Айкеԯӑт - Новости

Йиӆуп оӆ пиӆа! Тӑм мӑӊхӑтӆ пурайн мўӊ ар­сыр әмӑщ вєрӑта эвӑӆӆўв. Щи вєрӑтн сыр-сыр тӑхетн вәӆӆяӆӑт – мўв иӆпи питы вуй вўты тӑхи сый, класс хуща няв­рємӑт киникайт лопсӑт кєртыйӆты сый, вўӆєң әхӆӑт мӑнты солӑң сый, ӛрӑӊ-щомӑӊ кӑсты ёх мевӆ посӑт сый, округ рәпитты ёх, хуйтат кашӑӊ хӑтӆ рәт мўвев пӑта така рәпитӆӑт.
Мӑнум оӆн мўӊ иха Югра мўвев йис вәӆупсы хӑншсўв. Мўв иӆпи 13 миллиард тонна арат питы вуй нух таӆсўв – щит иса Россия мўвев пӑта вуӆаӊ вєр. Хәнты щи вєр оӆӊитум ёх иты мўӊ ищиты щи апрӑӊа рәпитӆўв.

2025-мит оӆ щи сухӑнӆ. Арсыр вєрӑт тӑм оӆн вә­сӑт, тәх вєрӑт амăт тәсӑт, ӆавӑртшӑк суртӑтн мўӊ таксар ёха йисўв, ха таӆ­саюв, тәх вєрӑтн йиӆуп пища хущсаюв.
Вуӆаӊ ӆаӆьн нух питум вєрев пӑта мўӊ мӑӊхӑтӆ ӆэщӑтыйӆсўв, хәӆум пўш ӑктӑщийӆсўв па мирхотăт вєрӑнтыйӆсўв. Щирн мўӊ м вўща ясӑӊ путӑртсўв рәпитты мирев, ӆаӆь хӑрн вәӆум ёхӆўв пӑта, мӑ­та хуятӆўв ӆаӆь пӑнт хў­ват шәшман мўӊ мўвев ӆавăӆман вә­сӑт па кӑсты тӑхетн ищи нух питыйӆсӑт.
Мўӊ ӛр тӑйӆўв, хән иха катӆӑсман вәӆ­ӆўв. Мўӊ ар ӆавӑрт сурт м щира кєрӑтсўв, кашӑӊ щимӑщ вєр – щит иха и нумӑсн, и тӑхия шәшты вєрев.

Ван хӑтӆуп тыӆӑщ 10-11-мит хӑтӆӊăнăн Москва вошн «Языковая политика в Российской Федерации» нємпи IX-мит ӑктупсы вәс. Щи вәйтантупсы «Федеральное агентство по делам на­циональностей (ФАДН)» хуща рәпитты ёх ӆэщӑтсӑт. Щӑта ӑкмум мирев путӑртсӑт, муй вўрн Россия хуща рәт ясӊӑт ӆыӆăӊа хӑщуптӑты па муй вўрн щи ясӊӑт карты щўӊкӑт мухты шавиман тӑйты.

Ван хӑтӆәп нувийән 5-мит хӑтӆән Ас-угорской институтән дистанционной конференция вөс. Щи мирхота ар хӑннєхө хӑншәм нєпэк китәс, щи кўтән Йом вошән колледжән вөнәӆтыйәӆты эвэт ищи путәр ӆэщитсәт па щив китсэӆ. 

Тӑм оӆән щи мирхо­тән ӑшколайән па колледжән вөнәӆтыйәӆ­ты њаврємәт пӑта сек­ция вєрса. Щи секция пӑта студентәт Карина Сорокина, София Шес­талова па Валерия На­секина путәр ӆэщитсәт, хутыса «Ӆыӆәӊ сойәм» нємпи центра йӑӊхсәт па хӑнты моњщ акањ пиӆа њаврємәта ванәӆтәсәт. 

Ван хӑтӆуп тыӆӑщ оӆӑӊмит хӑтӑӆн ванӆтупсэт ӆэщӑтты «Югра-Экспо» хотн Ёмвошн «Йиӆуп щирн вошӑӊ кәщайт рәпитты» пӑта научно-практической конференция пўншсы. Щимӑщ вєр пӑта щив арсыр тӑхет эвӑӆт учёной хәйт па нєӊӑт, наука щирӑтн рәпитты па вошӑӊ ӑшколаитн няврємӑт вәнӆтӑты ёх нємасыя мирхота юхтыйӆсӑт.

Тӑм йисн нәмты питсы, муй щирн советской лащ пурайн веӆщи рәпитты оӆ­ӊитум айӆат ёх вән хуятӑт вәнӆтӑсӑт па нётсӑт. Ма щи­рємн, щит вєра вуӆаӊ па мосты вєр.

Васы мӑнты тыӆӑщ юхи хӑщум хӑтӆӑтн Ёмвошн округ мир творчества хотн хәӆмит пўш йис вәӆупсы вєрӑт еӆ тәты щира он­лайн щирн нємасыя «Наставничества ăшкола» рәпитӑс. 
Округ культура вєрӑт тәты де­партамент кәща нє Маргарита Козлова вўща вєрӑс:

Ас потты тыләщ 15-мит хӑтӆән колледжән хӑнты йасәӊ вөнәӆтәты студентәт «Ӆыӆәӊ сойәм» нємпи њаврєм вөнәӆтәты тӑхиәйа йӑӊхсәт. Тӑм пўш «Дошкольное об­разование» специальность хўват вөнәӆтыйәӆты эвэт хӑнты моњщ, вөнт войәт оӆәӊән презентация па йунтәп­сэт ӆэщәтсәт. 

Ас потты тыӆӑщ 4-мит хӑтӆӑн Россия ӆуват-тыйн арсыр мирăт ха ма вәӆты пӑта ӆәхсӑ­ңа вәӆты мӑӊхӑтӆ постӑӆăт. 

Тӑм йисн щимӑщ мӑӊхӑтӆӑт мосӆӑт, ӆәӆн арсыр мирӑт Россия мўвевн иха ӆәхсӑӊа, ма ат вәсӑт.

Касум вошн тӑм хӑтӆ постӑты пурайн мӑӊхӑт­ӆӑн арсыр ванӆтупсэт, шўкщӑты тӑхет вәсӑт. 

Кўлупн вошӑӊ мир пӑ­та «Мы силой единой сильны» нємпи мӑӊхӑтӆ вәс. Тӑм концерт пўншум пурайн кәща нє Анастасия Гришина ясӑӊ тӑйс:

Вўӆ нуви тыӆәщән њивәӆ хөсмит хӑтӆән Ас-угорской институтән рөпитты научной сотрудник, њаврєм вөнәӆтәты нє Ирина Молданова колледжән хӑнты йасәӊ вөнәӆтәты студентәт пиӆа «Ӆыӆәӊ сойәм» тăхи хуща йӑӊхсәт.

Щи вуӆаӊ нумӑсн Ёмвошн васы мӑнты тыӆӑщ 10–12-мит хӑтӆӑтн «Дни креативных практик» нємпи вән мирхот ӆэщӑтман вәс. Тыв Россия мўвев арсыр вошӑт па па хон пєлӑк Монголия мўв эвӑӆт учёнойт, хурамӑӊ хотӑт омӑсты архитекторӑт, хурӑт хӑншты ёх, хотӑт омӑсты пурмӑсӑт тыныты ёх юхтыйӆсӑт. Тӑм вән мирхот Ёмвош кәщайт ӆэщӑтсӑт.

Мойӊ ёха м вўща ясӑӊ Ёмвош кәща хә М. Ряшин лупӑс: