Айкеԯӑт - Новости

Кашӑӊ оӆ лыпӑт хойты тыӆӑщ оӆӑӊ хӑтӆ еӆпийн Ёмвош округевн вәнт шушетн па ай кәртӑтн вәӆты няврємӑт ӑшколая ӑкӑтӆыйт. Щи пӑта нємасыя кәща ёх муй па учителят вертолёт тўтӑӊ хопн ай кәртӑт па вәнт шушет хўват ӊхӆӑт. Тӑм пўш ищи щи вєр ӆэщӑтсы. 

Нуви сӑӊхум район Касум кәрт кәща ими Алсу Назырова вәйт ӆор тыӆӑщ 29-31 хӑт­ӆӑтн Вўтвош, Тәрумӆор вош па вәнт шушийн вәӆ­ты хуятӑт хущи ӊхӑс. Ӆўв щив мосты кўрус тәс па няв­рємӑт Касума ӑкӑтсӑӆэ.

Октябрьской район кәртӑтн няв­рє­мӑта па вән хуятӑта грипп мәш эвӑӆт пуртән лоньщты питсы. Щимӑщ пуртән ӆоньщты мосӆ хәт тыӆӑщ ӆуват пушхӑт вўш эвӑӆт няврємӑта, пирӑщ хуятӑта, кӑши-мәшӑӊ ёха, кӑшаӊа вәӆты имета па рәпит­ты ёха. 

Югра Депздрав айкеӆ хӑнты ясӑӊа тулмащтӑс: Надежда Вах

Нягань вош пәӆь­ницая ар вак­цина китса. Щит «Со­виг­рипп» йиӆуп пур­тән, нивӑӆ щурӑс вак­цина вәӆты мир пӑта тәса.

Пәӆьницайн рәпитты ёх путӑртӆӑт, тӑм вакцина, мӑттэ, шєнк м, така кӑшитты хӑннэхәйт пӑта, и хотн вәӆты ёх, ка­шитты ӑн питӆӑт. Ищиты нәмӑсӆ терапевтической тӑхийн вән кәщая рәпитты нє Надежда Арсланова. Нягань вошн вәӆты мир  прививка вєрты партсайт. Кашӑӊ хуят ӆўвеӆа мосты прививка вєрӆ. Щӑӆта па муй микрорайон тӑхийн вєрты, ӆўв уша павӑтӆӑт.  

Вәйт ӆор тыӆӑщн 30-31-мит хӑтӆӊӑнӑн Округ народной творчества хот хуща мєт оӆӑӊ креативной индустрия ӑшкола пўншса. Тӑм ӑшкола федеральной проект «Россия хуща вєрум нумӑс» мухты ӆэщӑтса. Тӑм ӑшколайн няврємӑт кӑт оӆ мӑр вәнӆтыйӆты питӆӑт, иса тыв тӑм ол 80 хӑннєхә юхӑтсӑт.

Вәйт ӆор тыӆӑщ 28-30-мит хӑтӆӑтн Татарстан мўв Казань хон вошн Россия мў­вев арсыр мирӑт яс­ӊӑтн айкеӆӑт хӑншты ёх IX-мит вән мирхот вәс. Тыв 30 тӑхи эвӑӆт 250 муӆтас хуят ӑк­тӑщсӑт. 

Свияжск пәхӑр-кәрт

Тӑм оӆ оӆӊитум пура вўш эвӑӆт ӑн рәпитты 988 нє сєма питум няврємӆаӆ пӑта нётупсы вух ёша хоӆумсӑт, щи вєра 30 миллион муӆтас шойт вух мӑнӑс.

Ас хӑӆты тыӆӑщ вўш эвӑӆт ӑн рәпитты ӑӊкета Югра мўв Россия пенсионной фонд эвӑӆт вух сухуптӑсы. Сырыя щит соцзащита тӑхи ёх вєрсӑт.

Ёмвошн йиӆуп 9-мит ӑшкола пўншсы. Округ кәща нєӊэв Наталья Комарова, государственной дума депутат нє Ольга Ануфриева, Ёмвош кәща хә Максим Ряшин, тӑм ӑшкола кәща хә Юрий Личкун, «Квартал» нємпи хотӑт омӑсты тӑхи кәща хә Василий Балесный, округ па Ёмвош няврємӑт вәнӆтӑты вєрӑт тәты тӑхи ёх па Ёмвош дума депутатӑт няврємӑта м ясӊӑт лупты юхтыйӆсӑт.

Йиӆуп ӑшколайн 1056 няврєм вәнӆтыйӆты вє­ритӆӑт. 

Тәняӆ Ваньщавӑт ӑшкола 90 оӆ постӑсы. Щи вўраӊӑн ӑшкола рәпатнекӑт музей тӑхи ӆэщӑтты нумӑс вєрсӑт. Щи оӆӑӊӑн мӑнєма Руфина Прокопьевна Гришкина (Кондина) путӑртӑс. 

Кашӑӊ ӆўӊ округев ӆуваттыйн ӑшколайт хущи няврємӑт пӑта рўтьщӑты хӑрӑт ӆэ­щӑ­тыйӆӆыйт. Тӑм ӆўӊӑн Нуви сӑӊхум районӑн Ваньщавӑт кәртӑн ӑшколайн няврємӑт пӑта ищи рўтьщӑты хӑр рәпитӑс. 

Щив арсыр ӆуват пушхӑт ӊхсӑт. Ӆыв пиӆэӆа Наталья Ми­хайловна Молданова па Руфина Прокопьевна Гриш­кина рәпитсӑӊӑн. Ӆын пушхӑт пӑта арсыр әмӑщ вєрӑт ӆэщӑтсӑӊӑн. Няв­рємӑт юнтсӑт, кўтэӆн кӑс­сӑт, киникайт ӆўӊӑт­сӑт, сыр-сыр ущхуӆь утӑт вєрсӑт. 

Тӑм пўш мўӊ хӑншӆўв, ух шов шӑӊкап кӑши-мәшн юхӑтты пурайн муй щирн хӑннєхәя нётты па муй мєт оӆӑӊӑн вєрты, тохтур кӑшаӊ хуят хущи йиты мӑр. Тӑм хӑншум ут унтасн нын вєритӆӑты ух шов шӑӊкӑп кӑшийн юхтум хӑннєхәя нётты.

Ух шов шӑӊкап кӑши-мәшн юхӑт­ӆа, хән кӑӆы мосты щирн щив ӑн питӆ. 
Муй эвӑӆт щит уша вєрты рӑхӆ: 

- Хӑннєхәя партты мосӆ, ӆәӆн ӆўв нх мулӑӊа ат йис, ёшӆаӆ нух ат аӆум­сӑӆэ, нємӆ ат лупӑс;