Айкеԯӑт - Новости

Ай кєр тыӆӑщ 1-2-мит хӑтӆӊӑнӑн Ём­вошн вўӆєӊ ёх пӑта IX-мит пўш кӑсупсы ӆэщӑтӆы. Ӆыв округ кәща нє Кубок хо­ӆум­ты щира кўтэӆн теория па практика щирн кӑсты питӆӑт. 

Ай кєр тыӆӑщ 1-мит хӑтӆӑн «Югра-Экс­по» хотн вўӆєӊ ёх ванӆ­тӑӆӑт, хутыса Увӑс мўв вўӆэт анатомия, физио­логия, зоогигиена щирн ӆавӑӆты мосӆ. Щи вєрн ӆыв иньщӑсупсэта ястӑты питӆӑт. Щи хӑтӆӑн ӆыв хущеӆа Россия мўвев Минсельхоз ветеринария департамент ёх па округ ветеринарной служба хуятӑт юхӑтӆӑт. Щӑӆта вўӆєӊ ёх вәнӆтӑӆыйт, ху­тыса вўӆэт щолӑт вант­ман тӑйты мосӆ.

Югра мўвн тови кăсупсы оӆӊитсы

Округ мир творчества хот рәпатнекăт вурӊа имев мăӊхăтӆ вўраӊăн «Окружной весенний эт­нофест» нємпи кăсупсы оӆӊитсăт.
Щиты Ас хăӆты тыӆăщ 22-мит хăтӆ вўш эвăӆт Ай кєр тыӆăщ 22-мит хăтӆ вәнта Югра мўв ӆуваттыйн арăӊ-якăӊ ёх эвăӆт кўтэвн кăсты щира вохты нєпе­кăт ӆавăӆты питӆыйт. Кăт вєрӊăн хўват вохты нєпек китты рăхӆ:

 «Тор сый» нємпи арăӊ вєр;
 «Вурӊая мойӆупсы» нємпи шўкщăты ёх кўтн хурасăӊ кăсупсы. 

Мўвтєӆ «Хăтӆ хўват вәӆты мир» нємуп финно-угорс­кой кăсупсы оӆӊитсы

Ай кєр тыӆӑщ 1-2-мит хӑтӆӊӑнӑн Ём­вошн вәӆты вўӆы ӆа­вӑӆты ёх ӑкӑтӆыйт.

Югра мўвевн рәпатайӊ ёх больничной вухӑт па 1,5 оӆ ӆуват вәнты ай няврєм пиӆа юӆн омӑсты ӑӊкет-ащет тыӆӑщ вухӑт 2024-мит оӆн 49% вәншӑка йисӑт.

«Пенсионный фонд России» па «Фонд со­циального страхо­вания» тӑхеӊӑн ха пиӆтӑщмеӆ пийн мирев сыры вәӆты Пенсионной Фонд иты страховой вухӑтн мӑӆыйт. Щирн интӑм больничной па ай няврєм пиӆа юӆн омӑсты пӑта тыӆӑщ вухӑт вәншӑка йисӑт. 

Ас хăӆты тыӆӑщн 31-мит хӑтӑӆн РИЦ «Югра» тăхийн Югра мўв Росгвардия кәща Евгений Симаков айт ӆэщăтты нєӊăта-хәйта айкеӆ тәс, хутыса ӆыв 2023-мит оӆн рәпитсăт. 

Щиты Евгений Ев­геньевич лупăс, хуты мăнум оӆн ӆыв 1100 атум вєр оӆăӊăн уша вєр­ты нётсăт. Щи кўтн ӆоӆмах вєр, нӑртамӆы юӆн тăйты пушкан эвăӆт єсăӆты нёӆăт па пушканăт, хăннєхә ӛрн катӑӆты вєр па па атум вєрăт. 

Ёмвошн рәпитты Россия социальной фонд тӑхи кәща ӆӑӊкӑр нє Ольга Галюк РИЦ «Югра» тӑхийн айкеӆӑт хӑншты па тәты ёх пиӆа вәйтантыӆӑс. Щӑта ӆўв путӑртӑс, муй тӑм 2024-мит йиӆуп оӆн социальной вєрӑт әхтыйн па щира питӑс. 

Оӆӊӑӆн ӆўв иньщӑс­сы, муй тӑм оӆ ок­ругн вәӆты мир пӑта со­циальной вєрӑтн па щира ӆэщӑтӆы.

Тӑта мосванӑн мўӊ округев хуща служитты Росгвардия ёхӆўв нємасыя рәпатаеӆ щирн рәт мўвӆаӆ тӑйты хӑнтэт пиӆа арсыр ай вәнт кәртӑтн вәйтантыйӆсӑт па мирхотӑт вєрсӑт. Щитӑт мӑнум пурайн ӆыв щимӑщ айкеӆ шуши мирӑта тәсӑт, хуты па муй щирн тӑм йисн пушканӑт ёша павӑтты рӑхӆ. 

Вантэ, кашӑӊ оӆ мӑрн щи пӑта Россия хон пєлӑк мўвевн арсыр йиӆуп поступсэт тывӆӑт. Щимӑщ вєрӑт пӑта хӑнты ёхӆўва ищи мсыева уша вєрты мосӆ, муйсӑр законӑт еӆӆы вєрсыйт, ӆәӆн пушкан тӑм йисн ӆәтты па вой веӆпӑс щирн еӆӆы тӑйты.

Касум вошн вәӆ­ты няврємӑт пӑта киникайт ӆўӊӑтты хотн Светлана Ива­новна Рандымо­ва «Рәт ясӑӊ» нємпи вєр тәӆ. 

Щӑта няврємӑт рәт ясӑӊа, хӑнты мирев йис вєрӑта вәнӆтӑӆыйт, вў­ӆы сух, сорт хўӆ сух, тун­ты эвӑӆт арсыр пур­мӑсӑт вєрӆӑт. Тӑм ва­нӑн «Рәт ясӑӊ» хотн «Иль­бигортская» па «Нярса» общинайӊӑн ёх пуш­хиет тунты сыстамтты па тунтыйн хурамӑт хӑнш­ты вәнӆтӑсӑт. Пу­хиет х пиӆа рәпитты вәнӆтӑсыйт. Щиты ай­тєӆн няврємӑт хӑнты щирн єнмӑӆӆыйт.

Путӑр хӑншӑс: 
Надежда Новьюхова

Йиӆуп 2024-оӆ тывтыйн Россия хуща 7,5% ӆєты-ньщты пӑта тӑрумты вух арашӑк йиӆ. Щи вухӑт ара вум пӑта мира нётӑсты мӑты вухӑт ищи арашӑк йиӆӑт, ёх аршӑк вух ёша павӑтӆӑт.

Тӑм ванӑн Ёмвошн Профессиональной патология центр хот кәща хә Николай Ташланов лупӑс, хуты тохтурӑт вән машинайн округев хўваттыйн мир лекщитты па вантты щирн мӑнсӑт.

2022-мит оӆ вўш эвӑӆт ай кәртӑтн вәӆты мир мӑӆты щира кӑт пирката тохтурӑт ӊхӆӑт. Н. Ташланов лупӑс, хуты мир тӑӆаӊа вәӆты вєрӑт тәты департамент ёх нєпек хӑншсӑт. Щи нєпек посн тӑм тӑӆ мӑр леккӑрӑт хәт районӑтн 40 кәртӑтн вәӆты мир нух вантӆӑт.