Айкеԯӑт - Новости

Хӑнты ясӑӊ

Хән хәӆӆум ма 
хӑнты ясӑӊ, 
Ищимет хәтӆумтӑӆ най…
Ӆоньщ кєша сот 
нєм ӆўв тӑйӆ,
Сот щирн нӛхӑмӆа 
йиӊкен…

(Роман Ругин)

Ван хӑтӆуп тыӆӑщ 11-мит хӑтӑӆн Ёмвошн Экспоцентр нємуп тӑхийн XXX-мит пўш «Югра мўв тынєсты-ӆәтӑсты хӑр» мӑнӑс. Ӆыв щирӆаӆн рәпитты хӑннєхуятӑт ван хӑтӆуп тыӆӑщ 11-мит хӑтӆ вўш эвӑӆт па иса 14-мит хӑтӆ вәнты щив сыр-сыр ӆєтутӑт еӆ тыныты пӑта тәсӑт, щит арсыр хотӑӊ войт нюхет, Ас па юхан хўӆӑт, воньщумутӑт, єпӆӑӊ мӑвӑт, єсум йиӊкӑт па ар щирн паӆум нянят. Тӑмӑщ тынєсты-ӆәтӑсты хӑр тӑм кўтн округев 95-мит оӆа питум мӑӊхӑтӆа вән кәщаитн нємасыя кантсы.

Ван хӑтӆуп тыӆӑщн Ёмвошн «Югра» нє­муп тӑхи хуща айкеӆӑт ӑкӑтты хӑннєхуя­тӑт «Югорский центр профессиональной па­то­логии» тӑхи вән тохтур, округ Ду­ма депутат Николай Ташланов пиӆа вәй­тан­тыйӆсӑт. 

Сырыя вән тохтур ики айкеӆ вєрӑс, муй щирн тӑм юхи хӑщум оӆн хӑннєхә мәшӑт мӑӆты «Николай Пирогов» тўтӑӊ хоп округев ӆуватн сыр-сыр ай кәртӑта ӊхӑс па кӑши-мәш тӑйты ёх арта­ӆӑс. Щӑӆта ӆўв путӑртӑс, мәш мӑӆты тӑхеӆн вәӆ­ты тохтурӑт тӑӆ пураитн ищиты вән машинаитн округев ӆуватн ӊхӆӑт па мәшӑӊ хӑннєхуятӑт лекщитӆӑт.

Яӆп 2026-мет тӑӆ пиӆн! Ямал мўв Ӆорвош район мир эӆты нынана тӑмӑщ храм емӑӊхӑтӆ кеша м ясӊӑт китӆм. Яӆп тӑӆ кашӑӊ хӑтӆ сорния, хошама, сӑмӑӊа ат питӆ! 
Тӑм емӑӊхӑтӆ еӆ­пийн муй эӆты нмсаты, щит ат тыйӆ! 
Уӆпса умӑщ мойӆпсэт ат мойӆӑӆ, кў­тэӆн аршик м па сӑмӑӊ хятӑт ат уӆӆӑт! 

Тӑӆаӊ ёш, тӑӆаӊ кўр, хоттэӆ ёх пиӆн щўняӊа уӆаты!  

Ямал мўв культура заслуженной рупатнек
Диана Тарагупта (Лонгортова) 
(Ӆорвош хӑнтэт путрапсыйн)

Етӑп 2026-мет котӑн пан!ма утатӑн, каши-мушет ет ат мӑнтӑт! 
Нын хота­тӑн рўвӑӊа па щўниӊа ат питтӑт, рут ёхтӑт тытӑӊа ат уттӑт! 
Йисӑӊа, нуптӑӊа, татӑӊ ёш, татӑӊ кўр ет пета утатӑн!

Любовь Кашлатова
(Ас кўтуп хӑнтэт путрупсыйн)
 

Сӑм хӑрєм эвӑӆт Йиӆуп 2026-мит оӆ пиӆа м ясӑӊ лупӆум. Тӑм мӑӊхӑтӆ – щит йиӆуп нумсӑт нын пӑтана, хуйтат йис па мурта йис вәӆупсы еӆӆы тәӆӑт. Йиӆуп оӆ – щит йиӆуп вєрӑт тӑм вәӆупсыйн, щитӑт ма ат мӑнӆӑт!
Йиӆуп оӆн ма нын пє­ӆана вантман лупӆум – нын опращӆӑн иты тӑм ищки мўвн ма вәӆаты, ӆавӑӆман тӑяты, ӆыв йис вєрӆаӆ, сорни ясӊӑт, йис путрӑт, моньщӑт, арӑт еӆӆы тўваты – щит мєт тынӑӊ мўӊ вән Россия мўвев пӑта.
2026-мит оӆн нын пӑ­тана ат тывӆӑт:
– Нын вєрӆӑн ма ат мӑн­ӆӑт, нын па хоттєӆ ёхӆӑн тӑӆаӊа ат вәӆӆӑт!

