Айкеԯӑт - Новости

Тӑм оӆ Ас хӑӆты тыӆӑщ 23-мит хӑтӆӑн округ кәща хә Руслан Кухарук рәпатайӆ щирн Сў­мӑтвоша ӊхӑс. Щӑта ӆўв район пәӆьницая ӆуӊтыӆӑс, мӑта хот йиӆпатты пийн ӆўӊӑн вәйт ӆор тыӆӑщн пўншсы.

2025-мит оӆн ок­ругевн кӑт вуӆаӊ мӑӊхӑтӆ постӑты питӆўв. Ас нопӑтты ты­ӆӑщн Вуӆаӊ Оте­чественной ӆаӆьн нух питум хӑтӆ вўш эвӑӆт 80 оӆа йиӆ. Ван хӑтӆуп тыӆӑщ 10-мит хӑтӆӑн 95 оӆа йиӆ щи пура вўш эвӑӆт, хән Ёмвош округев тывӑс. 

Россия мўвев кәща Владимир Путин 2025-мит оӆ «Мўвев ӆа­вӑӆты ёх оӆа» аӆьсӑӆэ. Юг­ра мўвев кәща Руслан Кухарук тӑм оӆ «Йис вє­рӑт нәмман тӑйты оӆ» нємн пунсӑӆэ.  

Ма нємєм Илья Ребась, ма Шурышкарской район Мужи вошн вәӆӆум, Ямало-Ненецкой автономной ок­руг хуща. «Живун» нємуп природно-этнографической парк-музей хуща рәпитӆум, щит Ханты-Мужи кәртӑн. Ма – хӑнты. Вухаӆь ёх кӑӆы сємие ищи тӑйӆум. Щитӑт эвӑӆт мӑнєма вєра юрӑӊ!

Хуӆам 2024-мит оӆн ма Югра мўвн вәсум! Ӆыпи нумсємн па сӑмємн хӑщсӑт щи мув ёх, хурамӑӊ вәнт пайт па Ёмвош! Ма уша вєрсум, щӑта рәт ёхӆам вәӆӆӑт! Щӑта ма ӆәхсӑт тӑйӆум, и вєрӑт щира рәпитты ёх, ин па рәт ёхӆам щӑта вәӆӆӑт.

Ным Юӊки щарас эвӑт, Кев вўр мўвӑт, Ас тай моса йис пра хӑнтэтна нэмна нэмӑтман тӑйӆаят, касӆыман, веӆпӑсӆаман. 
Еӆащ Турам партам мойӆам мўвна хӑнты х­самӑӊ ныӊӑт йонтам йаӆ еӆащ ат ныӆа. Хӑнты ёх рут мўвӆаӆна вещкат хӑнты ясӑӊна, хӑнты нмӑсна, хӑнты щирна уӆты!

Юлия Накова,
хӑнты мир айкеӆӑт ӑкӑтты нэ
 

Йиӆпа йиты Йиӆуп оӆн, 
Йиӆпа шәшты Йиӆуп оӆн,
Сӑмн тӑйты м нумсыет, 
пухӑӆ хўви ар нумсыет, 
Ӆыв ат йинмийӆӆӑт!

Тәрум ащев нуви хӑтӆӑт, 
Хӑтӆ най ӑӊкев хӑтӆӑӊ хӑтӆӑт
Ӆыв ат похныийӆӆӑт!

Еӆӆы шәшты пайӆы пӑнтӑт, 
еӆӆы мӑнты пайӆы ӛшӑт,
Йиӆуп нумсӑт ями пиӆа, 
йиӆуп ӛрăт ями пиӆа,
Еӆ нын вўншийӆӑты!

Татьяна Молданова

Йиӆуп оӆ хӑтӆӑт пос­тӑты артӑн м вўща ясӊӑт нынана лупӆўв!
Йиӆуп оӆн рәт Увӑс мўвев нынана уй ат тәӆ! Вўрты воньщумут вәнши ёхмӑтн, тынӑӊ хўӆ Асн, вўӆы ӆант вўӆы щӑхрӑтн ар ат вәӆ!
Рәт Увӑс мўвев нынана м па сӑмӑӊ вәӆупсы ат мойӆӑӆ! Хурамӑӊ аӆӑӊ хәньӆь ат хәтӆӑӆ, нуви ӆоньщ ат питӆ па м нумӑсн ат юхӑтӆыйты!
Йиӆуп оӆн нын Наятн-Вәртӑтн ат ӆавӑӆӆыйты! Тӑ­ӆаӊ ёш, тӑӆаӊ кўр!

