамблея 25-мит мирхот вәс, щӑта вет вєр нух вантсы.

Мєт сыры округ оса тӑхи кәща нє А. Ва­ганова ай тәс. Ӆыв ху­щеӆа рәпитты арсыр мир комиссия ёх шуши мир нўшайт тўӊматты щира 126 вєр оӆӑӊӑн арсыр кәщайта нєпекӑт китсӑт па ӆыв нух вантӆӑт па тўӊматӆӑт.