Айкеԯӑт - Новости

Ас нопӑтты тыӑщ 10-митн «Югра» нємпи айкеӑт ӑкӑтты хотн вәйтантупсы вәс. Щив «Победа» нємпи катра машинайтн яңхум ёх юхтыйсӑт, щит Н. Заболотнев, А. Прохоренко па А. Сафронова. Мос лупты, ыв вән кєр тыӑщ 17-митн Нижневартовск вош эвӑт «Победа» машинайтн мӑнсӑт, Ас нопӑтты тыӑщ 9-митн Ёмвоша кєрӑсӑт па Вуаң Победа емӑңхӑт постӑсӑт.

Ай нопӑтты тыӑщ 9-мит хӑтӑн Россия мўвев мир Вуаң Отечественной аьн нух питум хӑт постӑсӑт. Щи хӑт вўш эвӑт 73 о мӑнӑс. Ёмвошн щи емӑңхӑта 13 щурӑскєм хуят ӑктӑщӑс. Вошӑң мир «Бессмертный полк» вєрн ая яңхум па аь пурайн тарма рәпитум ёх хурӑт тўвман ыӑң ӑня лыптӑт кев хураса пунсӑт.

Вән кєр тыӑщн Ёмвошн Югорской государственной университет хуща А.А. Дунин-Горкавич нємпи XIV-мит научной мирхот вәс. Тӑм ўңтупсы увӑс мўв вәнтӑт, йиңкӑт оӑңӑн уша вєрты вуаң учёной хә А.А. Дунин-Горкавич сєма питум хӑт пӑты кашӑң о эщӑты.

Ас нопӑтты тыӑщ 2-5-мит хӑтӑтн па хон пєлӑк Эстония мўв Тарту вошӑң университет хуща XXXIV-мит IFUSCO нємпи мўвтє мир айат финно-угрӑт научной мирхот вәс.

Вән кєр тыӑщ 27-митн «Новости Югры» округ газета редакцияйн «Югра многовековая» нємпи киника єтӑс. Щӑта айкеӑт хӑншты ёх Югра мўв йис пура вўш эвӑт тӑм пура вәнты вәупсы оӑңӑн путрӑт хӑншман вәӑт. Щирн щӑта «Новости Югры» газета кәща В. Меркушев, «Сургутская трибуна» газетайн па «Старый Сургут» тӑхийн рәпитты нє А. Давыдова па округ оса тӑхет кәща ӑңкӑр хә К. Репин пиа вәйтантупсы вәс.

Тӑм вєр 2018-мит он тәнуп тыӑщ 21-мит хӑт вўш эвӑт па вәйт ор тыӑщ 9-мит хӑт вәнты мӑнты пит.

Ёмвош округ оса вєрӑт тәты департамент кәща ӑңкар нє Галина Липатова рәт ясңӑт нўша вєрӑт әхтыйн мирхота ёх ӑктыйсӑэ. ыв нух вантсэ, муй вўрн рәт ясңӑт еы тәты щира 2018-2020-мит оӑтн рәпитты мос. Муйсӑр авӑрт суртӑт ясӑң вәнтӑты вєрн вәӑт.

Ёмвошн Мира нємуп вош хулыйн 52 А хотн вуаң учёной ими Евдокия Ивановна Ромбандеева нәмты кєша нємӑң сох вєрса.

Ас нопӑтты тыӑщ 18-мит хӑтӑн Юграйн хәтхущъяңмит пўш «Спасти и сохранить» нємуп Мўвтє экологической вєр па кинайт вантӑты хӑр пўншсы. Щит питты епийн Служба по контролю и надзору в сфере охраны окружающей среды нємуп тӑхи кәща Сергей Пикунов айке ӑкӑтты ёха путӑртӑс, муйсӑр вєрӑт щи хӑтӑтн питӑт. ўв ясңӑ щирн, тӑм он щи вєр «Чистота планеты начинается с тебя» щирн аьщӑы.

Ешайн вәнтыйты пура сухӑн па айат ёх экзаменӑт мӑты питӑт. Яртъяң класс етшуптӑты хуятӑт Ас нопӑтты тыӑщ 25-мит хӑт вўш эвӑт лыпӑт тыӑщ 29-мит хӑт вәнты щит мӑӑт, ихущъяң класс юпийн Ас нопӑтты тыӑщ 28-мит хӑт вўш эвӑт вәщ тыӑщ 2-мит хӑт вәнты щит вєры. Хуйтат щи пурайн экзамен мӑты ӑн аємӑӑт, муй ушӑңа хӑншты кәс ӑн тӑйӑт, ывеа лыпӑт хойты тыӑщ 4-15-мит хӑтӑтн (ихущъяң классӑта), лыпӑт хойты тыӑщ 4-22-мит хӑтӑтн (яртъяң классӑта) мӑты рӑх.