Ма нынана тӑм Йиӆуп оӆ пиӆа м вўща ясӊӑт китӆум. 
Сыры ма шєӊк ӆӑӊха­ӆум, ӆәӆн нын тумтака па тӑӆаӊа, рәт ёхӆанӑн мосман ат тӑйсыйты, ка­шӑӊ ай па вән вєр нын хущана тәса па ма еӆӆы ат мӑнӑс. Ма сӑмӑӊа хӑнтэт, вухаӆят, юрнӑт тӑйӆум, нын «Хӑнты ясӑӊ» газетайн ищи мўӊева шєӊк мосӆ. Ин тӑӆта айкеӆ ӑкӑтты ёха м вўщайӊ ясӊӑт китӆум па ӆӑӊхаӆум, ӆәӆн еӆӆы тумтака ат вәсты па аршӑк тәс айкеӆ ат вєрсӑты!

Округев сыр-сыр хӑн­нєхуятӑта ищиты ӆӑӊхаӆум тумтака па тӑӆаӊа вәӆты!

Округ дума депутатӑт па ма нынана тӑм йиӆпа юхтум оӆ вўраӊӑн вән вўща ясӑӊ китӆўв!
Тӑм мӑӊхӑтӆӑн мўӊ нумӑсӆӑвн па сӑмӆӑвн ӆӑӊхаӆўв иса тумтака, щў­няӊа еӆӆы вәӆты. м нумӑсӆӑв тәӆўв еӆӆы вәӆ­тэв щирӑт оӆӑӊӑн. Ӆәӆн мўӊ вәӆты Югра мўвиев па вән Россия мўвев мир ӛрӑӊа па тащӑӊа ат вәӆӆӑт.
Тӑм йиӆпа юхтум 2026-мит оӆ Россия Президент иса мўвев ӆуват вәӆты мир тўӊа-щирӑӊа и нумӑсн, вещката вәӆты щира яс­тӑса. 

Йиӆуп 2026-мит оӆ пиӆа нынана м вўща ясӊӑт лупӆўв!

Кашӑӊ оӆ щи мӑӊ­хӑтӆӑн мўӊ м нумсӑт, м вєрӑт оӆӑӊӑн нәмӑсӆўв. Тӑм оӆ нынана ар амӑт па уй ат тәӆ.
Мўӊ нынана вән пәма­щипа ясӑӊ лупӆўв, хуты мӑнум оӆ мӑр мўӊ айкеӆӆўв ӆўӊӑтсӑты, м посӑт омӑссӑты. Еӆӆы мўӊ ищиты щи нын пӑтана әмӑщ айке­ӆӑт па шуши мир хӑннєхуятӑт оӆӑӊӑн хӑншты питӆўв.
Тӑӆаӊа, уяӊа-пищӑӊа, ма хоттєӆ ёхӆӑн пиӆа вәӆаты. Кашӑӊ хӑтӆ нынана амӑт па м айкеӆӑт ат тәӆ. мӑӊхӑтӆ пиӆа, тынӑӊ хуятӑт! Йиӆуп оӆ нынана йиӆуп вєрӑт ат тәӆ!

Йиӆуп оӆ пиӆа! Тӑм мӑӊхӑтӆ пурайн мўӊ ар­сыр әмӑщ вєрӑта эвӑӆӆўв. Щи вєрӑтн сыр-сыр тӑхетн вәӆӆяӆӑт – мўв иӆпи питы вуй вўты тӑхи сый, класс хуща няв­рємӑт киникайт лопсӑт кєртыйӆты сый, вўӆєң әхӆӑт мӑнты солӑң сый, ӛрӑӊ-щомӑӊ кӑсты ёх мевӆ посӑт сый, округ рәпитты ёх, хуйтат кашӑӊ хӑтӆ рәт мўвев пӑта така рәпитӆӑт.
Мӑнум оӆн мўӊ иха Югра мўвев йис вәӆупсы хӑншсўв. Мўв иӆпи 13 миллиард тонна арат питы вуй нух таӆсўв – щит иса Россия мўвев пӑта вуӆаӊ вєр. Хәнты щи вєр оӆӊитум ёх иты мўӊ ищиты щи апрӑӊа рәпитӆўв.