«Хӑнты ясӑӊ» па «Луима сэрипос» 
газетайӊӑн хущи рәпитты ёх 
па кәща нє Надежда Алексеева

Округев депутатӑт мевӆ хӑры вўш эвӑӆт нынана тӑм Йиӆпа юхтум оӆ пиӆа м вўща ясӊӑт китӆум па ӆӑӊхаӆум лупты, тӑм мӑӊхӑтӆ арсыр әмӑщ па тәс вєрӑт нын вәӆты-хоӆты щирӆана еӆӆы тәты вєритӆ! 

Ма щирємн, тӑм хӑтӆӑтн нын мсыева арсыр рәпа­та вєрӆан эвӑӆт рўтьщӑ­ты щир тӑйӆӑты, хоттєӆ ёхӆан пиӆа вәйтантыйӆ­ты, путрємӑты, сыр-сыр ны­нана мосты вєрӑт юӆн тўӊщирӑӊа вєрты. Еӆӆы вәӆупсы пӑта арсыр тәс па м нумсӑт уша вўты щир тӑйӆӑты, ӆәӆн йиӆпа питум оӆн ма вәӆты-хоӆты!

Йиӆуп 2025-мит оӆ пиӆа!

Хуӆам оӆэв мӑӊхӑтӆӑт, хуӆам оӆэв тарум вєрӑт нумӑса ки питӆӑт, мўӊ иса пўш вәӆэв, мўӊ мўвев мєт вән тащ, Югра мўвев мєт вән тащ – щит сӑмӑӊ па вещкат мирев, щит ӛрӑӊ па апрӑӊ мирев, щит м нумӑсн вәӆты мирев.

Ван хӑтӆуп тыӆӑщ 10-мит хӑтӆӑн Нуви сӑӊхум район Касум вошн кӑт мӑӊхӑтӆ постӑсы – округ мӑӊ­хӑтӆ па Касум вош мӑӊхӑтӆ. Щи хӑтӆӑн щӑта  «Югра – ма рәт мўвєм» нємпи етн­хот вәс. 

Кўлуп хота вошӑӊ мир юхӑтсӑт. Ну­ви сӑӊхум вош эвӑӆт район кәща ӆӑӊкӑр хә А.В. Ойнец юхтыӆӑс. Алек­сандр Валерьевич вў­ща ясӊӑт па м, хошум ясӊӑт лупӑс. Ӆўв путӑртӑс, мўӊ районэвн шуши мира вәӆупсы мӑӆты щира муйсӑр йиӆуп м вєрӑт тывсӑт. Лупӑс, Касум вошн нуви вән йиӆуп хот омсӑлсӑт, щӑта кӑтхущъяӊ семья вәӆты питӆ. Щӑӆта Касум вошн йиӆуп ка­нализационной щўӊк вєрсӑт.

Ван хӑтӆуп тыӆӑщ 9-мит хӑтӆӑн Россия мўвевн «Нух питум ёх хӑтӆ» нємуп нәмты хӑтӆ постӑӆы.  

Щи хӑтӆӑн Касум вошӑӊ мир кев хо­нӑӊӑн ӑктӑщийӆсӑт, рўщ щирн «минута молчания» вєрсы. Кашӑӊ хӑннєхә ӆўв рәтӆаӆ нәмӑӆмӑс, мӑта хәйт-нєӊӑт арсыр ӆаӆь хӑрӑтн пӑратсыйт. Щӑӆта вошӑӊ ёх няврємӑт кев хураса хурамӑӊ лыптӑт пунсӑт.   

Кўлуп хотн «Касум ёх нәмӆӑт ӆаӆясты хуят» нємуп ванӆтупсы ӆэ­щӑтман вәӆ. Щӑта ихтум солдат ху­рӑт рәтӆаӆ ванӆтупсы ӆэ­щӑтум ёха китсӑт. Касум ёх ӆа­ӆяс­ты хуятӑт нәмӆӑт. Щит еӆӆы пєӆа мсыева вә­ӆупсы щирӑт ӆэщӑтты хӑннєхуятӑт!