Кәща ёх вєрӑт - Политика

Щи оӆӑӊӑн округ дума кәща хә Борис Хохряков айкеӆӑт ӑкӑтты хуятӑта лупӑс. Мӑнум оӆ мӑр ӆыв 11 мирхот вєрсӑт, щӑта 160 йиӆуп поступсы па 440 постановления нєпек вўсӑт.

- Тӑм оӆ мєт оӆӑӊӑн мўӊ щимӑщ поступсэт ӆэ­щӑтыйӆсўв, мӑта утӑт хўват ӆаӆя мӑнум хәята па ӆыв хотӑӊ ёхӆаӆа мосты вєрӑтн вухн нётты рӑхӆ. Щи тумпи шимӆ тыӆӑщ вух тӑйты семьяйта па мәшӑӊ ёха нётты щира ищи мосты поступсэт вєрсўв. Ма щирємн, мєт м, хуты мўӊ мўвевн вәӆты па ма па тәса рәпитты ёх интӑм «Герой Югры» па «Заслуженный труженик Югры» вуӆаӊ нємӊӑнӑн мӑты питӆыйт, – лупӑс Б. Хохряков.

2022-мит оӆ сухӑнты кємн ван хӑтӆуп тыӆӑщ 26-мит хӑтӆӑн округ кәща нє Наталья Комарова пиӆа «прямой эфир» вєр ӆэщӑтыйӆсы. Щӑта «Год взаимопомощи в Югре: планы и предложения 2023» вєр оӆӑӊӑн путӑртсы. Щи вәйтантупсы интернет хўват вєрман вәс па округев вошӑтн па кәртӑтн вәӆты мир арсыр нётупсы вєрӑт ӆэщӑтты оӆӑӊӑн губернатор нєӊев пиӆа путӑртсӑт.

Ван хӑтӆуп тыӆӑщ 10-мит хӑтӆӑн Ёмвошн мирхот вәс, хута вўӆы ӆавӑӆты вєр оӆӑӊӑн ясӑӊ мӑнӑс. Щӑта округ кәща ӆӑӊкӑр хә Алексей Забозлаев, округ дума депутатӊӑн Еремей Айпин па Татьяна Гоголева, арсыр департаментӑт кәщайт вәсӑт. Ӆыв мирхотн Касум па Саранпаульской вўӆы ӆавӑӆты тӑхеӊӑн па кан вўӆы тӑйты ёх оӆӑӊӑн путӑртсӑт.

Хутыса тӑм 2022-мит оӆн вўӆы ӆавӑӆ­ман вәӆты тӑхет нётсыйт, щи оӆӑӊӑн путӑртӑс про­мышленность департа­мент кәща ӆӑӊкӑр хә Семён Наумов:

Тӑм ванӑн Ас пот­ты тыӆӑщ 23-мит хӑтӑӆн Ёмвошн ок­ругев ӆуватн вәӆты айкеӆ ӑкӑтты хӑн­нєхуятӑт Югра мўв кәща нєӊев Наталья Владимировна Кома­рова пиӆа иха вәй­тантыйӆсӑт па пут­рємӑсӑт. 

Сырыя ӑктӑщум хәйт па нєӊӑт еӆпийн ок­руг кәщаев вўща ясӑӊ тәс па тӑмиты лупӑс: 

- Ешӑк хӑннєхуятӑт, шєӊк м, хуты нын арсыр ай кәртӑт па вән вошӑт эвӑӆт тӑмхӑтӆ ма пиӆє­ма вәйтантыйӆты тыв юхӑтсӑты!

Тӑм ванӑн «Луима сэрипос» нємпи вухаӆь мир газетайн рәпитты айкеӆӑт ӑкӑтты нє Людмила Теткина Сўмӑтвоша ӊхӑс па район кәща Павел Владимирович Артеев пиӆа вәйтантыӆӑс па путӑртӑс. Мосӆ лупты, тӑм хә сыры оӆӑтн Саранпауль кәрт кәщая вәс. Ӆўв лупӑс, Сўмӑтвош районӑн ар нўша вәӆ, щитӑт ӆыв иха рәпитты ёхӆаӆ пиӆа тўӊматӆӑт. Ин ӆўӊтаты, муй ӆўв щи тумпи Увӑс район вәӆупсы па суртӑт оӆӑӊӑн ястӑс.

Ас потты тыӆӑщ 9-мит хӑтӆӑн Ём­вошн округ дума 13-мит мирхот пурайн губернатор нє На­талья Комарова Юг­ра мўв вәӆупсы оӆӑӊӑн путӑртӑс.

Мєт сыры Н.В. Кома­рова лупӑс:

Ас потты тыӆӑщ 22-мит хӑтӆӑн Ёмвошн шуши мирӑт ассамблея мирхот вәс. Щӑта депутатӑт Еремей Айпин, Татьяна Гоголева, Руслан Проводников, арсыр департаментӑт кәщайт ӑктӑщийӆсӑт.

Мирхотн хәӆум вєр оӆӑӊӑн путӑр мӑ­нӑс. Оӆӊӑӆн вухӑт ортты департамент кәща ӆӑӊ­кӑр нє Светлана Попкова путӑртӑс, муй арат вух ок­руг бюджет эвӑӆт 2023-мит па еӆӆы 2024-2025-мит оӆӑтн шуши мир вә­ӆупсы ӆыӆӊуптӑты вєрӑ­та сухуптӑӆы. 

Югра мўвев кәща нє Наталья Комарова Ас потты тыӆӑщ 3-мит хӑтӑӆн карты щўӊк мухты Нуви сӑӊхум район хуща вәӆты мир пиӆа путӑртӑс. Ӆўв ясӑӊӆаӆ щирн, щи район хуща вәӆты ай вошӑтн тӑм оӆн вет рўтьщӑты хурамӑӊ м хӑр лот ӆэщӑтсы.

Щӑӆта па Югра мў­вев кәща нє лупӑс, мӑтты тӑм рәпата ма вєрсӑт тӑм мўвн вәӆты ай па кўтуп бизнесн рәпит­ты ёх, щи киньща па тӑта кан щира рәпитты ёх вух ёша павӑтсӑт.
Тӑм вәйтантупсыйн На­талья Комарова лупӑс: 

Васы мӑнты тыӆӑщ 27-мит хӑтӆӑн округ дума 12-мит мирхот вәс, щит дума кәща хә Б.С. Хохряков тәс. Мирхот пурайн депутатӑт 31 вєр вантсӑт. Тӑм ванӑн Югра мўв оса тӑхийн йиӆуп 15 хуят пирисы, щирн тӑмхӑтӆ депутатӆўв щи вєр оӆӑӊӑн поступсы вўсӑт. Щи ёх хәӆум оӆ рәпитты питӆӑт.

Тӑмхӑтӆ округ бюд­жет тӑм оӆ па 2023-2024-мит оӆӊӑн пӑта ищи нух вантсы. Тӑм оӆн бюджетэв 13,4 милли­ард шойт вуха вәна йиӆ, 2023-мит оӆн – 135 миллион па 2024-мит оӆн – 65,2 миллион шойт вухн єнмӑӆ.

2022-мит оӆн лыпӑт хойты тыӆӑщ 29-мит хӑтӆӑн Ёмвошн округ дума 11-мит мирхот вєрсы. Депутатӑт 50 муӆтас мосты вєр нух вантсӑт.